Miqueas 5:13 - DAWAN BÎLA AISKA

¹³ Walpa ni karbi gâdkam lilka daukram ba sin, yang âpu daukamna; bara man nani mihtam ni paskram gâdka nani ba mawanra, kli bawi mayunma apia.

Miqueas 5:13 ပူးပေါင်းရင်းမြစ်များ

Aiseya 2:18

bara aidulka nani ba sut âpu daukbia.

Aiseya 2:8

¡Sakuna aidul nani sin banhwan sa! Upla ai mihta ni paskan gâdka nani ra mayunisa, ai mihta sirpika nani ni paskan ba.

Aiseya 27:9

Sakuna, Jekob watawanka nani ba ban swih tikan kabia, bara naha nani taki ba tilak, witin ai saurka nani daukan ba ban swih tikan kabia: gâdkas nani altarka ba sut sauhki yuya baman daukbia. Kal walpaya akbi ba baku, Aserá lilka baha altarka ra kîa yamni angki yabi ba sut, âpu daukbia.

Isikiel 16:41

Wamtla nani ba pauta ni angkbia bara mairin ailal mawanra lâmka daukan kabia. Urkam lâka ba tnata mangkamna, bara kau lilam nani mana aibapma apia.

Isikiel 36:25

Lî klin wal sikbamna, klin daukamna ai tâskika sut ba wina, sunu daukamna aidul nani wal asla kata lâka ba wina;

Isikiel 37:23

Kli tâski takbia apia, aidul saura kulkan nani ra mayuni, saurka sât sât dauki. Yang kasak lâka luha daukan ba wina sut pri sakamna, bara klin daukamna ai saurka wina. Witin nani upliki nani kabia bara yang ai Dawanka.

Isikiel 6:9

Baha nisanka nani tilara pruras swak takbia nani ba, yang ra ai kupia kraukbia; yang nahki witin nani ba yabri pât wahwaia ba ai kupia kraukbia, witin nani ba yang wal wapni apia bara tnaya ra tawan, aidul nani ra mayunan bamna. Watawika lâka nani daukan ba lukbia bara aikaban daukbia, diara saura nani kaikan wan daukras kan daukan bamna.

Oseas 10:2

Israel ai lukanka wâl brisa, bara nanara saura daukan ba mana ba aibapaisa. Dawan bal ai altarka nani ba slingbi tikbia, bara ai gâdka bahki nani altarka walpaya nani paskan ba sin slingbi tikbia.

Oseas 14:3

Asiria uplika nani sip yang nani ra swaki ai sakras, aras ra uli plapamna kaka sin sip apia. Yang nani mihti ni alki paskri dawanka nani kumi ra sin kli man ba ‘Yang nani Dawanki sma’ wimna apia, kan Dawan, man ra baman sika rau nani ba umpira kaikan lâka ba sakisa.”

Oseas 14:8

Baha yua ra Efraín aisabia: ‘¿Aidul nani ba dukiara, yang dîa lukamna?’ ¡Yang sika upliki ra wali ban kaiki kamna! Piu bani awas dusa baku sangni ban kamna, bara upliki nani ba, yang wina mâ nani wahbi kabia.”

Nahum 1:14

Ninibi kingka, man dukiamra Dawan naku daukaia aisin: “Man kiamkam wala nani, tasba ra raya swin kabia apia ninam ba brih waia; gâdkam tempelka watla sut sauhki tikamna, aidul nani ba bara dawankam lilka bahki nani ba tilara mai bikamna, kan man ra saura mai kulkan ba mita.”

Sofonías 1:4

“Juda uplika nani mapara yang mihti sakbamni, Jerusalem ra iwi nani ba mapara sin. Baal gâdka kuninkira ba naha tasbaya wina diki sakamni, bara ai prîska nani nina ba sin.

Sakaraya 13:2

Bara naha kuntrika aiska ra gâd bahki nani ba nina ba kat sin sut sauhki tikamni, ban baha nani nina ra ai pura suni kaia apia dukiara. Prapit nani lukan tâski bri nani ba sut, naha kuntrika wina sakamna. Yang, Dawan, naha aisisna.

Param Marikanka 9:20

Bara upla wala nani baha pâtka saura nani mita ikras kan ba, ai kupia lakras, diara saura nani dauki kan ba sin swiras, lasa nani ra ai pura suni mayuni kan ba gul ni, silbar ni, gul ni, walpa ni, dus ni paskan nani ra ai pura suni mayuni kan ba sin swiras, baha nani sip aisaras bara sip kaikras, sip walras, sip sin wapras ba.

Wihta Nani 18:17

Biki kakaira waitna matsip ba Micaías watla ra dimi, silbar lalaubi daukan gâdka bahki ba, prîs prâka ‘‘efod’’ ba bara gâd bahki wala nani ba sin saki brin, prîs wahma ba lika latara get lamara suldiar 600 nani ba wal aisi kan.