Miqueas 4:5 - DAWAN BÎLA AISKA

⁵ Upla kiamka wala nani ba sut, ai gâdka nani lilka paski, baha nani bîla wali daukisa, ban sakuna, yawan lika wan Dawan, wan Papaskra ba, bîla wali dauki kabia ban kaia ra.

Miqueas 4:5 ပူးပေါင်းရင်းမြစ်များ

Blasi Sturka 17:1

Ebram 99 mani bri kan, Dawan ba witin ra bal taki, sturi aisin: —Yang sika Dawan, karnika sut brisna ba; rayakam ba yang maiwanra sunu iwi bas.

2 King Nani 17:29

Sakuna nisan bani silp ai gâdka bahki nani paski bri kan ani tawanka ra iwi ba ra, bamna Samaritan nani ai priaska watla nani ba kiuhsi purara paski bri kan ba kat mangkan.

2 King Nani 17:34

Naiwa yua kat ban daukisa patitara kan ba baku, kan Dawan ra kulkanka yabras, ai lâka bîla nani bara ai adarka nani sin kulkras, ba purkara sin Dawan bîla ba kaina wina ulbi ban adar nani Jekob kiamka nani ra yaban, bara Gâd bui sika Jekob nina ba Israel mâkan ba, baha lâka nani ba sin kulkras sa.

Lawana Nani 20:6

Nanara kaikisni Dawan ba bui batana laikan uplika ra, ai waihla nani pura luaia yabisa; witin kasbrika pura holikira ba wina aisi wibia, bara ai mita aihkika karnika ni, pura luanka tara nani yabia.

Lawana Nani 48:14

Wan Dawanka ba baku sa, ban kaia ra ban kabia. ¡Witin ba wan tâ brabrira ban kabia, ban kaia ra!

Lawana Nani 71:16

Upla nani ra aisamni, Dawan, man lika diara tara daukram ba; ¡sturkam ba wimni, man baman kasak sma!

Aiseya 2:5

¡Jekob watla uplika, man nani bal, bara Dawan yabalka ingnika ra yawan wapi kap!

Aiseya 26:13

Dawan wan Gâdka, dawan wala nani man tnamya ra yawan wan dawanka aimakan, sakuna yang nani lika man baman wan Dawanka mai brisni.

Aiseya 26:8

Dawan, man lâ daukisma ba yabalka ra, yang nani bîlam kaikri: man ninam ra wan kupia kraukaia lâka ba briaia, baha baman sika yang nani sulki brinka pali ba.

Jirimaya 32:40

Witin nani wal upliki ban kaia lâka kum daukamna: yang bui witin nani ra yamni munisna ba takaskras ban dauki kaia pramiska daukamni; yang ra yamni ai kulki ban kaia kli ai swi waia apia brinka ni banhkamni.

Sakaraya 10:12

Witin nani ra karnika nani yabamna, bara yang nini mâki witin nani ai kainara impakbia. Yang, Dawan, bîli aisisni.”

Apastil Nani Sturka 14:16

Piua luan nani ra Gâd mita ban swin upla nani sut ba ai yabalka kat man tauki kaia,

Kli Smalkanka 27:10

Nanara Dawan Gâdkam bîla baikra wali, ai lâka adarka nani naiwa yang maikri ba kat dauks.”

Kolosi 2:6

Baha mita, man nani nahki Dawan Jisas Kraist ra briram ba baku, witin ra asla taki iwi bas,

Kolosi 3:17

Dîa dîa daukma, apia kaka aisama ba sut, Dawan Jisas nina ra dauki bas. Witinka bâk Gâd wan Aisa ra tingki wi bas.

Jasua 24:15

Sakuna man nani lika Dawan dukia daukan mai daukras kaka, pliki sâks naiwa man nani ya dukia daukaisma ba: man nani damikam nani bui Éufrates awalka un ra iwi kan bara gâd bahki nani ra kulkan ba, apia kaka amorreo nani gâdka bahki nani ra mayuni kan ba naha tasbaya ra. Sakuna yang tani ra lika, waitla uplika sut sin, Dawan dukia dauki banhwamni.