Miqueas 6:7 - DAWAN BÎLA AISKA

⁷ ¿Sîp nani 1,000 yang bri sal yabamna kaka, apia kaka oliv batanka laya, awala nani 10,000 baku yabamna kra, Dawan baha dukia nani brih lilia takbia ki? ¿Apia kaka, yang luhpi taiwahkia ba yabamna, Dawan mapara buri ba saurki mana aibapaia?

Miqueas 6:7 ပူးပေါင်းရင်းမြစ်များ

2 King Nani 16:3

sakuna Israel kingka nani yabalka ra tauki kan, ai luhpia ba sakripais daukaia yaban, tasba wala nani Dawan yamni kaikras dukia nani dauki kan ba baku witin sin daukan, bara Dawan mita Israel luhpia nani ai mawan wina kangbi sakan.

2 King Nani 21:6

Baha purkara, ai luhpia waitna nani pauta ra angkan sakripais daukaia wisi, bara pirit bahki nani ra, smaya kakaira nani ra, pirit saura warkka dauki bara sukia lâka nani sin bukan. Saura pali Dawan nakra ra daukan, baha sât saurka nani dauki kan ba mita Dawan kupia sauhki kan.

2 King Nani 23:10

Josías sin Ben-hinom ilka biara langnika ra angkaia dukia kum bâra kan ba tâski daukan, upla kumi ra wiras kan ai luhpia waitna, apia kaka ai luhpia mairin Moloc ra sakripais angki daukaia.

2 King Nani 3:27

Bamna ai luhpia tawahkia ai watlika ra king aimakaia kata ba alkan, bara alki iki wîna tara aiska ba angkan kutbanka ba purara. Naha ba Israel luhpia nani mapara kasak kupia sauhkan, bara witin nani ai kiampka ba swih ki, mahka ai tasbaya ra tawi wan.

Job 29:6

Tialka laya ba tasba kat laiwi kan, bara batana laya ba walpa wina iswi kan.

Lawana Nani 50:9

Yang sîpkam makabras, bîpkam wainhka ba sin apia, guts wainhka nani ba sin apia, man kralkam nani ra bâra ba wina.

Lawana Nani 51:16

Man prisant nani brin mai daukras; daiwan wîna aiska ba sin apia; maikamna kra, sakuna baha man yamni kaikras sma.

Lawana Nani 51:18

Saion ra yamni muns, kupiam aiska ba kira; Jerusalem kutbanka nani ba kli paskaia.

Sins Lâka 15:8

Upla watawikira nani, daiwan iki angki sakripais dauki ba, Dawan mita saura pali kaikisa; sakuna wapnikira nani pura sunra ba, witin ai lilika sa.

Sins Lâka 21:3

Kasakka lâka bara wapni lâka ba dauks, kan Dawan mita baha ba kanra yamni kaikisa daiwan nani iki angki dauki ba wal.

Aiseya 1:1

Dahra aisaia bîla nani ba, Aiseya, Emus luhpia ba ra param marikan kaikan, Juda, Jerusalem wal dukiara; Ozías, Jotam, Ahaz, Ezequías Juda kingka aimaki kan ba yua nani ra.

Aiseya 40:16

Líbano aiska ra pauta bara daiwan nani ba aitani ailal apia sa sakripais daukaia.

Jirimaya 19:5

Baha purkara Baal altarka nani sin paskan, baha purara ai luhpia nani ba angki yabaia, baha daukaia yang aisaras, adar sin yabras katna ba, yang lukanki ra sin baku daukaia tânka sin lukras katna ba.

Jirimaya 6:20

¿Dîa muni man nani Sabá wina kîa pain angkaia dukia nani ba bri sal aikisma, laih tasba wala wina dus wahia kîa pain nani bri balisma? Daiwan aiska angkisma ba yang yamni kaikras, sakripais wala nani daukisma ba sin.”

Jirimaya 7:31

Witin nani ba Ben-hinom ilka bîla ra altar kum paskan nina ba Tófet, bahara ai luhpia waitna nani ai luhpia mairin nani angkaia, witin nani ra wiras kapri baha daukaia, yang lukanki ra sin baha daukaia lukanka âpu sa.

Isikiel 23:37

Witin mita lukras ai sakan bara ai mihta nani tâski daukan tala laikan bamna. Sip lukras ai sakan aidul ra mayunan man, bahara kulkanka yaia wisi ai luhpia waitna nani sakripais daukan pauta ra, baha luhpia waitna nani witin wal briri ba.

Oseas 5:6

Witin nani ai sîpka bara ai bîpka mairin aikuki Dawan pliki wabia, sakuna wal prawbia apia, Dawan ba witin nani wina tnaya ra tawan bamna.

Oseas 6:6

Yang bui man nani wina brin ai dauki ba sika, man nani latwan ai kaikma, sakripais nani dauki aikisma ba lika apia; Gâdkam baku ai kakaira taks, bara man nani daiwan aiska angki aikisma ba lika apia.

Libait Lâka 18:21

“Luhpiam nani kumi sin gâd Moloc ra prisant baku yapara. Baku dauki Gâdkam nina ba sauhkpara. Yang sika Dawan.

Libait Lâka 20:1

Dawan ba Moses ra aisi, naku win:

Emus 5:22

Man nani daiwan iki wîna aiska angki, prisantkam nani dauki aikisma ba, kupia kumi lâka ai daukaia dukiara. Yang baha brin ai daukras. Daiwan batanira batanka nani saki angki, kli wal kupia kumi takaia prisantka nani dauki aikisma ba sin brin ai daukras.

Pilimon 1:12

Bamna Onésimo na kli man ra blikuna; witin na bris sim yang ra baku.

Wihta Nani 11:31

yang war wina kli tawi balamna ba ra, ya pas tâura yang waitla bîla wina taki yang ra balbia ba laikula daukaia, uplika ba aiska angki, sakripaiska dauki maikamna.”

Wihta Nani 11:39

Kati wâl aimakan ba ra, witin kli ai aisika ra ai watla ra balan. Bara witin Dawan wal pramis takan ba kat daukan. Bara Jefté luhpia mairin pruan, tiara sunu aihwa, waitna tânka kaikras pali.

1 Samuil 15:22

Bara Samuil bila win: “Dawan kau kanra yamni kaiki ba sika, witin ai bîla wali daukaia ba, daiwan wîna aiska angki sakripais nani dauki yaia ba lika apia; kanra yamni, witin ai bîla wali daukaia bara witin ra aman walaia, sîp wîna batanka nani bara sakripaiska nani dauki, prisantka nani yaia ba wal.