Miqueas 3:12 - DAWAN BÎLA AISKA

¹² Baku bamna, man nani saurkam tâka mita, Jerusalem tawanka Saion ilka ra ba, insla daukaia tasbaya takbia, tawan slingwan bara aisawan tara kum kabia. Dawan ra pura sunaia watla ilka ra, inma kiaya pali man pâwi kabia.

Miqueas 3:12 ပူးပေါင်းရင်းမြစ်များ

Lawana Nani 107:34

tasba pain kata ba, sâl tasbaya daukisa, bahara iwi ba uplika nani saurka tâwan;

Lawana Nani 79:1

¡Man Gâd, diara nani bri katma sut idan nani dakbi brin! Tempelkam holi ba tâski dauki banhwan bara Jerusalem sut sauhki tikan.

Aiseya 32:14

Lâ watla tara nani ba sut, upla iwras tasbaya baku takaskbia, tawan tara ra upla kwâra ba âpu takbia; utla karnakira nani ba sin batakan kabia; bahara biriku wail nani ba takaski kabia, bîp wakabi piaia watla bribia.

Jirimaya 17:3

tasba langnika il nani purara. Saura nani daukram ba tâwan yuyakam nani kukan kan nani brisna ba witin nani bal implikaia daukamna, kiuhsi nani ra aidul dukia nani ba bribia tasbaya aiska ra bâra ba sut.

Jirimaya 22:5

Sakuna naha maisa pakanka na walras kama kaka, king watla na slingban kabia. Yang, Dawan, kasak aisisna.’ ”

Jirimaya 22:6

Kan Dawan Juda kingka watla ba dahra aisisa: “Man ba yang maipara Galaad ilka baku sma, Líbano bahna ba baku, sakuna diara âpu mai daukaisna, upla iwras tasbaya kum mai daukaia.

Jirimaya 26:18

“Ezequías, Juda kingka kan ba yua nani ra Miqueas, Moreset wina ba Dawan nina ra aisi Juda uplika nani sut ra win: ‘Dawan, karnika sut bri ba, aisisa: Saion ba insla kum tasba baiki swin ba baku daukan kabia, Jerusalem ba slingwi aipaswanka ra takaskbia, tempel kiuhsika ba sin inma saura baman pâwi kabia.’

Jirimaya 35:17

Baha mita yang, Dawan karnika sut brisna ba bara Israel Gâdka, mai wisna: Yang daukisna Juda bara Jerusalem wal purara, uplika nani ba purara pât nani balaia wîri ba balbia. Kan yang bui man nani ra aisari, sakuna man nani ai walras; man nani ra mai winri, sakuna man nani pana yang ra aisaras.’ ”

Jirimaya 44:2

“Dawan karnika sut bri ba, Israel Gâdka ba, aisisa: ‘Man nani kaikram sika yang daukri ba Jerusalem purara, Juda bara tawan wala nani purara sin bal nahki sauhki tikan ba. Nanara baha nani sut slingwan sa, baha tawanka nani ra nanara upla iwras

Jirimaya 52:13

tempel ba angkan, king watla ba bara tawan ra utla nani ba, baku sin upla tara nani watla sin angkan,

Jirimaya 9:10

“Il nani tilara ini bas, bara mamna sin lulki bas, twi pain pâwi tasbaya pura mata ini aiwani banhs, baha sut angkan, bahak sin upla wapras swin; bîp nani sin âpu uhbaia, daiwan tnawira nani wail nani ba sin sut plapan.

Jirimaya 9:11

“Jerusalem ba walpa nani ni pura paskanka tara kum daukamna, yul wail sâtka nani watla takbia; Juda tawanka tara nani ba upla iwras tasbaya kum daukamna.”

Inanka Nani 5:18

Saion ilka ba, il kum sauhki tikan bâra sa; sikiski nani ba, baha purak wapi taukisa.

Miqueas 1:6

Baha mita, Dawan naha aisisa: “Sameria tawanka tara ba yang daukamni, tawan almuk nani slingwi luan baku; wain mâ mangkaia tasbaya kum ridi ba baku swimna; tawan bilara walpa nani ba sut il bîla ra lulkamna bara tawanka ba, utla playka nani baman swin kabia.

Matiu 24:2

Sakuna Jisas witin nani ra win: —¿Man nani naha sut kaikisma? Kasak pali mai wisna, walpa kum walpa wala purara sin swin kabia apia. Sut kat slingbi sauhkan kabia.