Miqueas 2:12 - DAWAN BÎLA AISKA

¹² Âu, yang, Jekob uplika nani sut asla daukamna; Israel luhpia nani kau bâra swin ba, yang asla wahbamni. Sîp daknika baku klar kum ra asla daukamna, sîp ailal twi tasbaya ra bâra ba baku, bara upla ailal bin dauki ba baku daukbia.

Miqueas 2:12 ပူးပေါင်းရင်းမြစ်များ

Blasi Sturka 36:33

Bela pruan ba ra, witin ai watlika ra, Jobab king aimakan; Zérah luhpia ba, witin Bosrá tawanka wina kan.

1 Kronikas 1:44

Bela pruan bara ai watlika ra Zérah luhpia Jobab king aimakan. Witin ba Bosrá tawanka wina kan.

Aiseya 11:11

Baha piua ra, Dawan ba aima wala kli ai karnika marikbia, ai uplika nani kau swin ba kli bri balaia, Asiria, Idsip, Patrus, Etiopía, Elam, Sinar, Hamat bara kabu un ra iwi tawanka nani ba wina sut sin.

Aiseya 27:12

Baha yua ra Dawan ai warkka daukbia Éufrates wina Idsip awala kat plawar mâ kriki baku; sakuna man nani, Israel luhpia nani, asla mai kukan kabia kumi mai wahbi.

Aiseya 34:6

Dawan sordka ba, tala bara batanka nani ni aibanhbia, sîp bara guts wainhka nani sakripais daukaia ikan baku; Dawan Bosrá ra sakripais nani daukaia brisa, bara upla ailal ikbia Edom tasbaya ra.

Aiseya 5:17

¡Tawan tara nani ba sauhkan kabia; sîp nani, guts nani ba baha langnika bilara twi pi kabia!

Jirimaya 23:3

Sîpki nani munri plapan nani ba kuntri wala nani ra kau swin ba yang mita kli bri balamna, baha asla daukamna bara kli tawi bal ai pata piaia daukamna, bara ai luhpia nani manis baikbia.

Jirimaya 3:18

“Baha yua ba bal aimakbia ba ra, Juda Israel wal kli asla takbia, bara witin nani aikuki asla aidrubi banhbia yahbra tani kuntri ba wina, witin nani ai damika nani ra yâri tasbaya ba ra waia.

Isikiel 34:11

“Yang Dawan sna ba, naku wisni: Yang pali mihti ra brimna sîpki nani daknika ba main kaikaia.

Isikiel 34:13

Kuntri tringsar ba wina sakamna, asla daukamna bara brih wamna klauna ai tasbaya ra. Brih wamna Israel untika ra piaia, bara lî kârma nani bâk, bara kuntri ra upla bâra pliska nani bâk.

Isikiel 34:22

Sakuna sîpki nani ba swaki sakamna. Swimna apia ban kau impliki kaia. Kasakka lâka daukamna sîpki nani tilara.

Isikiel 34:31

Man nani ba sîpki sma, twi painkira brisna ba sîpka nani sma. Yang sika Dawankam sna. Yang, Dawan, kasak aisisna.”

Isikiel 36:37

‘Yang Dawan sna ba, aisisna: Diara kum kau daukamna. Israel luhpia nani witin nani ai dukiara dîa daukaia makabia ba yamna; witin nani ba upla ailal daukamna sîp daknika kum baku.

Isikiel 37:21

Ningkara wis: ‘Dawan naku wisa: Israel ba nisan wala tilara wih takaskan ba wina sakamna; asla daukamna plis sât sât wina bara yabrika ai tasbaya ra kli tawbia.

Oseas 1:11

Bamna Juda bara Israel wal kiamka asla daukbia, ai tila wina wihta kum mangki bribia, bara plis sut wina Jerusalem ra kli tawi balbia. ¡Jezreel yua kulkanka ba tara pali kabia!

Emus 1:12

Witin nani baku daukan bamna, yang Temán tawanka uplika nani purara pauta klauhan blikamna, bara Bosrá tawanka ra, wihta tara nani watla sut ba aman kabia.”

Miqueas 2:13

Gâd bui witin nani ai yabalka ba param sâkbia, witin nani bui nina blîkbia, bara tawan dimaika bâk taki wabia. Dawan, ai kingka ba, witin nani tâura aimaki impakbia.

Miqueas 4:8

Bara man, Jerusalem, Saion tawerka bara kan kahbaika sma ba, man kli king tasbaya kiapitalka aimakma, kan piua ra pura wihtka tara aimaki katma ba baku.”

Miqueas 5:7

Jekob uplika nani baha aiklabanka nani tilara, pruras kau raya swin nani kabia ba lika, sim diwas laya bara lî tasba purara buski ba baku kabia, waitna lukanka wina lika apia sa.

Miqueas 5:8

Jekob kiamka kau swin nani ba lika, nisan nani ailal tilara layan tara kum unta daiwra wail nani tilara tauki ba baku kabia; âu, layan kum sîp daknika nani tilara dimi tauki ba baku sin. Bara baha nani ra rausauhki ba, baha nani kumi sin swak takras sut kat ikisa.

Miqueas 7:14

¡Dawan, uplikam nani ba aihwaki kaiki bas, witin nani sika man sîpka daknika nani pali sa bamna! Il tara nani tilara yakan iwisa, tasba disang nani tilara. Basán, Galaad twiya tasbaya ra brih was kaina piua ra kata baku.

Miqueas 7:18

Man wal baku Dawan wala âpu sa, kan uplikam kau swin ba mampara buan ba bara saurka ba sin ban swih tikisma. Man kupiam baiwanka ban pali alki briras sma, sakuna lilia sma kupiam pihni lâka ban mariki kaia.

Sofonías 3:20

Baha piua ra, man nani sut kli mai bri balamni, asla mai daukamni. Tasba ra upla nani sut bâra ba tilara man nani iwankam natka ba lakamni yamni mai kulkaia ra, bara kulkanka yabamni bara rispikka lâka sin. Yang, Dawan, baku aisisni.”