Nahum 1:5 - DAWAN BÎLA AISKA

⁵ Il tara ba, Dawan mawanra tatatwisa; il sirpi nani ai kainara ba sin mahka slilwisa. Witin ra kaikuya ba ra tasba aiska ba tatatwisa, tasba aiska bara bilara diara nani bâra ba sin.

Nahum 1:5 ပူးပေါင်းရင်းမြစ်များ

2 Samuil 22:8

“Tasba nikban tara kum takan kan; kasbrika purara ba playka tara nani ba nikban; Dawan kupia baiwanka ba mita nikban kata.

Job 26:11

Gâd mita tâ iki ba ra, sibrin mita il nani kasbrika tâ baiki ba sin tatatwisa.

Job 9:5

Gâd ai lawanka wal il nani ba kitbisa; baha nani batakisa bara upla kumi sin baha tânka briras sa.

Lawana Nani 104:32

Witin naha tasba ra kang kaikisa, bara tasba ba tatatwisa; ai mihta ni il nani ra kangbisa bara il nani ba kiasma takisa.

Lawana Nani 114:4

¡Il nani ba, bara il unta tara nani ba, guts bara sîp lupia srutwi puli ba baku srutwi pulan!

Lawana Nani 114:6

¿Dîa man nani ra takan, il nani bara il unta tara nani man nani srutwi katma ba, guts bara sîp lupia nani baku?

Lawana Nani 18:7

Bara tasba nikbanka tara kum takan, il nani playka ba sin nikban kata, Dawan kupia baiwanka ba mita nikban kata.

Lawana Nani 18:8

Ai kakma nani wina sin kiasma takan, ai bîla wina sin sauhki tikaia, pauta klauhan takan; ¡masku aswi nani ai bîla wina yakabi kan!

Lawana Nani 46:6

Nisan nani bin tara daukisa, king tasbaya nani ba tatatwisa, tasba ba slilwisa ai bîla baikra saki ba waluya ba ra.

Lawana Nani 68:8

bara tasba ba nikban, lî sin kasbrika purara ba wina auhan, Sainai ilka ba sin tatatban, Gâd mamwanra; Âu, Israel Gâdka mawanra.

Lawana Nani 98:7

Kabu ba bin tara daukbia, bara kabu bilara ba sin; tasba aiska ra upla nani iwi ba sin;

Impakan Sturka 19:18

Sainai ilka pura aiska ba kiasma baman saki kan, Dawan baha purara bal iwan bamna. Kiasmika ba pauta mukaika watla tarka tara kum wina taki uli ba baku taki kan, bara il aiska ba sin nikbi kan.

Aiseya 24:1

Man nani kaikma, Dawan mita tasba bilara diara âpu swibia, diara nani ba sauhkbia, lulki bataki swibia, upla nani ba sut plapaia.

Aiseya 24:20

Tasba ba upla bla kum parwi baku nikban kabia, mani watla lupia baku yahbi kabia. Saurka wirhika mita kau wirha taibi kabia bara kauhbia, baha kli sip bubia apia.

Aiseya 5:25

Baha ba tâwan, Dawan kupia baiwanka ba ai uplika nani mapara sakan bara witin nani mapara ai mihta sakban bara klala yan. Il nani ba tatatban, ai pruanka nani ba dipasta baku yabal lila kat lulki swin. Sakuna baha sut ba mita, ai kupia baiwanka kau takaskras kan; ai mihta ba kau ban sakbi brisa.

Jirimaya 10:10

Dawan sika Gâd pali ba, Gâd ai rayaka bri ba, king ban ba. Witin ai kupia baiki ba ra tasba nikwisa; ai kupia baiwi ba mapara nisan nani sip bapi buras.

Jirimaya 4:24

Bara kli tawi il nani ra kaikri, bara baha nani sin tatatwi kan; il sirpi nani ba sin nikwi kan.

Isikiel 38:20

Kabu inskika nani ba, kasbrika ra piawira nani ba, daiwan wail nani kwasi ba maiwanra tatatbia, baku sin upla tasba ra nani ba sut. Il tara nani ba yakawbia, walpa nani ba kauhbia bara kutbanka nani sut ba tasba ra slingwi yakawbia.

Joel 2:10

Tasba ba witin nani ai mawanra nikwisa, purara kasbrika ba sin tatatwisa, lapta bara kati sin ai ingnika ingras, slilma nani ba sin ingnika âpu takisa.

Emus 9:5

Dawan karnika sut pali bri ba, tasba na ai mihta ni kangbia bara slilwi kabia, upla nani bahara iwi ba sin ini banhwi kabia. Nilo awala lisamra tara suni kli rahwi ba baku, tasba na lisamra tara suni kli rahwi kabia.

Miqueas 1:4

Witin ai mina nani munhtara, il tara nani sut slilwan kabia, blas pauta lakni lamara slilwi lap tiwi ba baku; lî aubra tara nani mita klaki daukan baku, il bîla langnika nani ba, wâl ra kwâkan kabia.

Abakuk 3:10

Il nani ba mai kaiki bara tatatwisa; lî nani ba kasbrika wina laiwisa; bara kabu tihuka tara ba ulbisa ai ripka tara nani saki lulki ba ra.

Sakaraya 4:7

Il tara, ¿man ba ya sma ki? ¡Zorobabel mawanra man ba tasba langni baku takma! Witin sika tempel walpaya wihtka ba, ai watlika ra mangkbia bara upla nani wini kabia: ¡Pranakira sa! ¡Pranakira sa!’ ”

Malaquía 4:1

Karnika sut bri Dawanka ba aisisa: “Yua ba aula sa, kubus lapta takan ba baku, prautkira watawikira nani ba sut twi lâwan baku pauta klauhan kum ra ambia. Baha yua aula ba mita angki witin nani sut âpu daukbia.

Matiu 27:51

Baha sim piua ra, tempel kwalka paman kan ba lilak kalwan, pura wina munhta kat. Bara tasba ba nikban, walpa nani ba tar baiwan,

Matiu 28:2

Tisku baku kan, tasba nikbanka tara kum takan. Baha ba Dawan insalka kum kasbrika purara ba wina bal iwan, bara raitika ra wih, raiti pura prakan kan walpaya ba karbi saki, baha purara iwan.

Param Marikanka 20:11

Bara yang lika king iwaika pihni kum kaikri, baha purara iwi kan ba sin. Ai mawan wina tasba bara kasbrika pura ba aiska lap tiwan, bara baha nani pliska kumi sin sip kaikras kan.

Param Marikanka 6:14

Kasbrika purara lap tiwan wauhtaya kum karbi blaki ba baku, bara il nani ba sut, kî dakura nani ba sin ai pliska nani wina kitban kan.

Wihta Nani 5:5

Dawan, man mamwanra, man mamwanra, Israel Gâdka, il nani ba nikwi kan, Sainai ilka ba sin.