Miqueas 2:2 - DAWAN BÎLA AISKA

² Upla wala tasbaya nani ba kaiki tumisa bara sin dakbi brisa; baku sin upla wala watla nani kaiki tumisa bara implikisa; watla dawanka waitna ra, maya bara luhpia nani ra, ai yuyaka bri ba sut ra taibi munisa.

Miqueas 2:2 ပူးပေါင်းရင်းမြစ်များ

1 King Nani 21:1

Naha diara nani ningkara, Nabot Jezreel wina ba, wain nasla kum bri kan, baha ba Sameria kingka Ahab watla lamara kata.

2 King Nani 9:26

‘Nahwala Nabot, bara luhpia nani tâlia kaikri ba baku, man sin dîa briaia aitani sma ba baha maikamna naha tasbaya ra. Yang, Dawan, kasak aisisna.’ Bamna nanara witin ba alki muni Nabot tasbaya kat bri si lulki swis, Dawan dîa aisin kan ba baku.

Job 31:38

Yang maipara tasbayi mita sin kasbrika purara winras sa, tasba baikanka bîla nani ba sin sari taki inras sa.

Impakan Sturka 20:17

“Man uplikam watla tumpara, maya mairin, ai albika waitna bara mairin, ai bîpka wainhka, ai birikuka, diara wala sut witin ai dukia ba sin tumpara.”

Aiseya 3:14

Dawan bal upla lâ ra paiwbia, tawan almukka nani ra, wihta nani ra wibia: “Man nani sika wainki nasla ba âpu daukisma; bara umpira nani dukia ba implikram, baha dukia nani ba wamtla nani ra dingki main kaikisma.

Aiseya 5:8

¡Man nani saura pali kama, utla nani atki kau atkisma ba, insla nani brisma kuna kau pura prakisma, upla wala dukia swiras, man nani baman tasbaya na ra iwisma baku!

Jirimaya 22:17

“Sakuna man lika yakan briaia trabil taki lukisma saura dauki sakram ba wina, pâtkas nani ba ikaia daukram, uplikam nani ba taibisma bara dukia dakbisma.”

Isikiel 18:12

upla umpira ai nitka bri nani ra taibi ba, upla wala nani ra impliki ba, ya wina diara brin dukia nani ba kli aibapras ba, witin ai lukanka gâd bahki nani ba ra mangki ba bara yang saura kaikisna dukia nani dauki ba,

Isikiel 22:12

Uplikam nani kum kum ai wîna atkisa ai walka ra ikaia dukiara. Upla ra lalah yabisa implikbia dukiara, taiban lâka bara saura munaia lâka daukisa ai uplika ra, bara ai âuya ai tikisa. Yang, Dawan, kasak aisisna.

Isikiel 22:13

‘Yang uya kupi aisawan sa, taiban lâka ra upla dukia dakbi brisma ba dukiara, bara upla ra ikisma ba tâwan sin.

Isikiel 33:26

Ikaia dukia nani wal taiban lâka daukisma, yang misbara kaikisna dukia daukisma, sut marit lâka sauhkisma, ¿bara lukisma kuntrika dawanka taki banhma?’

Isikiel 45:9

“Yang Dawan sna ba, aisisni: ¡Ba kat aitani sa, Israel gabamintka tâ brabrira nani! ¡Kau taiban lâka âpu, saura munan sin âpu! ¡Kasakka lâka ra bara wapni lâka ra taws! ¡Upliki nani tasbaya implikisma ba swis! Yang, Dawan, baku adar yabisni.

Isikiel 46:18

Tâ bri ba upla kumi dukia dakbaia apia sa. Dîa ai luhpia ai dukia baku yabuya ba, ai dukia ba wina yabaia sa; baku upla kum sin diara luha kabia apia, yakabrira sin takbia apia.”

Isikiel 8:17

Bamna Dawan bui ai win: “¿Man kaikisma ki? ¡Juda uplika nani baha diara nani saura dauki ba wal kau aitani apia sa, baha purkara kuntri na sin saurka lâka wala ni banhkan! Natka kum wina natka wala ni yang kupi laikisa, kaiks baha kîa nani ba kâikma kat aula.

Emus 2:7

Upla umpira nani ra taibi, ai raitka wina mâyara batakisa; bawikira bara umpira nani raitka yabaia kata ba yabras. Luhpia waitna ba ai aisika wal sim baku dauki, yang nini sunu ba tâski sakisa.

Emus 4:1

Sameria mairka nani, Basán bîpka mairin batanira nani, naha dahra aisin bîla na wals, upla umpira nani ra raitka yabras taibi munisma, bara upla diara nitka bri nani ra saura pali munisma ba, mayam waitna nani ra adar yabisma wain laya diaia bri sal maikbia.

Emus 8:4

Man nani diara luha uplika nani ra taibisma ba, bara kuntrikam uplika umpira nani ra sauhki tikisma ba, wali banhs.

Miqueas 3:9

Bamna naha na wals, Israel tâ brabrira bara wihtka nani, man nani kasakka lâka ra waihla kaikisma ba, bara wapni lâka ba, warbanka lâka ra lakisma ba:

Miqueas 6:12

Yuyakira nani naha tawanka ra iwi ba upla umpira nani ra tataibra pali man sa; kuninkira nani bara upla ra kunin mamunra baman nahara iwisa.

Malaquía 3:5

Karnika sut bri Dawanka ba aisisa: “Yang balamni man nani mampara lâmka ba param aisi daukaia. Sukia baku upla ra kunin munisma, upla maya lâka sauhki banhwisma ba, swer taki kunin aisi nani ba, upla warkka taki nani ra tataibra nani ba, piarka nani ra, rau nani ra, nisankam apia nani ra saura munisma ba, bara yang ra sin ai kulkras sma ba.

Matiu 23:13

“¡Lâ Smasmalkra nani bara parisi nani, kuninkira nani, man nani mampara saura pali kabia! Kan man nani kasbrika purara ba Kingka aimaki lâka durka ba prakisma, upla wala nani dimbia apia dukiara. Man nani pali sin dimras, upla wala nani diman dauki ba sin yabram dimras.

1 Timoti 6:10

Kan lalah ra latwan kaikaia ba sika saurka sât sât plamaika ba. Upla tila nani ba baha brin pali dauki tâka mita, kasak lukan lâka wina tnaya ra tawi banhwan sa, bara witin ai rayaka nani ba, pât nani taki banhwan sa.