Nahum 1:14 - DAWAN BÎLA AISKA

¹⁴ Ninibi kingka, man dukiamra Dawan naku daukaia aisin: “Man kiamkam wala nani, tasba ra raya swin kabia apia ninam ba brih waia; gâdkam tempelka watla sut sauhki tikamna, aidul nani ba bara dawankam lilka bahki nani ba tilara mai bikamna, kan man ra saura mai kulkan ba mita.”

Nahum 1:14 ပူးပေါင်းရင်းမြစ်များ

2 King Nani 19:37

Bara witin yu kum ai gâdka Nisroc priaska watla ra dimi mayuni kan, bara ai luhpia nani Adramélec bara Sarézer wal bui sord wal klaki ikan, bara Ararat tasbaya ra plapi wan. Ningkara witin ai watlika ra ai luhpia waitna Esarhadón ba king aimakan.

2 Kronikas 32:21

Bara Dawan ba ai insalka blikan bara baha nani sut iki tikan, suldiar nani, kiaptin nani, kamandantika nani, Asiria kingka kiampka ra, bara witin kli ai tawanka ra wan, ai swira tara ba wal. Bara ai gâdka tempelka ra diman ba ra, silp ai luhpia nani mita ikan.

Job 18:17

Kupia kraukaia lukra nani sut lika tasba wina diki sakan kabia, bara ai nina ba sin kli mâkan kabia apia.

Lawana Nani 109:13

Witin ai kiamka nani ba sin âpu daukbia, ai nina taitilka ba sin diki sakan kabia.

Lawana Nani 71:3

Man ba, yang kaini kahbaika walpaya ba, ¡man lika yang yukuwaiki watla bas, bara swaki sakan lâka ba sin! ¡Man sika, yang wailpaya bara yukuwaiki watla sma ba!

Impakan Sturka 12:12

Baha tihmika yang lika Idsip tasbaya aiska ra lui wamna, bara Idsip uplika nani watla bîla bani ra, luhpia tawahkia bani ba ikamni; daiwra luhpia tawahkia nani ba sin, bara Idsip gâdka nani ba lâka sin daukamni. Yang Dawan, baku aisisna.

Sins Lâka 10:7

Upla kasakkira ba yamni lâka wal kupia kraukisa, rugkira ba, isti pali âuya tiwisa.

Aiseya 19:1

Idsip mapara dahra aisin ba: Man nani kaiks Dawan ba kasbrika karna plapi ba kum ra uli: Witin Idsip ra aula. Idsip aidulka nani sut witin ai mawanra tatatwisa, Idsip uplika nani ba, kupia dring sirang sa, ai tila kat.

Aiseya 33:13

Wals, man nani laihura sma ba baha warkka yang daukri nani ba; bara man nani sin baila ra sma ba, man nani bui yang karniki ba tânka kaiks bara aisas.”

Jirimaya 50:2

“Nisan nani ra maisa paks, naha tânka witin nani briaia. Maisa pakanka tukinka ba purara buks; diara kumi sin yukukpara. Man nani wis: ‘¡Babilon kata pat brin! ¡Bara gâdka Bel kata ba lawaska kikaia ra lakan, Marduc gâdka kata ba, sibrin tara ra sa! Aidulka nani, gâdka bahki nani ba, lawaska kikaia ra tawan bara sibrin tara ra sa.’

Daniel 11:21

‘Witin ba ningkara ai watlika ra saura kulkan waitnika kum king aimakbia, witin ba king lâka alki briaia aitani apia kan, ai lukanka saura nani ba yukuki kunin lâka ni king lâka karnika ba alki bribia.

Daniel 5:27

TEKEL: Man kingkam lâka ba mâyara pali iwram sa;

Libait Lâka 26:30

Lukras nani tempelka ba sauhki tikamni, lilka nani ba slingbamni, altarka nani wâl ba sin baiki pura paski swimna; upla pruan nani ba paski swimna, bahki ai kulkaia lâka bri ba yang tâinka marikamni;

Miqueas 5:13

Walpa ni karbi gâdkam lilka daukram ba sin, yang âpu daukamna; bara man nani mihtam ni paskram gâdka nani ba mawanra, kli bawi mayunma apia.

Miqueas 5:14

Aserá dusa sunukira tilamra brisma ba, daiki lulkamna, bara tawankam nani sin sauhkamna.

Abakuk 2:10

Baha daukram ba tâka mita, swiram mai daukaia ba wamtla bilara bri balram, mai sauhki mai tikaia lâka ba man daukram, nisan nani sauhki tikram ba mita.

1 Samuil 3:13

Witin ra maisa pakri yang klala yabaisna ba ban kaia, baha yabaisna ba witin sut kaikisa, ai luhpia nani ba laihtuban, sakuna witin baha nani ra lawi daukras kan.