Miqueas 2:1 - DAWAN BÎLA AISKA

¹ ¡Nahki saura kabia baha nani, tihmia aiska ai krikrika ra prawi, nahki saura daukaia ba dukiara baman luki kaiki ba, bara titan yu baiwan wal saurka ba mahka daukuya, witin nani karnika ai mihta ra bri bamna!

Miqueas 2:1 ပူးပေါင်းရင်းမြစ်များ

Blasi Sturka 31:29

Yang karnika brisna man nani sut ra saura mai munaia; sakuna man aisikam Gâdka ba naha tihmia yang ra ai win: “Man naha wals: Jekob ra watawi aisapara.”

1 King Nani 21:7

Bara ai maya Jezabel mita win: —¿Man apia ki nanara Israel purara king ba? Bus, bara plun pis, diara dih lilia taks. ¡Yang bui Nabot Jezreel waitnika wainka nasla ba maikamna!

Ester 3:8

Bara Amán bui king Asuero ra win: —Tawan kumi bâra sa, man king tara tasbayam aiska ra dakwi tawi iwisa; bara ai lâka nani ba sin aihka sa, tawan uplika nani lâka ba wal. Baha purkara sin, king tara lâka nani ba sin kulkras sa, bara baku swika raya kaia ba king tara mapara aitani apia sa.

Ester 5:14

Bamna Zeres bara ai pânika nani ba naha aisinka nani ba sut walan ningkara, naku win: —Langki ikaia dusa kumi yas paskbia, ai yarika ba 75 pît. Bara king ra wis, Mardoqueo ba bahara langki pami ikbia. Baha dauki swi si, pata tara liliakira ba ra king wal dims. Bara naha ba Amán mita aitani pali kaikan, bamna langki ikaia dusa ba yaban paskan.

Ester 9:25

Sakuna Ester ba king kaikaia balan ba ra, king mita ulbi adar yaban baha waitnika ai lukanka ra saura luki, Ju nani ra sauhki tikaia daukan ba witin ai lal ra kabia, witin ra bara ai luhpia nani ra sin dus ra pami langki ikbia.

Job 15:35

Witin nani saurka lâka ni kwihra tiwan, bara pât saura ni aisubi sakan ai mâ saki ba lika, kunin lâka baman sa.

Job 24:14

Upla âikra ba, tihmia kau buisa umpira ba ikaia, bara tihmia iwuya taim, âimplikra takisa.

Lawana Nani 36:4

Ai krikrika ra aitniki, saura daukaia dukiara luki kaikisa; saurka lâka yabalka ra karna pali alkan ba mita, watawika lâka ba lulki swin daukras sa.

Lawana Nani 36:5

Sakuna, Dawan, man lamtwanka lâka ba, kasbrika pura ba kat uli auya. Man kasak lukankam ba kasbrika purara sangnika ba kat alkisa.

Lawana Nani 58:3

Upla watawikira nani ba, ai yapti biara ra ba wina saura daukisa, kuninkira nani ba, kau ai yapti biara wina aisubi takras ba ra, yabal wina aimawahkisa.

Sins Lâka 12:2

Upla yamni ba, Dawan wina kupia yamni lâka saki bribia, sakuna diara saura nani luki waitnika ba, witinka bui pâtkira kulkbia.

Sins Lâka 14:22

Ya nani saura daukaia pliki ba, yabal ba tikisa; ya nani yamni daukaia pliki ba, latwan lâka bara diara daukaia luki ba, witin dukia sa.

Sins Lâka 3:27

Man ra makabi ba yaia apia wipara, baha daukaia man mihtam ra diara brisma ba ra ani piua ra man mihtam ra brisma yamni daukaia ba.

Sins Lâka 4:16

Witin nani saura daukras kaka, sip kupia kumi lâka ba briras sa; upla kum pan batakras kaka, witin nani sip yapan daukras sa.

Aiseya 29:20

Upla tataibra nani ba âpu daukan kabia, lawaska kakikra ba sin âpu tikan kabia; bara âpu tiwan kabia saura daukaia luki uplika nani ba.

Aiseya 3:14

Dawan bal upla lâ ra paiwbia, tawan almukka nani ra, wihta nani ra wibia: “Man nani sika wainki nasla ba âpu daukisma; bara umpira nani dukia ba implikram, baha dukia nani ba wamtla nani ra dingki main kaikisma.

