Miqueas 3:9 - DAWAN BÎLA AISKA

⁹ Bamna naha na wals, Israel tâ brabrira bara wihtka nani, man nani kasakka lâka ra waihla kaikisma ba, bara wapni lâka ba, warbanka lâka ra lakisma ba:

Miqueas 3:9 ပူးပေါင်းရင်းမြစ်များ

Nihimaya 13:17

Bamna yang bui Juda wihtka nani ra lawi daukri, bara wîri: —¿Man nani dîa saurka daukisma ki, ris briaia yua ra kulkanka yabras sma ba?

Impakan Sturka 3:16

Man was, Israel luhpia nani tâ uplika nani ba sut asla dauks bara witin nani ra wis: ‘Dawan ba, man nani damikam nani sut Gâdka ba, Ebraham, Aisak bara Jekob sut Gâdka ba, yang ra latan takan bara ai win witin lika man nani trabilkam tara ba sut kaikisa, Idsip uplika nani mita nahki saura mai muni ba.

Sins Lâka 17:15

Watawikira ra padin munisa, bara kasakkira ra pât ra lakisa. Baha diara wâl ba sika, Dawan bui sip kasak yamni kaikras.

Sins Lâka 17:23

Upla rugkira ba lika saura daukaia mana aibapan ba, yukuwan ra alki brisa, baha ni wapni daukaia yabalka ba, tnaya ra warbi lakaia dukiara.

Sins Lâka 18:5

Aitani apia sa lâ uplika mita watawikira nani ra yamni munaia, bara pâtkas ra raitka yaras munaia.

Sins Lâka 21:7

Watawikira nani ba un ai saurka ra sauhki tikan kabia, wapni lâka ba daukras tâwan.

Aiseya 1:23

Wihta nani brisma ba, mapara babura nani sa, bara âimplikra nani pânika banhwisa. Witin nani sut ba lalah mana ai wîna atkisa, witin nani prisant pliki taukisa. Rau nani lâka kasak ba sin yaras. piarka mairin nani lâka sin daukras.

Jirimaya 5:28

witin nani plun pain pîsa ba mita batana sa. Ba mita watawika lâka nani dauki ba takaskras: rau nani ra raitka yaras, umpira nani ra sin raitka yaras.

Isikiel 44:23

“Prîs nani ba upliki ra smalkaia sa tânka bribia holi lâka ba bara tâski lâka ba bara sunu tâski lâka ba wal.

Oseas 5:1

“Prîs nani, naha wals; Israel luhpia nani, naha wals; king watla uplika nani, man nani sin naha wals: Man nani mampara lâ aisi daukaisa, man nani upla mina alkaika, Mispá ra mangkram, Tabor ilka purara ilis kahbram,

Libait Lâka 26:15

ban bahki kulki swima, lâ nani ban alki daukras lâika nani ba sut kaikma kaka,

Emus 5:7

¡Alai kama man nani lâ wapni ba, tahpla pali daukisma, bara kasakka lâka daukaia ba tasba kat batakisma!

Miqueas 1:1

Jotam, Ahaz, Ezequías king aimaki kan ba yua nani ra, Dawan naha bîla nani aisin, Moréset tawanka waitnika kum, nina Miqueas ra. Bara Sameria, Jerusalem wal purara pât nani aula ba tânka param marikan.

Miqueas 3:1

Man nani wihtka nani, Israel tâ uplika nani aimakisma ba, nanara yang aisanki na wals: ¿Kasakka lâka tânka briaia ba, man nani warkkam sa apia?

Kli Smalkanka 27:19

‘Tringsar nani mapara, piarka nani ra, rau nani ra lâka watawi daukbia kaka, lahtuban kabia.’ Bara upla sut wibia: ‘Baku kabia.’