Miqueas 5:1 - DAWAN BÎLA AISKA

¹ Dawan bila win: “¡Jerusalem uplika nani, tawankam ba kutbi bris! ¡Mampara aiklabaia pat mai kutban sa! Bara Israel wihtka ra karna pali prukbia.

Miqueas 5:1 ပူးပေါင်းရင်းမြစ်များ

Blasi Sturka 35:19

Baku sika Raquel pruan bara Efrata yabalka lamara bikan. Bamna nanara baha pliska nina ba Betlehem mâkisa.

Blasi Sturka 49:10

Juda karnika bri ba, upla kumi sin baha karnika ba witin wina dakbia apia. Baha karnika dusa ai mihta ra ba sin, upla wala witin wina dakbia apia. Baha karnika dusa dawanka ba balbia kat, bara upla sut ba witin ai bîla wali daukbia.

1 King Nani 22:24

Bamna Sedequías, Quenaaná luhpia, Micaías lamara bal mawanra pruki, naku win: —¿Dawan spiritka ba yang wina taki anik wata ki, baku man ra aisaia?

2 King Nani 24:2

Sakuna Dawan mita Joaquim mapara âimplikra nani Caldea, Siria, Moab bara Amón wina blikan. Baha nani ba Juda mapara blikan sauhki tikbia dukiara, dîa Dawan mita ai prapitka nani bâk aisan kan ba kat.

Job 16:10

Upla ailal maipara asla taki bûi, laiwaska kiki ai munisa; ai mihta tanhtika ni maiwanra ai pruki swiri daukisa.

Sins Lâka 8:23

Blasi pali wina, yang pas bapi ai bukan kan, diara sut kan kira, wan tasba kau âpu kan ba ra.

Aiseya 10:6

Tawan kum Dawan ra lukras ba mapara aiklabaia witin ba blikisna, nisan kum ra kupi baiki ba, dukia nani ba impliki sut mihta dakbaia dukiara, witin nani ba alki taibaia slaubla yabal ra wan mina ra taibi ba baku.

Aiseya 33:22

Baha dwarka tara nani kiwa bri ba mahka ba wilki sip alki takaskbia apia; kwalka ba sin witin nani sip sunras kabia. Wan waihla nani dukia kukan ba yawan dakbi bribia. Blain nani pali sin baha dukia wina ai dukia bribia. Bara skahwa nani ba sin impliki briaia warkka daukbia. Kan Dawan ba yawan wan wihtka sa, yawan wan lâka dadaukra, yawan wan kingka, Dawan swaki wan sâkbia.

Aiseya 8:9

Nisan nani, aidrubi asla taks, man nani tamyahkan sa; wals, man nani tasba wala wina nani sma ba sut: âu, man nani kau ridi taki balma sakuna, sirang mai ikan kabia.

Aiseya 9:5

Suldiar sûska nani war aiklabaia ra bin tara dauki kan ba, ai kwalka nani sin tala ra buswan ba, twi lâwan baku, sut pauta klauhan ra angkan kabia.

Jirimaya 25:9

Nabucodonosor yang warkki dadaukra Babilon kingka ba, yahbra tani uplika nani ba sut balaia paiwisna, witin nani bal naha kuntrika ra upla nani sut iwi ba, nisan nani sut lamara ba wal iwi nani ba mapara sin. Witin nani ba sauhki âpu pali aiklabaia daukaisna. Baha nani ba sut sauhki âpu daukaisna. Baku sauhkan ban kaia swiaisna, sirang wan iki bara sibrin wan dingki kaia.

Jirimaya 4:7

Layan ba ai watla wina pat takan, nisan nani sauhki tiki ba pat yabal ra aula; ai tasbaya wina taki aula man kuntrikam ba sauhki tikaia, tawanka tara nani ba slingbi, pura paski bîla man swiaia.

Inanka Nani 3:30

ai mawan taya ba yabaia sa witin ra prukbia uplika ra, bara swira daukanka lâka manis sin briaia sa.

