Miqueas 6:8 - DAWAN BÎLA AISKA

⁸ Dawan bui man ra pat mai win, dîa ba yamni daukaia tânka bara dîa man wina bîla kaiki ba. Bamna naha pali sika, man daukaia witin mamkabi yaba: kasakka lâka daukma, kupia pihni lâka ba, latwan kaikma, bara Gâdkam mawanra bawikira kaia sma.

Miqueas 6:8 ပူးပေါင်းရင်းမြစ်များ

Blasi Sturka 18:19

Yang bui witin ba bâk sakri, ai luhpia bara ai kiamka nani ra sin yang bîli nani ba smalkaia, witin nani bîli wali daukaia, diara yamni bara diara wapni ba daukaia. Bara yang bui witin nani ra dîa pramis munri ba sut daukamna.”

Blasi Sturka 5:22

Bara Henoc Gâd wal wapan, Matusalén baikan ba ningkara 300 mani alkan ba ra ai luhpia waitna nani bara ai luhpia mairin nani baikan.

2 Kronikas 30:11

Ban sakuna, upla bâra kan Aser kiamka nani kum kum ba, Manasés bara Zabulón wina sin, Dawan mawanra bawan bara Jerusalem ra wan.

2 Kronikas 32:26

Ban sakuna, Ezequías ba ai kulkanka ba tilara Dawan ra bawan, bara Jerusalem uplika nani sin baku daukan, bara Ezequías kau raya kan yua nani ra lika Dawan ai lawanka ba blikras kan witin nani purara.

2 Kronikas 33:19

Ai pura sunanka bara Dawan wina aisinka brin ba, ai saurka bara kasak apia daukanka nani bîla walras lâka nani daukan ba, aidul gâdka nani ra altar paski yaban ba, Aserá lilka nani mangkan kan ba, baku sin aidul nani lilka, Dawan ra bawaia watlika ra, naha sut ba prapit nani sturka tilara ulban sa.

2 Kronikas 33:23

Dawan mawanra bawras kan, sim ai aisika Manasés daukan baku, sakuna witin kau saura daukan.

2 Kronikas 34:27

bara kupiam ra uya luki yang ra mihti ra aimakram bamna naha pliska ra bara ai uplika nani iwi ba mapara aisari ba walram bamna, bara man lika yang ra bawram bamna, kwalkam nani sin kalkram maiwanra, baha mita sin mai walri. Yang, Dawan, mai wisni.

Nihimaya 9:13

“Baha ningkara, Sainai ilka bahna ra bal iwram, bara witin nani wal aisaram laih kasbrika pura ba wina; bara witin nani ra lâ kasak kat daukaia lâka yaram, smalkanka kasak nani, lâ nani bara adar yamni nani ba sut.

Lawana Nani 101:1

Latwan lâka bara kasakka lâka tânka aisin ai daukisa; Dawan, lawana aiwani maikan ai daukisa;

Lawana Nani 112:4

Ingni kum tihmia ra ingwi ba baku sa; ingwisa upla kulkanka bri nani purara; Kupia swapni sa, latwan ba ra kasak sa.

Lawana Nani 112:9

Umpira nani tilara diara yuisa ai kasak lâka ba ban sa, ai lal buki ai kulkanka lâka ba wal.

Lawana Nani 37:26

Piua bani witin bui upla wala ra diara yabisa pana mana, ai kupia swapni sa, ai luhpia nani ba, yamnika nani sa.

Lawana Nani 73:28

Sakuna yang lika Dawan lamara wamna, kan baha ba kau pain sa yang maipa ra. Man, Dawan Gâd, man sika yang yukuwaiki aihwa sma ba, bara yang bui man bui diara tara daukram ba aisi kamni.

Sins Lâka 21:3

Kasakka lâka bara wapni lâka ba dauks, kan Dawan mita baha ba kanra yamni kaikisa daiwan nani iki angki dauki ba wal.

Smasmalkra 12:13

Smalkanka ba tnata alkan sa. Pat diara sut win sa, Gâd ra kulks bara ai lâka nani ba dauks, kan baha ba upla sut daukaia sa.

Aiseya 56:1

Dawan naku win sa: “Wapni lâka ba alki dauks, bara man nani kasakka lâka ba dauks, kan swaki mai sakaia lâka ba pat lamamra aula sa, yang kasakki lâka sin param mamrikaia.

