Nahum 2:11 - DAWAN BÎLA AISKA

¹¹ ¿Layan watla untika nani ba ra kau dîa takaskuya ki, layan luhpia nani takaski yukuwaika ba ra? Bahara sika layan nani ba, ai luhpia nani aikuki, ai yukuwaika watla karnakira bri kan ba; upla kumi bahara dimi, witin nani ra sirang ikaia âpu kata.

Nahum 2:11 ပူးပေါင်းရင်းမြစ်များ

Blasi Sturka 49:9

Juda, man, yang luhpi. Man ba layan luhpia kum ai daiwra ikan ba pi si, ai lal makupi bara bawi ba baku sma, layan tara bawi ba baku. ¿Bara ya sin witin ra munka mahka bubia?

Aiseya 13:7

Baha ra upla sut klahkla karnika âpu takbia, upla kupia bani ba sin dring swapbia.

Aiseya 31:4

Dawan bui ai win: “Layan kum bui sîp kum ra alki ikan ba baku, sepad nani daknika kum aidrubi asla taki witin mapara balbia sin, sakuna ai bîla baikra ni sirang ikbia apia, witin nani binka dauki ba mita ni sin sasibrira takbia apia; karnika sut bri Dawanka ba sin baku aiklabi bal iwbia Saion ilka purara.

Aiseya 5:29

witin uhbi ba layan baku kabia, ai napa nani arkbia, daiwan kum ra pâli prak alkbia baku, swiaia tânka âpu, upla kumi sin witin ai bîla wina dakbi sâkbia apia.

Jirimaya 2:15

¿Dîa muni witin nani layan ihbi baku, karna ihbi bal alki ba? Kuntrika ba witin nani bal sauhki swin ba; tawanka nani sut angkan, uplika nani sin âpu daukan.

Jirimaya 4:7

Layan ba ai watla wina pat takan, nisan nani sauhki tiki ba pat yabal ra aula; ai tasbaya wina taki aula man kuntrikam ba sauhki tikaia, tawanka tara nani ba slingbi, pura paski bîla man swiaia.

Jirimaya 50:17

“Israel ba sîp tiwan kum baku sa, layan nani mita nina blikisa. Asiria kingka pas bal alki pin; baha wina, Nabucodonosor Babilon kingka ba mita alki pin bara dusa nani ba arban.

Jirimaya 50:44

“Yang kakalni balamni, Jordan awala unta tila wina layan kum taki aula ba baku, witin bal taki auya twi kura sangni baman pâwi ba tasbaya kat, Babilon uplika nani ba munrika baha wina plapbia, bara yang bâk sakuna uplika ba yarka, bahara wihta aimakbia. Bamna, ¿ya yang wal ai prakaia sip sa? ¿Ya bal yang maiwanra buaia sip sa? ¿Ani sepadka ba yang maiwanra bal bapi buaia sip sa?

Isikiel 32:2

“Naha prura lawana na, king fero Idsip kingka ba lawana aiwans: ‘Nisan nani layanka kum baku sma; kabu ra daiwan saura tara baku sma: awalkam ba buhutni daukisma, minam wal laya ba buhutni daukisma bara aubra ba blakisma.

Joel 2:6

Upla witin nani ra kaiki ba ra tatatwisa, ai mawan tâlia sin âpu takisa.

Miqueas 5:6

Witin nani ai sordka karnika ni baman Asiria tasbaya, Nimrod kuntrika ra, king aimaki kabia. Asiria nani mihta wina swaki wan sâkbia, wan tasbaya lainka lui dimi wan alkan ba.

Nahum 2:12

Layan ba ai daiwra iki kan ba, layan mairin ra bara ai luhpia nani wal yui pi kan, bara ai watla ba daiwan ikan wîna ni banhki dauki kata.

Nahum 3:1

¡Tala lalaikra tawanka, diara saura pali man ra takbia! Saura munan lâka ni aibanhram sa, baku sin kunin munaia lâka bara implikaia lâka brisma ba tnata âpu ban kabia.

Sofonías 3:3

Wihta tara nani ba layan baku uhbisa; wihta sirpi nani ba yul kraskira plun dauki kan, wîna dusa sut pi ba baku sa, yauhka dukiara dusa kum pan swiras.

Kulki Kaikanka 23:24

Baha uplika nani layan baku sirang ikisa, witin nani takaskaia apia ai mapara bûi ba sut âpu daukbia ba kat, ai waihla nani tâlia ba sut dibia.”