Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Miqueas 4:3 - DAWAN BÎLA AISKA

3 Dawan mita nisan bani tilara lâ daukbia, upla ailal aiklabanka ba wapni daukbia, kau plis wihka ra iwi nani ba lâka sin. Aiklabaia sordka nani bri ba, baha ni witin nani tasba tukbaika nani paskbia, ai langsika nani ba ni sin ispara nani paskbia. Nisan kum bui nisan wala mapara kli war aiklabaia lukbia apia, war aiklabaia lâka nani sin kli smalkbia apia.

အခန်းကိုကြည့်ပါ။ ကော်ပီ




Miqueas 4:3
40 ပူးပေါင်းရင်းမြစ်များ  

“¡Man nani, yang mini ra bal kauhs! ¡Baku sin damra wals man nani, yang Dawan sna ba! ¡Yang sika nisan nani sut wihtka sna ba!”


Witin war nani âpu daukan, tasba aiska ra; witin pantamangka nani kata sut krikan, langsa nani kata ba kriki, yuya man daukan; ¡war waginka nani kata ba angki âpu daukan!


Unta tara nani bara il sirpi nani ba wal, kupia kumi bara wapni kaia lâka uplikam nani ra yabi banhs.


Kupia kumi lâka bara wapni kaia lâka, king aimaki piua nani ba sut ra, kati ba kasbrika purara âpu takbia ba kat ban kabia.


¡Man Gâd, tasba na lâka daukaia ridi bas, man sika nisan nani sut Dawanka sma ba!


Dawan mawanra, witin aula ba! ¡Âu, witin aula tasba wihtka aimakaia bara tasba aiska uplika nani wihta aimakaia kasakka lâka bara kasak tânka ba wal!


Dawan mawanra, witin tasba na wihtka aimakaia aula. Tasba aiska na wihtka aimakbia kasakka lâka bara sibrin luha ba wal.


Dawan mita nisan bani tilara lâ daukbia, upla ailal aiklabanka ba wapni daukbia. Aiklabaia sordka ba tasba tukbaika daukbia, ai langsika nani ba, plawar mâ klakaia sord buhla daukbia. Nisan kum, nisan wala mapara kli war aiklabaia lukbia apia, war aiklabaia lâka nani sin kli smalkbia apia.


Baha mita upla karna nani ba yamni mai kulkisa, prautkira nani tawanka tara ba man ra sibrin lukbia,


Yang pura luaia ba pat baila pali sa, swaki mai sakaia lâka ba aula sa, yang klaihkla nani ba upla nani lâka daukbia; kabu un ra iwi nani ba sut yang bîli kaikisa, yang karniki ra bîla kaikanka brisa.


Bara nisan kum kra, apia kaka king tasbaya kum kra sin, man nani warkkam daukras kabia kaka, witin ba tanis tiwbia, witin nani ba aiska pali diara âpu tiwbia.


Yul wail ba sîp luhpia ba wal aikuki twi pi kabia, bara layan ba bîp wainhka ba wal asla twi pi kabia; piuta ba tasba yuya ba ai pata kabia. Yang ilki holikira ba, witin nani mita sarka paskbia apia, saura sin munbia apia.” Dawan baku aisin.


Witin Debit iwaika ra iwbia; ai kingka lâka ba plis bani ra yaka wabia bara kupia kumi lâka ba ban kabia; ai kingka lâka ba kasakka lâka wapni lâka playka pura karna bapbia, nanara wina ban kaia ra. Dawan, karnika sut bri ba ai latwanka laptika ba ni baha daukbia.


Baha kingka nani dauki yua nani ra kasbrika purara Gâdka ba king lâka kum bukbia bara ban kaia ra sauhki tikan kabia apia, nisan wala kumi mita sin pura lubia apia, ban sakuna, king lâka wala nani sut ra pura lubia, bâra ban kabia ban kaia ra.


“Baha yua ra, Israel dukiara yamni daukamni: daiwan wail nani ba wal lâ kum daukamni, tnawira, piuta nani aikuki; pantamangka, sord, war aiklabaia dukia nani ba, naha kuntrika wina sauhki âpu daukamni, yang upliki nani ba, ai âuyapah ris bri kabia dukiara.


Yang mayi mai brimna bara man wal kasak kamna, bara yang lika man dawankam sna ba, ai kaikma.


Nisan nani ba sut asla kukamna, bara Josafat ilka bîla ra brih wamna; bara yang bui witin nani lâka daukamna, witin nani, yang upliki Israel luhpia nani ra munan ba tâwan. Witin nani mita, Israel luhpia nani ba munan, ai tasbaya wina taki tasba wala nani ra plapan, bara tasbaya ba witin ai mânka taki yui ai dukia brin.


Kupi baiwanka pali ni, baha tasbaya uplika nani bîli wali daukras ba mapara saura munamna.”


Baha ningkara, Dawan nisan nani ba mapara aiklabaia wabia, witin aiklabaia yua aiklabi ba baku.


Dawan, karnika sut bri ba, naha aisisa: “Tawan tara nani ra iwi uplika nani ba sin balaia sa.


Witin mita Efraín waginka nani ba sauhki tikbia, Jerusalem ra araska nani ba bara war aiklabaia pantamangkika nani ba sin. Kupia kumi lâka ba nisan nani ra wibia; bara kabu kum wina, kabu wala kat king aimakbia, Éufrates awala wina ban tasba aiska pali ba kat.


Gâd yu kumi mangkan sa, naha tasba aiska na lâka wapni kat daukaia, waitna kumi witin bâk sakan ba mita. Naha dukiara tânka aiska wan marikan sa, Jisas pruan wina bukan bamna.”


Bara kasbrika pura ba kwawan kan kaikri, bara bahara aras pihni kum kan. Purara uli kan ba nina Kasak bara Kasakkira pali kata, witinka ba wapni lâka ra lâ dauki bara war aiklabi bamna.


Dawan ba ai waihla nani ba kriki yuya baman daukbia, kasbrika purara ba wina witin nani mapara alwani nani blîkbia. Dawan ba tasba aiska na lâka aisi daukbia; witin sin bâk sakan kingka ra karnika yabia, bara ai karnika ba sin swika pâwi tara takbia.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