Nahum 1:6 - DAWAN BÎLA AISKA

⁶ ¿Witin ai kupia baiki lawi ba mapara ya sip sa ki bapi buaia? Ai kupia baikuya laptika ba, pauta klauhan baku laiwisa, bamna walpa tara nani ba baiwi lilak wal taki, witin ai mawanra, walpa tara nani ba lilak pîs wâl ra baiwisa.

Nahum 1:6 ပူးပေါင်းရင်းမြစ်များ

1 King Nani 19:11

Bara Dawan bui win: “Latara taki bal, bara bus maiwanra il ba purara.” Baha sim minitka ra Dawan luan, bara pâsa tara karna pali krawan, ban il nani ba baiwi kan, walpa tara nani ba sin tartar baiwi kan Dawan kainara, sakuna pâsa ba tilara Dawan bâra âpu kan. Bara pâsa ba luan ningkara, tasba nikban, sakuna tasba nikban ra Dawan âpu kata.

Job 26:11

Gâd mita tâ iki ba ra, sibrin mita il nani kasbrika tâ baiki ba sin tatatwisa.

Job 40:11

Aimayunra nani sut ba kaiks, ai kupia sauhkanka sanska yas, bara swira dauki yas bawbia.

Job 9:5

Gâd ai lawanka wal il nani ba kitbisa; baha nani batakisa bara upla kumi sin baha tânka briras sa.

Lawana Nani 130:3

Dawan, Dawan, watawan lâka ba kupiam ra bri katma kaka, ¿ya pali sip ai mina ra bapi bûi kaia kan?

Lawana Nani 2:12

witin lawbiara sîa; man nani yabal ra pruma, kan witin ai kupia baiwanka ba isi pali sa. ¡Yamni pali sa baha nani sut witin ra ai yukuwaika briaia pliki ba!

Lawana Nani 76:7

¡Man ra upla sut si brisa! ¿Ya sip sa man mamwanra bûi kaia man kupiam sauhkisma bara?

Lawana Nani 76:8

Kasbrika purara ba wina, man lâmka nani kaikaia marikisma; tasba ba sibrin daukisa bara sâp takisa.

Lawana Nani 90:11

¿Ya kaikisa man lawankam karnika ba? ¿Ya kaikisa man kupiam baiwanka ba?

Aiseya 10:16

Baha baku, Dawan karnika sut bri ba mita wîna karnakira nani ba karnika âpu dauki swibia, rihka ba pauta klauhi baha wîna ba ami kaia.

Aiseya 13:13

Baha ba mita yang kasbrika pura nani ba yabamna, bara tasba ai pliska ba wina kitban kabia, baha yua ra kupia baiwanka brimna ba ra, kupi baiwanka laptikira ba tâwan.

Aiseya 27:4

Kupi baiwanka witin mapara âpu sna. Sakuna kiaya, rahra maipara bâra sa kaka, taki wih war dauki, angki âpu daukamna.

Aiseya 33:14

Saion ra saura dadaukra nani ba sirang iwi tatatwisa, upla saura nani ba sirang iwi bal aisisa: “¿Ya yawan wan tila wina pauta klauhan wan sasauhkra bâra iwi ban kaia sip sa, pauta klauhan ban kaia ba?”

Aiseya 66:15

Kan Dawan ba pauta klauhan tilara aula, ai waginka ba alhkablakat baku sa; ai kupia baiwanka laptika ba yakabaia bara pauta klauhan laknika laptika klalka ba sin.

Jirimaya 10:10

Dawan sika Gâd pali ba, Gâd ai rayaka bri ba, king ban ba. Witin ai kupia baiki ba ra tasba nikwisa; ai kupia baiwi ba mapara nisan nani sip bapi buras.

Inanka Nani 2:3

Witin ai kupia baiwanka ra, Israel karnika aiska ba klaki dakban. Yawan wina laihura sakan ai hilpka karnika ba, wan waihla mapara buan piua ra; ¡Jekob ra pauta laknika kum yan klauhan, sauhki tiki kan dîa wal prawi bani ba!

Inanka Nani 2:4

Dawan ai pantamangkika ba aubi bulkan sa, waihla kum baku, mapara aiklaklabra kum baku, wan nakra ni kaiki yamni ba sauhki tikan sa; witin ai lawanka ba pauta klauhan baku yan, Saion pranakira ba purara kauhan kata.

Inanka Nani 4:11

Dawan ai lawanka tara brin, bara ai kupia baiwan laptika aiska pali ba yakaban; bara Saion kat pauta blikan, bara ai plamaika tara nani sut sin ami luan.

Isikiel 21:31

yang lawanki ba man puramra blikamni, pauta klauhanka saurakira baku; upla sauhki tatikra saurakira nani mihta ra mai mangkamna.

Isikiel 30:16

Idsip ra pauta klauhan mangkamna, bara Sin ba latwan mita yuswi kabia; Tebas kutbanka ba sauhki tikan kabia, bara Menfis ba kakna pali ra bal rausauhkbia.

Isikiel 39:6

Pauta klauhan blikamna Magog purara bara lamni ba kabu lamara iwi nani purara. Baku mika ai dara wali banhbia yang sika Dawan sna ba.

Isikiel 7:8

Nanara isti pali kupi baiwanka ba, man nani puramra laikamni, yang âiyapah brimna kat man ra mamkabamni daukankam dukiara, bara klala maikamni daukankam saura nani ba tâwan.

Nahum 1:2

Dawan ba tâwan lalawra Gâdka sa, bara sin pana mamunra sa; ai lâka mapara nani ra, witin pana saura munisa. Bamna ai waihla nani mapara ai kupia sauhkisa.

Sofonías 2:2

rais kapan taya baku puhbi saki kau lap mai tikras ba ra; Dawan lawanka lapta pali ba man nani puramra kau balras ba ra, Dawan lawanka yua man nani ra mai alkras ba ra.

Malaquía 3:2

Sakuna, ¿baha yua ba ya bui takaskbia? ¿Ya ban bûi kabia? Witin pauta klauhi baku balbia, angki klin wan sakaia, sup baku wan tâskika nani ba sikbi sakaia dukiara aula.

Malaquía 4:1

Karnika sut bri Dawanka ba aisisa: “Yua ba aula sa, kubus lapta takan ba baku, prautkira watawikira nani ba sut twi lâwan baku pauta klauhan kum ra ambia. Baha yua aula ba mita angki witin nani sut âpu daukbia.

Param Marikanka 16:1

Bara yang bîla baikra tara kum, Dawan wal aisaia watla ba wina insal 7 ba aisi kan walri: “Man nani wih Gâd klalka saura tara kapka 7 ba tasba purara laiks.”

Param Marikanka 16:8

Insal walhwalka ba kâp ba yu lapta purara laikan, bara yu lapta ra karnika yan upla nani ra ai laptika ni angkaia.

Param Marikanka 6:17

Kan lawanka tara yua ba balan sa, ¿bara ya baha mapara ban buaia sip kabia ki?”