Miqueas 7:14 - DAWAN BÎLA AISKA

¹⁴ ¡Dawan, uplikam nani ba aihwaki kaiki bas, witin nani sika man sîpka daknika nani pali sa bamna! Il tara nani tilara yakan iwisa, tasba disang nani tilara. Basán, Galaad twiya tasbaya ra brih was kaina piua ra kata baku.

Miqueas 7:14 ပူးပေါင်းရင်းမြစ်များ

Lawana Nani 100:3

Kakaira taks man nani, Dawan ba sika Gâd; witin sika wan paskan bara yang nani witin dukia sna. Yang nani, witin ai uplika sna bara sîp daknika nani sin.

Lawana Nani 143:5

Piua nani luan ba ra kupi kraukisni, bara lukisni man diara sut daukram ba dukiara.

Lawana Nani 28:9

Dawan, uplikam nani ba swaki sâks; yamni muns, witin nani ba man uplikam sa. Sepad yamni kum baku witin nani ra main kaiks; ¡klamhkla ra alki ban kaia ra bri bas!

Lawana Nani 95:7

Witin yawan wan Dawanka, bara yawan na witin ai uplika nani; yawan na ai sîpka daknika, twi langnika nani ra ba. Man nani naiwa wals, witin dîa aisi ba:

Impakan Sturka 33:16

Kan man ba yang nani wal waras sma kaka, ¿nahki yang bara uplikam nani sin tânka bribia, man bui yang nani ra yamni lukisma sapa? Baku natka ra baman yawan wan tânka briaia, nisan wala nani tila wina aihka wan sakram ba.

Yamni Kulki Lawana 4:1

¡Kaiki painkira sma, laitwankira mairin! ¡Kaiki painkira sma! Namkra nani ba butku wâl baku sa, mamwan pura bikaika kwalka brisma ba, ninara yukuwi baku ba, man tâmwa nani ba, guts lupia nani baku sa, Galaad ilka ra srutwi, aitniki puli banhwi ba.

Aiseya 27:13

Baha yua ra sin trumpit binka tara puhbi kabia, baha nani Asiria tasbaya ra yakaban nani ba balbia, tasbaya wina kangban Idsip ra wan nani ba sin, bara witin nani Dawan ra mayunbia, Jerusalem ra baha il holikira sa purara.

Aiseya 35:2

Tangnika ailal baiwbia, bara sin witin lilia aiwanbia, liliakira pali. Líbano mayunra ba witin ra yan kabia, Carmelo, Sarón prana ba sin tasba maura ra. Upla sut Dawan prana ba kaikbia, wan kingka Gâd prana ba.

Aiseya 37:24

Man nani dukiam dadaukra nani bâk Dawan mapara saura aisaram: ‘Yang waginki aiklabaia ailalka ba wal, il purara uli wari, bara Líbano ra tawi dimi wari. Bara ai yalamka, ai awaska kau pranakira bara yari nani ba sin klakri. Bara sin kau unta biara ra dimi wamna, baha untika puka, tangni kau pranakira bâra ba kat.

Aiseya 40:11

Witin sepad baku ai daknika ba main kaiki aula; sîp lupia nani ba ai klahkla ra twilkisa, swap lupia nani ba, ai lama bîla kat main kaiki alkisa.

Aiseya 49:10

“Witin nani kli plun daukbia apia, diran sin daukbia apia, yu laptika mita sin bara lapta bitnika mita sin munbia apia, kan yang bui witin nani ra latwan sna tâ brisna bamna, bara lî kârma nani ra brih wamna.

Aiseya 65:10

Bara Sarón ilka bîla ba sîp daknika nani klarka daukbia, Acor twaya bîla ba sin bîp nani wakabi piaika watla kabia, yang upliki nani yang ra ai pliki nani ba bribia.

Jirimaya 49:31

Yang, Dawan, man nani ra mai wisna: ¡Kainamra waps, baha uplika nani trabil âpu ai âuyapah ba wal aiklas, get nani âpu, prakaika sin âpu, yakan pali iwi ba mapara!

