Miqueas 3:2 - DAWAN BÎLA AISKA

² Sakuna man nani lika yamni ba misbara kaikisma, bara saura ba latwan kaikisma; upliki nani dusa ba raya taya takbi, wîna ba kalki saki dusa baman dauki swisma.

Miqueas 3:2 ပူးပေါင်းရင်းမြစ်များ

1 King Nani 21:20

Bara Ahab bui Ilayas ra win: —¿Baku bamna man, yang waihli sma ba, kli ai sakram ki? Bara pana aisi, win: —Âu, pliki mai sakri, kan man ba Dawan lamara saura baman daukisma.

2 Kronikas 19:2

Sakuna prapit Jehú, Hananí luhpia ba, witin ai mapara taki wan bara win: “¿Dîa muni upla saura ra tâ baikisma, bara Dawan wailhka wal uplikam takisma? Baha mita Dawan mai lawisa.

Lawana Nani 15:4

bahki kulkan uplika ba witin bui bahki kulkisa, sakuna Dawan ra kulki uplika nani ba, witin kulkisa; witin trabil briaia kat sin swer takisa, sakuna ai kupia aihka lakras;

Lawana Nani 53:4

Saura dadaukra nani dîa dauki ba, ai tânka briras sa, upliki nani ra pi banhwisa, plun kan pi ba baku; witin nani sin, Dawan nina mâki winras sa.

Sins Lâka 28:4

Mahka lâ yamni swin uplika nani ba mita, upla watawikira nani ra mayunisa; kuna lâ ban brih dauki banhwi ba lika, baha nani ba mapara buisa.

Aiseya 3:15

¿Man nani raitkam ani wina bri upliki nani yuskisma, bara umpira nani mawan ra taibisma?” Karnika sut bri Dawanka witin aisisa.

Aiseya 5:20

¡Man nani ra saura kabia, diara saura ra yamni wisma ba, bara yamni ra saura wisma ba; ingni ba tihmia tara daukisma, bara tihmia tara ba ingni daukisma; tahpla ba damni daukisma, bara damni ba tahpla daukisma!

Aiseya 57:12

Sakuna man daukankam nani aisaisna, dîa man lukisma, kasak wapni sma.

Isikiel 11:7

Baha mita yang, Dawan ba, kasak mai wisni: Jerusalem ba dikwa kum baku kabia, sakuna wînka ba man nani apia kama, baha nani ba man nani mita ikram nani uplika kabia, kan man nani lika dikwa wina mai sakamna.

Isikiel 22:27

Naha tawanka tâ brabrira nani ba yul wail baku sa; diara alkan ba bisbi tikisa, ridi pali sa upla ikaia, ai dukia kukan ba ailal dauki kaia baman lukisa.

Isikiel 24:4

Dakawa ra wîna pîs mangks kuhma wîna pain nani dusa âpu ba, bara dusa wînka kau pain nani ba sin.

Isikiel 34:3

Man nani tialka laya disma, taya ba wal dimaikam daukisma, bara ikisma sîp kau batana nani ba, kuna sîp nani ba lika main kaikras.

Emus 4:1

Sameria mairka nani, Basán bîpka mairin batanira nani, naha dahra aisin bîla na wals, upla umpira nani ra raitka yabras taibi munisma, bara upla diara nitka bri nani ra saura pali munisma ba, mayam waitna nani ra adar yabisma wain laya diaia bri sal maikbia.

Emus 5:15

¡Diara saura daukaia ba, man nani misbara kaiki bas! ¡Bara diara yamni daukaia ba latwan kaiks! Aman kaiks lâ pliska nani ra lâ kasak ba daukbia, baku daukma ban kra karnika sut pali brih Dawanka ba, Israel luhpia nani kau bâra ba, ban umpira kaiki bâra swibia.

Miqueas 2:8

Man nani lika yang upliki nani mapara buram. Waitna nani war aiklabi si ai watla ra aula kan ra, ai kwalka manakira mihta dakbi briram, baha nani pât swakwan luki kan ba.

Miqueas 7:2

Naha tasba ra upla kasakkira nani, Gâd wal wapni ba âpu takan sa, sakuna kumi bani ba, upla tâlia laikaia baman aihwaki kaikisa; kumi bani ai muihni mina ra alki batakaia kiwka nani mangkisa.

Miqueas 7:3

Witin nani lika, diara saura daukaia smasmalkrika nani sa; wark lalka tara nani ba, pana yabia dukiara taibi munisa, lâ dadaukra nani ba ai mana tara kulki implikisa; upla tara karnika bri ba sin, ai kupia brinka ba kat baman lâ nani ba daukisa, bara tawan uplika nani sin witin nani dauki ba wal warha daukisa.

Sofonías 3:3

Wihta tara nani ba layan baku uhbisa; wihta sirpi nani ba yul kraskira plun dauki kan, wîna dusa sut pi ba baku sa, yauhka dukiara dusa kum pan swiras.

Luk 19:14

Sakuna ai kuntrika uplika nani mita misbara kaikan, bara witin ninara upla nani bliki, maisa paki, win: ‘Yang nani want apia sna naha waitnika wan kingka kabia.’

Jan 18:40

Bamna baha nani sut ai bîla baikra tara ni naku winan: —¡Jisas lika apia! ¡Sakuna Barabas lika lanhks! Naha Barabas na lika waitna kum âimplikra kata.

Jan 7:7

Tasba uplika nani man nani ra sip misbara mai kaikras sa, sakuna yang ra lika misbara ai kaikisa, kan yang lika witin nani diara saura nani dauki ba witniska sna.

Roman 1:32

Witin nani pain kaikisa Gâd lâ mangkan sa, ya naha sât dukia nani dauki ba pruaia aitani sa; ban sakuna, witin nani mita ban daukisa, bara upla wala nani dauki ba sin pain lukisa.

Roman 12:9

Latwan kaiks kasak tânka ra wal pana pana. Saura lâka ba misbara kaiks, kuna diara pain ba nina blîks.

2 Timoti 3:3

Ai uplika nani ra latwan bara umpira sin kaikbia apia, upla nina aisasara nani kabia, ai wîna brinka nani sip alki takaskras kabia, kupias nani bara diara pain nani waihla kabia.