Aiseya 32:7

Kunin mamunra kunin wal ai tâ baikisa, alkaia kiwka nani mangkisa umpira kaikras lâka ra; umpira nani ba kunin ni blakaia, diara luha umpira nani, kasakka lâka ra makabi nani ba mapara.

Aiseya 5:8

¡Man nani saura pali kama, utla nani atki kau atkisma ba, insla nani brisma kuna kau pura prakisma, upla wala dukia swiras, man nani baman tasbaya na ra iwisma baku!

Aiseya 59:3

Man nani mihtam nani ba tala ni tâski takan sa, bara mihtam sirpika nani ba upla ikram tasbaika alkan; unam nani ba kunin man aisisa, twisam nani ba watawika lâka man aisisa.

Jirimaya 18:18

Upla nani ba aisin: “Kaisa yawan wark kum daukaia, Jirimaya ba âpu daukaia yawan pri takaia. Prîs nani ba âpu takras ban kabia witin nani wan smalki kaia, sinskira nani lâ wan smalki ba ban kabia, prapit nani Gâd dahra wan aisi ba aisi ban kabia. Kaisa yawan bui witin ba dahra kwahkaia, bara witin ba ikbia. Upla nani aisi ba kumi ra sin yawan walbiara.”

Isikiel 11:2

Dawan bui ai win: “Naha nani sika upla ikaia baman luki ba, bara naha tawanka ra saura daukaia baman luki ba sin.

Isikiel 33:26

Ikaia dukia nani wal taiban lâka daukisma, yang misbara kaikisna dukia daukisma, sut marit lâka sauhkisma, ¿bara lukisma kuntrika dawanka taki banhma?’

Isikiel 38:10

‘Yang Dawan sna ba, naku wisni: Baha piua ra lukankam ra diara aihka saura nani balbia daukaia.

Isikiel 46:18

Tâ bri ba upla kumi dukia dakbaia apia sa. Dîa ai luhpia ai dukia baku yabuya ba, ai dukia ba wina yabaia sa; baku upla kum sin diara luha kabia apia, yakabrira sin takbia apia.”

Miqueas 6:12

Yuyakira nani naha tawanka ra iwi ba upla umpira nani ra tataibra pali man sa; kuninkira nani bara upla ra kunin mamunra baman nahara iwisa.

Nahum 1:11

Ninibi, man wina sika Dawan mapara saura aisasara ba bal takan; sins tânka saura nani mariki uplika ba.

Sakaraya 7:10

Piarka nani ra, rau nani ra, tasba wala uplika nani tilamra ba, upla umpira nani ra, lâ wirhika witin nani purara kahbiara. Pana pana walkam ra sin saura munaia lukpara.”

Mark 15:1

Bara yu baiwan ra, prîs wihtka nani asla prawan, wihta almuk nani, Lâ Smasmalkra nani, lâ wihtka nani sut ba kira. Bamna witin nani bui Jisas ba priski bri si, Pailat mihta ra mangkan.

Luk 20:19

Baha sim piua ra, prîs wihtka nani bara Lâ Smasmalkra nani mita Jisas ra alkaia luki kan, witin nani kaikan baha maprika lilka aisin ba lika witin nani ai mapara kata, sakuna upla nani ra sibrin luki banhwi kan.

Jan 19:11

Bamna Jisas pana win: —Man lika yang purira karnika kumi sin âpu kaia kapram, Gâd mita maikras kata kaka. Sakuna ya mita man mihtam ra ai mangkan ba sika, saurka kau tara brisa man ba wal.

Apastil Nani Sturka 23:12

Yu wala titan, Ju nani asla taki swer taki kira lâ daukan, witin nani plun pibia apia, diara sin dibia apia, Pal ikbia ba kat.

Apastil Nani Sturka 23:15

Bamna man nani bara Ju lâka dadaukra wihtka nani aikuki kamandanti ra aisas, yauhka Pal ba man nani mamwanra bri balbia, ai lâka ba kau pain pliki kaikaia baku. Bara kaiks, yang nani lika pat ridi kamna Pal ba ikaia, kau man nani mamwanra waras ba ra.

Roman 1:30

Witin nani lika upla wala nani dukiara saura aisisa, Gâd waihla nani, saura aisasara nani, diara lalihkra nani bara kakalra nani, saurka lâka sâtka nani daukaia pliki saki ba, ai aisika nani bîla walras,

Kli Smalkanka 28:32

Mamwan wina luhpiam nani alki upla tringsar ra yabia, bara awar bani ra wih kaiki kan mai daukbia, kuna yabal âpu kama.