Aiseya 57:15

Kan witin Laih Purara iwi ba, ban kaia ra raya ba, witin ai nina ba holi, witin aisisa: “Yang lika waitla laih purara holikira ba ra iwisna, upla kupia kriwan ai spiritka umpira luki ba baha wal, bawikira nani spiritka ba, ban raya kaia daukisna, kupia kriwan nani spiritka ba, lukanka raya daukisna.

Aiseya 66:2

¡Naha diara nani sut ba yang daukri! ¡Bara baku mahka diara nani sut ba bal takan! Yang, Dawan, kasak aisisna: “Sakuna baha uplika yang bui witin kat kaikisna ba bawikira umpira luki ba bîli ba kulki yang bîli wali kulkaia.

Jirimaya 22:16

Umpira nani, taiban uplika nani ba raitka tâwan aisi kan, ba mita dauki kan ba yamni man taki kan. Baha tânka sika man ai kakaira takaia sma. Yang, Dawan, kasak aisisna.

Jirimaya 22:3

‘Kasak lâka bara wapni lâka ba man nani naha tasbaya ra dauks, man nani tataibra nani ba mihta wina taiban uplika nani ba pri sâks, tringsar nani ba mâyara kulkpara bara sin rausauhkpara, rau nani ba bara piarka mairin nani ba sin. Upla pâtkas nani ba sin ikpara.

Jirimaya 9:23

Dawan aisisa: “Sinskira ba sinskira sa wisi aimayuni kabiara, karnakira ba ai karnika bri ba dukiara sin apia, yuyakira ba sin diara bri ba wisi aimayuni kabiara.

Inanka Nani 3:26

Kanra yamni sa, sâp taki Dawan hilp wan munaia ba bîla kaiki kaia.

Isikiel 16:63

Man kupiam kraukma, bara swiram lâka tara pali damra walma; bara bawan lâka sin baku man kli bîlam kwâkma apia; yang saurkam swih tikamna, diara nani daukram ba sut wina. Yang, Dawan, kasak aisisna.’ ”

Isikiel 33:14

Pruaia ra lakamna sa kaka, saura dadaukra kum ba, sakuna naha ai saurka dauki lâka ba swibia bara yamni ra taukbia bara kasakka lâka ra,

Daniel 4:37

“Bara nanara, yang Nabucodonosor, mayunra yabisna, tara kulkisna bara mayunra kulkan yabisni kasbrika purara ba kingka ra, kan witin diara sut dauki ba wapni bara kasakka lâka kat sa, bara baha nani tara sa luki ba, mâyara batakaia sip pali sa.”

Oseas 12:6

Baku bamna, Israel, Gâdkam ra kli tawi bal; kunin âpu wapni lâka ra diara dauks, bara piu sut Gâdkam ra baman kasak luki bas.

Oseas 6:6

Yang bui man nani wina brin ai dauki ba sika, man nani latwan ai kaikma, sakripais nani dauki aikisma ba lika apia; Gâdkam baku ai kakaira taks, bara man nani daiwan aiska angki aikisma ba lika apia.

Libait Lâka 26:41

baku yang bui man nani mampara lukuna bara mai brih wamna waihlam nani tasbaya ra; bahara wama bara idan tasbaya ra bawan lâka brima, saurkam mana aibapi kama.

Emus 5:24

Lâ wapni dauki kaia lâka ba yarka lî laiwi baku kabia; kasakka lâka ba awala laya sip lâwras ba baku kabia.

Miqueas 6:9

Dawan bîla baikra ba, upla nani ra winisa; bamna aitani pali sa bawikira witin ra ai bîla wali kaia: “Tawan tâ uplika nani, upla sut sin, naha na aman wals:

Sofonías 2:3

Bawikira nani sut tasba aiska ra, Dawan lâka bîla wali dauki nani sma ba, man nani sut Dawan ra pliks. Bawikira lâka ra, wapni lâka ra diara nani dauks, baku kra yukuwaika sâkma, Dawan lawanka yua ra.

Sakaraya 7:9

“Naku aisaia yang mai wisni: Man nani upla lâka aisi daukisma ba ra, lâ kasak wapni daukma; bara pana pana kupiam pihni lâka ra, walkam nani ra umpira kaiki bas.

Matiu 5:3

“Lilia pali sa wan sulka dukia brin dauki nani ba, kan king lâka kasbrika purara ba wina witin nani ai dukia bamna.

