Nahum 1:8 - DAWAN BÎLA AISKA

⁸ Sakuna, witin ai mapara nani ra, lisamra tara suni diara sut aubi brih wi ba baku sauhki tikisa. Ai waihla nani ra tihmu tara ba mita bliki alkan kabia.

Nahum 1:8 ပူးပေါင်းရင်းမြစ်များ

Job 30:15

Sibrin lâka tara yang purira kauhan, praina ba pâsa baku lui wan, duki yamni nani ba mukus kumi baku lui wan.

Job 40:11

Aimayunra nani sut ba kaiks, ai kupia sauhkanka sanska yas, bara swira dauki yas bawbia.

Sins Lâka 4:19

Sakuna upla watawikira nani yabalka ba lika tihmia tara ra sa; witin nani ai dahra walras, dîa mita ai mina prukisa sapa.

Aiseya 13:10

Baha ba mita slilma nani bara slilma sirpi nani daknika kasbrika purara bâra ba ai ingnika ba sin ingbia apia; lapta ba uli balbia wal baku, tihmu tara iwbia, bara kati ai ingnika ba sin yabia apia.

Aiseya 13:9

Kaiks Dawan yua ba pat aula, saura pali, lawanka tara, kupia baiwanka tara wal, saura dadaukra nani ba tasba wina kusbi sakaia, bara tasba na bîla man swiaia.

Aiseya 28:17

Baha watla mâkaia lâka ba ni kulki kaikaia kiwka daukamni, watla mâkaia ba wapni mâkaia sakaia dukiara.” Kunin aisaia lâka ra, man nani yukuwaika wantka briram ba baha slingbamni, lî klaswan awi ba bara lî aubra mita yukuwaika watla ba aubi brih wabia.

Aiseya 28:18

Man nani prura wal lâ daukram ba bahki ra lakan kabia, bara man lâmka ba, prura kingka tasbaya ba wal bahki ra tawbia. Klala saura balbia bara man nani puramra taibia.

Aiseya 28:2

Kaiks Dawan nâra brisa, waitna kum karna pali, pâsa baku karnika brisa, lî diara sauhkaia auhi ba baku, kauhla pâsa krawi ba baku karna sa, lisamra dingkaia laya auhi ba baku sa, lisamra tara aubrika karna platukbi ba baku sa karnika ba wal tasba ba sauhkisa.

Aiseya 8:22

bara witin nani tasba ra kaikbia; bara kaiks pât tara, tihmia tara baman kaikbia, tihmia tara, pât wahwaia baman. Upla sut tihmia ra kabia. Pât wahwi taibi bri nani ba, swak takaia âpu kabia.

Jirimaya 13:16

Man nani bui Dawan Gâdkam ba pain kulki bas, witin bui man nani ra tihmia tara ba kau bri balras bara kiasma ilka nani ra kau minam prukras sma ba ra; baha ingnika bîla kaikisma witin mita kau tihmia tara ba bri balras dista tara ba kau daukras ba ra.

Jirimaya 51:64

bara wis: ‘Babilon ba baku rungwaia sa, Dawan mita sauhki tikaia blikuya ba wina kli bubia apia.’ ” Naha kat Jirimaya aisin ba takaskisa.

Isikiel 13:13

Baha mita, yang Dawan sna ba, aisisni: Kupi aisawanka ba pâsa karna prari baku blikamni; kupi baiwanka ba lî wal kau purkara yarka auhbia, bara lî klaswan yuyaka walpa baku yakabamna, kupi sauhkanka ba wal sauhki tikaia dukiara.

Daniel 11:10

‘Sakuna yahbra tani kingka luhpia nani ba, war aiklabia bubia, bara aiklaklabra daknika tâ kum sin asla daukbia. Witin nani ai tila wina kumi waupasa tani ra aiklabaia pura lubia, bara sauhki tikbia lisamra dingki sauhki bal baku; ningkara kli balbia bara waupasa tani kingka kan kahbaika pliska ba sin dakbi bribia.

Daniel 11:22

Ai karnika dîa bri ba sut lika âpu daukan kabia, baha purkara wal lâ daukan lalka ba ikan kabia.

Daniel 11:40

‘Ban sakuna, piua ba balbia ba ra, muna tani kingka ba yahbra tani kingka mapara aiklabia, bara naha na taki wabia wal prawaia, muna tani mapara bubia skwal saura baku, war aiklabaia wagin ni lisamra baku dimi wabia, aras âiulra daknika nani bara slaup nani kira sin.

Daniel 9:26

Wik 62 lubia ningkara, wan wihtka yamni muni mangkan matawalsip ba ikan kabia, Jerusalem bara Gâd watla ba sauhki tikan kabia, king kum balaia uplika nani bui pat pali piua tnata ba aimakbia, lisamra tara aula ba baku, sakuna war ba lika ban aiklabi kabia, sauhki tikaia lâka ba sin, ban tnata alkbia ba kat.

Emus 8:8

¿Baha daukram ba tâka mita, tasba na tatatwan kabia apia ki? ¿Upla nani tasba purara iwi ba sut sin inbia apia ki? ¡Idsip ra Nilo awala lisamra tara uli kli rahwi ba baku, tasba na uli, lahwi kabia!

Nahum 1:1

Nahum, Elcós tawanka wina ba, Gâd bui witin ra param taki dahra aisanka wauhkataya yan ba. Naha bîla nani sika Ninibi tawanka ra aisaia blikan ba:

Nahum 2:8

Lî watla tara baiwan wina lî karna plapi ba baku, Ninibi uplika nani ba taki plapi kan. “¡Takaski banhs! ¡Kli tawi bal!” upla bui wini kan, sakuna kumi sin tawi balras kata.

Sofonías 2:13

Witin ai mihta yahbra tani mapara sakban kabia, Asiria sauhki tikaia, Ninibi tawanka ba sin âpu daukan kabia, tasba lâwan upla iwras baku daukbia.

Matiu 7:27

Lî ba auhan, awala nani ra lisamra dingkan, pâsa nani sin watla ra prukan; ¡bara aiska pali kauhi aisawan!”

Matiu 8:12

sakuna Gâd king aimaki ba lâka ra kaia nani ba lata tihmuka ra lulkan kabia; bara bahara sika ini banhbia, ai napa nani sin arkbi kabia.

1 Samuil 2:9

Ai uplika kasakkira nani mina taibanka ba witin bui main kaikisa, sakuna saurakira nani ba tihmia tilara prubia, kan upla kumi sin ai karnika ba mita pura lubia apia bamna.