Nahum 2:12 - DAWAN BÎLA AISKA

¹² Layan ba ai daiwra iki kan ba, layan mairin ra bara ai luhpia nani wal yui pi kan, bara ai watla ba daiwan ikan wîna ni banhki dauki kata.

Nahum 2:12 ပူးပေါင်းရင်းမြစ်များ

2 Samuil 17:8

Man kasak kaikisma papikam ba bara ai uplika nani ba tahplu atia sa, baha nani sibrin âpu. Nanara kasak lawi pali kaia sa, wingku wail ai lupia paki kan mihta dakban ba baku. Baha purkara, aisikam sika war aiklaklabra, witin ai natka baku, tihmia ra lika ai uplika wala nani tilara takaski kabia apia.

Lawana Nani 17:12

Witin nani layan baku sa, layan prautkira nani ai yukuwaika ra dimi aihwakisa pâli prak alkaia baman.

Jirimaya 51:34

Jerusalem, Saion tawanka ba, aisisa: “Nabucodonosor, Babilon kingka ba, yuya sirpi ai dauki ai langkan; plit kum bîla man ba baku ai dauki swin. Kabu daiwra saura tarka tara kum baku taki, ai langkan; dîa want ba kat ai âuyapah ai pin; bara tâka ba swin lulkan. ¡Babilon bui saura ai munan mana ba aibapbia! ¡Caldea uplika nani bui aibapbia, upliki nani ikan ba mana!”

Nahum 2:11

¿Layan watla untika nani ba ra kau dîa takaskuya ki, layan luhpia nani takaski yukuwaika ba ra? Bahara sika layan nani ba, ai luhpia nani aikuki, ai yukuwaika watla karnakira bri kan ba; upla kumi bahara dimi, witin nani ra sirang ikaia âpu kata.

Nahum 2:13

Dawan karnika sut bri ba kasak aisisa: “Kaiks, yang Dawan, man nani mampara buisna. War aiklabaia waginka nani brisma ba, yang mita angki kiasma man daukaisna; layankam luhpia nani sut ikamna; tasbayam ra implikan lâka nani bâra ba âpu daukamna, bara kau dahra twatwilkra bîla baikra ba wali kama apia.”

Kulki Kaikanka 23:24

Baha uplika nani layan baku sirang ikisa, witin nani takaskaia apia ai mapara bûi ba sut âpu daukbia ba kat, ai waihla nani tâlia ba sut dibia.”