Inanka Nani 1:7

Jerusalem ai kupia kraukisa baha yua nani kata ba, yakan bâra takaskan bara sari baman kan; ai kupia ra lukisa nahki yuyaka ailal bri kata ba dukiara piua luan nani ra; ai kupia kraukisa waihla nani mihta ra kauhan piua ra, bara upla kumi sin waras kan hilp munaia, ai waihla nani kaikan bara lawaska kikan ai kauhanka ba dukiara.

Inanka Nani 5:21

¡Man ra tawaia wan muns, Dawan, bara yang nani lika man ra tawamna! ¡Rayaki ba kli raya dauks, patitara yua nani kata ba baku!

Isikiel 36:11

Yabrika upla bara daiwan nani ba ailal pali sauhbia. Upla ailal pali takbia blasi piua ra kata baku; bara piu luan ba wal, man nani kau yamni kama. Baku mika damra wali banhma yang sika Dawan sna ba.

Libait Lâka 27:32

“Daiwan matawalsip bani ba wina kumi ba Dawan dukia kulkan sa, bîp sapa, sîp sapa,

Emus 9:11

“Debit tintka watla kauhan ba, kli bukaia yua ba aula. Tnaya kutbanka ra unta takan ba paskamni, slingwanka nani ba sin bukamna, witin raya kan piua ra kata ba baku kli paskamni.

Abdías 1:19

Israel luhpia nani Négueb wina bal, Isau ilka tasbaya nani ba bribia; bara twi langnika tasbaya ra iwi nani ba bal filisteo nani tasbaya ba alki bribia. Israel luhpia nani Efraín tasbaya Sameria sin alki bribia; bara Benjamín lika Galaad tasbaya alki bribia.

Miqueas 5:4

King ba tawan tâ briaia buan kabia, Dawan ai Gâdka king tara karnika bri ba wal, bara witin nani pri lâka ra iwan kabia, kan Dawan ba tara pâwan kabia tasba aiska ra.

Sofonías 3:13

Israel luhpia nani pruras kan ba, witin nani diara saura daukbia apia, kunin sin aisabia apia; ai bîla kunin lâka ni banhki kabia apia. Upla kumi ra sin sibrin lukras ai pata pi ris bri kabia.”

Sakaraya 10:10

Witin nani Idsip wina kli bri balaia daukamni. Asiria wina sin bri balamna, bara witin nani ba Galaad ra, Líbano ra brih wamna, upla ailal pali kabia ba mita, dimaia utla sin âpu kabia.

Sakaraya 11:7

Bara sîp nani ikaia watla ra brih waia lâ daukan ba, mahka main kaikri. Bara âiatkra nani aikuki atkaia lâka ba yang daukri. Bara dus wâl brih, nina nani ba naku mâkri: kumi ba wîri “Hilpka yabaia”, wala ba wîri “Asla kaia”.

Malaquía 3:4

Bâra mika Dawan, Juda bara Jerusalem wal ai prisantka brih aula ba briaia lilia takbia, blasi piua lilia kata baku.

Kulki Kaikanka 23:9

Naha walpaya tara nani pura wina kaikisna, kiuhsi pura wina sin kaikisna: baha uplika nani ba ai mânka bâra iwisa, uplika nani ba nisan wala nani wal baku apia sa.

Kulki Kaikanka 32:1

Ruben bara Gad wal kiamka nani ba, bîp ailal pali bri kan. Witin nani kaikan Jazer bara Galaad tasbaya ba pain kan bîp sahwaia,

Kulki Kaikanka 32:4

Dawan mita baha tasbaya nani ba dakbi Israel luhpia nani ra yan ba, baha tasbaya nani ba twi manis pâwisa bîp nani pata. Yang nani dukiam dadaukra nani brisna ba sika bîp manis.

Matiu 2:6

“Bamna man, Betlehem, Juda tasbaya ra, Juda wihtka nani tilara man ba kau sirpi pali apia sma, kan man wina wihtka tara kum takbia, bara witin mita upliki Israel luhpia nani ba tâ bri kabia.”

Jan 17:16

Yang naha tasba wina apia sna ba baku, baha nani man aikram ba sin naha tasba wina apia sa.

Kli Smalkanka 33:28

Israel ba kasak luki tniwi kabia, ai kiamka nani sut kupia kumi ra lâka ra iwi kabia. Ai tasbaya ra plawar nasla nani bara wain nasla nani bâra kabia, kasbrika purara ba wina witin nani ra lî auhi ban kabia.