Miqueas 4:4 - DAWAN BÎLA AISKA

⁴ Upla nani sut ai wainka nasla nani ra, kwah damni dusa nani distika ra sin, ban ai kupia kumi iwi kabia, sibrin sin daukbia apia. ¡Dawan karnika nani sut bri ba ai bîla aisin ba kat kabia!

Miqueas 4:4 ပူးပေါင်းရင်းမြစ်များ

1 King Nani 4:25

Bara Salaman raya iwan piua ra, Juda bara Israel wal trabil âpu iwi kata, Dan wina Beerseba kat, ai wainka kiwka muhungka kat bara ai kwah damni dusa mununhta kat iwi kan.

1 King Nani 5:5

Baku bamna brinki sa nanara, Dawan Gâdki nina ra tempel kumi mâkaia, Dawan Gâd bui papiki ra aisi win ba baku: ‘‘Man luhpiam ba yang mita yarka man king iwaikam ra iwbia ba, baha bui yang nini ra tempel kumi mâki aikbia.’’

Job 11:19

Wingkam puhbi kama awarka ra diara kumi sin sirang mai ikbia apia, upla uya man hilpkam pliki kabia.

Lawana Nani 72:3

Unta tara nani bara il sirpi nani ba wal, kupia kumi bara wapni kaia lâka uplikam nani ra yabi banhs.

Sins Lâka 3:25

Sirang tara, wan dara walras pât aula ba sibrinka ra lukpara, upla watawi nani purara sauhki tikaia lâka aula ba dukiara sin apia.

Aiseya 1:20

sakuna kiamapara lâka ban brisma kaka, war ra âpu prui tiwma.” Dawan mita baku aisisa.

Aiseya 17:2

Tawanka tara ba lulki swin ban kabia, sîp nani prawaika takbia; witin nani bâra yapi kabia, ya witin nani ra sakaia, sirang ikaia sin âpu kabia.

Aiseya 22:25

‘Baha yua ra, silak diara karna ra saban ba, sakan kabia; baha wina kriwi bâra kauhan kabia; bara wirhika nani ai purara kahban ba sut lap tiwan kabia.’ ” Karnika sut bri Dawanka, witin aisisa.

Aiseya 26:16

Yang nani trabil tara ra dimisna ba ra Dawan, man mai plikisna, klala wankisma ba ra yang nani ini puri sunra ba mamwanra aisisna.

Aiseya 32:17

Kasak lâka daukanka nani ba wina kupia kumi lâka takbia; kasak lâka warkka nani ba wina ris briaia, wan kupia kumi lâka ban kaia ra briaia bal takbia.

Aiseya 36:16

Ezequías ra walpara, kan naku sika Asiria kingka ba aisisa: ‘Yang wal kupia kumi taks, bara yang ra tawi bal, bara kumi bani wainkam tawahkia dusa mâ ba wina pis, bara kumi bani liwanhta ba wina sin dis.

Aiseya 40:5

Bara Dawan prana ba param takbia, bara baku upla bani asla aikuki witin ba kaikbia; Dawan witin mita baku takaia aisin ba.”

Aiseya 54:14

Kasakka lâka, wapni lâka ni karna mai daukan kabia. Taiban lâka wina laihura kama; sibrin mai daukbia apia, si briras kama, kan sibrin mai dingki ba, lamamra âpu kabia.

Aiseya 58:14

Naha daukisma kaka, man bui yang ra liliakam sâkma, yang mai brih wamna, kuntri purara ba purak lui pura luanka briaia. Bara papikam Jekob prapatika ba wina liliakam briaia mai daukamni.” Dawan, naha kasak aisisa.

Jirimaya 23:4

Witin nani ba main kaikaia sepadka nani yabamna, witin nani kli diara kum tâka sibrin dauki kabia apia, dîa kum sin luha kabia apia. Yang, Dawan, kasak aisisna.”

Jirimaya 30:10

“Yang, Dawan ba, kasak aisisna: Man nani si bripara, Jekob uplika nani, yang duki dadaukra nani, Si bripara, Israel, man bara luhpiam nani sin pri mai sakamna baha kuntri laihura silak ra mai mangkan ba. Kupiam kumi kli iwi kama, âmyapah kama, upla kumi sin sirang mai ikras.

Isikiel 34:25

Witin nani wal lâ wilkanka kum daukamna, yabrika rayaka kum lamni kabia. Yabrika tiwbia kuntri daiwra wail nani ba. Baku sîpki nani ba sip kabia lamni ra iwaia, plis kum param ra bara unta tilara lika apia.

Isikiel 34:28

Nisan tringsar nani ba, kli witin nani purara kabia apia; daiwan wail nani sin pibia apia. Lamni iwbia, upla kum sin sirang ikbia apia.

Isikiel 38:11

Wima: Kuntri kum sip apia ba purara kauhamna, upla nani laman lâka ra, ai dara walras iwi nani ra, kuntri tara kutbanka âpu ra, get ba prakbia apia.

Isikiel 39:26

Yang kli asla daukamni, nisan tringsar tila wina bara waihla kuntrika nani ba wina sin; baku mika lamni lâka ra iwbia, klauna ai tasbaya ra, upla kum sin sirang ikbia apia. Baku marikamna holiki lâka ba, bara nisan ailal nani sin kaikaia sip kabia. Israel wina nani ba bahki kulkan lâka wauhbia, yang wal kasak apia kan bamna.

Libait Lâka 26:6

Tasbayam ra yamni mai bri kamna, sibrin âpu pain yapi kama, tasbayam ba pri daukamna daiwan wail, daiwan praut bara war nani sut wina sin.

Miqueas 5:3

Bamna nanara, Dawan bui ai uplika nani ba lulki swisa, sakuna mairin ai luhpia baikbia bîla kaiki ba baikbia ba kat. Baku bamna, Israel luhpia nani, kuntri wala ra swin aikuki, kli wal asla taki banhbia.

Sofonías 3:13

Israel luhpia nani pruras kan ba, witin nani diara saura daukbia apia, kunin sin aisabia apia; ai bîla kunin lâka ni banhki kabia apia. Upla kumi ra sin sibrin lukras ai pata pi ris bri kabia.”

Sakaraya 3:10

Baha yua balbia ba ra, man nani pana pana walkam ra paiwi kama wainkam kiwka, kwahkam dusa distika ra sin iwi kaia, kupia kumi lâka tilara, lilia kaia dukiara. Yang, karnika sut brisna Dawanka ba, kasak aisisna.’ ”