Matiu 5:7

“Lilia pali sa upla wala ra umpira kaiki nani ba, Gâd sin witin nani ra umpira kaikbia bamna.

Luk 10:42

Sakuna diara kumi baman bâra sa briaia aitani. Meri sika diara kau yamni ba bâk saki brin sa, bara baha upla kumi bui sin mihta dakbia apia.

Luk 11:42

“¡Alai, man nani, parisi nani! Mint wahia, ru wahia bara diara sirpi pâwi ba sut wina Gâd ra matawalsip bani wina kumi yabisma ba, sakuna diara wapni bara Gâd latwanka lâka bîla walras sma ba. Naha diara nani sika man nani daukaia sma ba, diara wala nani sut ba sin ban dauki kira.

Luk 12:14

Sakuna Jisas bila: —Waitna, ¿ya mita man nani tilamra wihta, apia kaka diara yuaia ai mangkan ki?

Luk 6:36

Man nani kupiam swapnikira bas, man nani Aisikam kupia swapni ba baku.

Roman 7:16

Sakuna want apia sna ba, baha sika yang daukisna kaka, baku ni lika kaikisna lâ ba pain sa.

Roman 9:20

Bara man, upla, ¿man ba ya sma Gâd mapara unsabaisma ba? ¿Slaubla dakawa bui ai papaskra ra sip sa ki wiaia: “Dîa kan naku pali ai paskram?”

1 Korint 7:16

Man, maya mairin kristian sma ba, ¿nahki kaikisma mayam waitna ba swaki sakaia sip sma sapa? Man, maya waitna kristian sma ba, ¿nahki kaikisma mayam mairin ba swaki sakaia sip sma sapa?

Epesus 4:32

Sakuna, sut aikuki pain banhwi bas, pana pana kupiam swapni bri bas, bara pana pana walkam pâtka swih tiki bas, Gâd bui Kraist ra mai praki pâtkam swih tikan ba baku.

Kli Smalkanka 27:10

Nanara Dawan Gâdkam bîla baikra wali, ai lâka adarka nani naiwa yang maikri ba kat dauks.”

Kli Smalkanka 30:15

“Bara kaiks naiwa man nani mamwanra rayaka bara yamnika ba swisna, prura bara saurka ba, bara ani ba brima.

Kolosi 3:12

Gâd lika man nani ra latwan mai kaikisa, baha mita witin bâk mai sakan, ai uplika mai briaia. Baku ba mita, naha sât prâka na dims: umpira kaikan lâka, latwan kaikan lâka, bawaia lâka, praut âpu lâka bara wihka bîla kaikaia lâka ba sin.

2 Tesalonaika 2:16

Wan Dawan Jisas Kraist pali mita bara Gâd wan Aisa, witinka ai yamnika ra latwan wan kaikan ba, ban kaia ra maisa nihkra wankan ba, bara bîla kaikanka yamni kum sin wankan sa,

Jems 2:20

Sakuna, man upla sinskas kapara, bara kasak lukan lâka bri ba, daukanka yamni ba wal sa, kasak lukanka marikras kaka, baha ba diara kum pruan sa.

Jasua 24:14

—Naha sut ba mita, man nani bui Dawan ra pain kulks, bara ban kasak ai dukia dauks kupiam wina, bara ai lâka aiska kulks. Damikam nani gâd bahki nani ra Éufrates awalka un ra bara Idsip ra mayuni kata ba wina dakwi taks, bara Dawan dukia dauki banhs.

1 Pita 3:8

Tnata ra, man nani sut kupia kumi lâka ra iwi bas; pana pana walkam ra umpira kaiki bas, bara pana pana sin aikuki muihkam baku latwan kaiki bas. Man nani kupiam swapnikira bara bawikira nani bas.

1 Samuil 12:23

Bara yang maipa ra sin saurka kabia man nani tâmwan puri sunras kamna kaka, baha ba kanra yamni sa, yang mai smalkamna diara kau yamni bara wapni ba daukaia.

1 Samuil 15:22

Bara Samuil bila win: “Dawan kau kanra yamni kaiki ba sika, witin ai bîla wali daukaia ba, daiwan wîna aiska angki sakripais nani dauki yaia ba lika apia; kanra yamni, witin ai bîla wali daukaia bara witin ra aman walaia, sîp wîna batanka nani bara sakripaiska nani dauki, prisantka nani yaia ba wal.