Miqueas 2:10 - DAWAN BÎLA AISKA

¹⁰ ¡Man nani naha wina bus, bara impaki bas! Kan naha lika ris briaia pliska apia sa; saurka witin ra uba pali ai pura luan sa, baha mita witin ba danh pali saura takan sa.

Miqueas 2:10 ပူးပေါင်းရင်းမြစ်များ

1 King Nani 9:7

yang bui Israel ba baha tasbaya yâri ba wina sakamna, bara naha watla yang nini ra yamnika yâri na, yang maiwan wina âpu daukamna, bara Israel luhpia nani ba nisan wala nani mita lawaska kiki kaiki kabia piua bani ra.

2 King Nani 15:29

Pécah Israel kingka kan piua ra, Tiglat-piléser Asiria kingka ba balan, bara Iión, Abel-bet-maacá, Janóah, Quedes, Hasor, Galaad, Galili, bara Neftalí tasbaya aiska ba dakbi brin, bara uplika nani ba Asiria ra alki alba lâka ra brih wan.

2 King Nani 17:6

Bara Oseas ba king aimakan ba wina pat 9 mani diman ra, Asiria kingka ba mita Sameria tasbaya aiska ba dakban, bara Israel luhpia nani ba alba lâka ra sut alki brih wan, bara Halah ra swin, Habor tasbaya ra, Gozán awalka lama pali kat, Media uplika nani tawanka ra.

2 Kronikas 7:20

yang naha tasbaya maikri na wina mai sakamni, bara naha watla holikira daukram ba wina sin, yang maiwan wina lulki mai sakamni, bara nisan sut ba lamwaska kiki kabia.

Lawana Nani 106:38

Tala pâtkas sin laikan, ai luhpia waitna nani, luhpia mairin nani tâlia ba sin; witin nani Kenan gâdka nani ra sakripais dauki yan, bara tasbaya ba tala ni tâski daukan.

Lawana Nani 95:11

Baha mita kupi baiwanka wal swer takri witin nani kumi sin ris yabaisna pliska ra dimbia apia.”

Jirimaya 10:18

Kan Dawan naku aisisa: ‘Naha kuntrika uplika nani na naha wina laihura yakabaisna. Witin nani ra karna takaisna, bara kaikamna baku witin nani ai pliki ai sâkbia sa sapa.’

Jirimaya 3:2

Il nani bahna ba kaiks lipni ba, pain kaiks: ¿anira lika saura pali kulkaia warkka ba man bahara daukras kapram? Arabia uplika nani upla iwras tasbaya yabalka ra iwi bîla kaiki ba baku, yabal un ra iwi lilam nani ba bîla kaikisma. Man ur taki watawika lâka dauki kuntrikam na tâski daukram.

Jirimaya 9:19

Laih Jerusalem latwan saura bri ini ba walisa: ¡Alai, nahki muni yawan naku wan slingbi wan sauhkanka na ra diman! ¡Saura wan kulkan pâtka yawan wahwisa! Yawan wan kuntrika swih waia sa, wan watla nani sut slingwan sa.

Isikiel 36:17

“Israel wina nani ba ai tasbaya ra iwi kan ba ra, ai daukanka saura wal tâski daukan. Ai iwanka ba yang maipara tâski bara brinki apia dukia daukan.

Isikiel 36:19

bara klala yabamni ai daukanka saura nani ba tâwan bara kuntri wala nani yakabrira daukamna nisan wala nani tilara.

Kli Smalkanka 12:9

Kasak sika naha piua kat man nani âmyapah kaia pliska ra kau dimras sma, Dawan Gâdkam man nani ra prapati baku maikaia win tasbaya ba.

Kli Smalkanka 30:18

kan yang bui man nani ra nanara mahka mai wisna, man nani pruma, baha kuntrika pura lui dukiam briaisma ba ra. Piu wihka raya kama apia, Jordan baila wala ra luma ba ningkara.

Kli Smalkanka 4:26

Yang naiwa kasbrika purara bara tasba ra sin witniski brisni, Jordan baila wala kuntrika ra dimma ba ra man nani pat pali pruma. Baha tasbaya ra piua wihka raya kama apia, sakuna âpu pali mai daukbia.