Miqueas 4:9 - DAWAN BÎLA AISKA

⁹ Bamna nanara, ¿dîa kan man nani mairin ai luhpia baikaia latwanka brih ini ba baku, ban karna inisma? ¿Man nani tilamra kingkam brisma apia? ¿Apia kaka, lâ uplika nani ba sut pruan sa?

Miqueas 4:9 ပူးပေါင်းရင်းမြစ်များ

Aiseya 13:8

Upla sut sibrin pali dauki kabia. Kupia wirhika sarka tara pali, witin nani ra taibia, mairin luhpa baikaia latwanka alkan ba wina sip swak takras ba baku. Pana pana sirang iwi tawi kaiki kabia, ai swira ba ai mawanra ingwi kabia.

Aiseya 21:3

Yang wîni aiska na sirang iwan sa, latwan ba mita ini tasba ra aikarwi kapri, mairin tuktan baiki latwanka baku, sari ba mita aikan sturi walras, sibrin ba mita aikan sip kaikras.

Aiseya 26:17

Dawan, yang nani mamwanra mairin kwihra baku, ai luhpia baikaia piua ba baila taki bara ai mamna lulkisa, inisa ai wîna latwanka nani tilara, yang nani baha baku sna, Dawan, man mawanra.

Jirimaya 22:23

Man nanara man wamtla ra âmyapah sma, yalam nani Líbano wina bri balan ba tilara, ¡sakuna pat pali pât wauhma latwan ba bal mai alkbia ba ra, luhpa baikanka latwanka ba!”

Jirimaya 30:10

“Yang, Dawan ba, kasak aisisna: Man nani si bripara, Jekob uplika nani, yang duki dadaukra nani, Si bripara, Israel, man bara luhpiam nani sin pri mai sakamna baha kuntri laihura silak ra mai mangkan ba. Kupiam kumi kli iwi kama, âmyapah kama, upla kumi sin sirang mai ikras.

Jirimaya 4:21

¿Ahkia kat kau ban plakin paman ba kaiki kamna, trumpit binka ba sin ban wali kamna?

Jirimaya 4:31

Saion inanka nani ba, mairin kum aimahsi luhpa baikaia ai mamna lulki ini ba baku; inanka ba walisna, ai klahkla nani ba sakbisa bara aisisa: ‘¡Alai! ¡Diara saura pali yang ra takuya! ¡Upla âikra nani ai ikaia aula!’ ”

Jirimaya 48:41

Tawan tara nani bara kan kahbaika pliska nani sin waihla nani bal bribia. Baha yua Moab ra aiklaklabra nani ba mairin luhpa baiki tatatwi ba baku kabia.

Jirimaya 50:43

Babilon kingka ba baha sturka walan ba ra, sibrin mita wîna aiska srimisa, sari bri sibrin daukisa mairin luhpa baikaia latwan bri ba baku sa.

Jirimaya 8:19

Kan yang upliki nani inanka ba tasba aiska ra walisa bamna: “¿Dawan Saion ra âpu sa ki? ¿Kingkam ba bahara apia sa ki?” Bara Dawan pana naku aisisa: “¿Dîa muni witin nani mini prukan aidul nani ra mayuni, gâd wala nani witin nani kakaira apia ba?”

Inanka Nani 4:20

Silak watla kat kauhan sa Dawan bâk sakan uplika ba, wan rayaka ra wingka puhbra yabi kan ba, king baha pali dukiara aisi kan ba. ‘‘Ai distika ra tawan nani ba tilara iwi kabia.’’

Oseas 10:3

Bâra lika witin nani naku aisabia: “Yawan king âpu na, kan yawan bui Dawan ra kulkanka yaras ba mita. Sakuna, ¿king kum sin yawan wan dukiara dîa daukaia sip sa ki?

Oseas 13:13

Israel aisubi takaia piua ba aimakan, kuna tukta waitna skahwa aihwa kum ai wapnika ra aimakaia ba kat sin sip apia sa, aisubi takaia yabalka kat aimakaia.

Oseas 3:4

Kan Israel luhpia nani ba, piua wihka pali king âpu, wihta sin briras kabia, sakripais daukaia âpu, angkaika pliska nani sin âpu kabia; prîs prâka nani âpu kabia, baha gâdka talika nani sin âpu kabia.

Miqueas 5:3

Bamna nanara, Dawan bui ai uplika nani ba lulki swisa, sakuna mairin ai luhpia baikbia bîla kaiki ba baikbia ba kat. Baku bamna, Israel luhpia nani, kuntri wala ra swin aikuki, kli wal asla taki banhbia.

Jan 16:21

Mairin kum tukta briaia ba ra sari sa, kan latwan wahwaia piua ba aimakan sa; kuna witin baha tuktika ba brin ningkara, latwan wahwata ba dukiara kli sin ai kupia kraukras sa, sakuna lilia sa witin tuktan kum tasba ra aisubi takan bamna.

Param Marikanka 12:2

Naha mairka na kwihra kan, bara uya ini kan ai biara bûi kan bamna, bara aisubaia pat baila kan.