Isikiel 21:32

Mai angki, sauhki mai tikbia; tâliam ba kuntri aiska ra laiwbia bara upla kum sin ai kupia kraukbia apia man dukiamra. Yang, Dawan, naku wisni.”

Isikiel 24:2

“Naiwa yua ba ulbi bris, kan naiwa yua ba Babilon kingka ba Jerusalem pura luan.

Daniel 9:25

Naha na kasak pali tânka brin kaia sa: Baha adar maikbia ba wina, kli tawi aidrubi balbia bara Jerusalem ba kli paskan kabia, baha wan wihtka tara ba balbia ba kat, wik nani matlalkahbi luan kaia sa, bara yabal nani Jerusalem tawan kutbanka nani ba kli raya paskan kabia, sakuna 62 wik lubia ra, sari lâka tara piua nani kabia.

Joel 3:9

Man nani naha dahra na nisan nani sut ra maisa paks: ¡War holikira ba mahka dauks! ¡Kupia karna nani ba paiws balbia! Bali banhbia bara war aiklaklabra nani ba ai tâura wabia.

Emus 2:3

Witin nani ai tasbaya wina king tara ba tnaya ra saki ikamna; baku sin ai uplika tara kulkan nani ba.” Dawan baku aisisa.

Abakuk 1:6

Bamna kaiks, yang Caldea uplika nani ba war aiklabaia karnika yabamna, witin nani lika upla saura sa, bara piua bani ridi sa kuntri kumi wina kuntri wala kat waia, bara iwras wapi ban kaia, upla wala nani tasbaya ai dukia apia ba dakbi briaia wisi.

Abakuk 3:16

Baha nani daukram sturka ba sut yang walri, bara sibrin ai daukisa; uni nani mahka tatatwan, kuhmi dusa nani swapni takan bara karniki sut tiwan. Sakuna ban yang sâp iwi bîla kaiki kamna, Gâd yawan wan waihla nani ra klala yabia ba kat, wan tataibra suldiar daknika ra.

Matiu 26:67

Ai mawan ra yabalaya tuhbi, prukan. Wala nani mita mawan ra pruki,

Matiu 27:30

Yabalaya sin tuhbi kan, bara yauhrus dusa ba brih lal ra pruki kan.

Matiu 5:39

Sakuna yang mai wisna: Upla saura mapara bupara; sakuna, ya mita mamwan tani kum ra prukbia kaka, tani wala ba sin laki yas.

Jan 18:22

Jisas naha aisin ba ra, tempel ra aihwawakra kum bâra kan ba mita, witin mawan kat pruki, win: —¿Man baku pali prîs tara ra aisisma?

Jan 19:3

Ningkara lama pali ra wih, naku win: —¡Ju nani Kingka ba raya sa! Bamna ai mawan taya ra prukan.

Apastil Nani Sturka 23:2

Bamna Ananías, prîs nani sut wihtka ba, Pal lamara bûi kan uplika nani ra adar yan, witin ba lika ai bîla kat prukbia.

2 Korint 11:20

Bamna man nani lika kupiam alki takaskisma ai dukia daukaia adar maiki nani ba mapara, aiska mai langki pi nani ba mapara, man nani dawankam taki nani ba, swiram paski nani ba mapara, mamwanra mai pruki nani ba mapara sin.

Kli Smalkanka 28:49

Tasba ra kuntri kau laihura ba wina, Dawan mita nisan kum yakal pâli baku, isti pali man mampara blîkbia, baha nisanka bîla aisi ba sin man aisaras;

Kli Smalkanka 33:27

Gâd ban kaia ba man yukuwaikam sa, ai karnika ban kaia ba man tâm baikbia, ai waihla nani ai mawan wina yan plapan bara man ra karnika maikan sauhki tikaia.

Wihta Nani 17:7

Betlehem tawanka ra wahma tringsar kumi watauki kan, Juda kiamka ba tila wina, witin ba Libait kum kan.