Miqueas 1:5 - DAWAN BÎLA AISKA

⁵ Jekob uplika nani, Dawan mapara buan tâka wina naha pâtka aula; Israel luhpia nani saura daukan ba tâka mita sin. ¿Jekob mita mapara buanka daukata ba, anira sa? ¡Sameria tasbaya ra sa! ¿Dawan ra kulkras lâka ra, Jekob mita lilka bahki nani paski, bahara pura sunaia watla nani mâkan ba anira sa? ¡Jerusalem tasbaya ra sa!

Miqueas 1:5 ပူးပေါင်းရင်းမြစ်များ

1 King Nani 11:7

Baha yua nani ra Salaman utla kum mâkan, Jerusalem lalma tani, unta tilara aidul bahki Quemós ra mayunaia; baha ba Moab uplika nani aidulka kan, baku sin Moloc ra, naha lika Amón uplika nani gâdka bahki kan ba.

1 King Nani 13:32

Kasak pali, piua balbia ba ra, aimakbia Dawan bîla aisin ba Betel altarka bâra ba mapara, gâdkas nani Sameria tawanka ra ai purara sunaia watla nani mâkan ba mapara aisin ba sin.

1 King Nani 16:24

Bara witin Sameria ilka ba atkan silbar 66 kilo mana Sémer wina; bara baha tawanka witin bui paskan, bara nina Sameria mâkan. Sémer wina atkan bamna, ilka dawanka ba Sémer, baha nina takan wina Sameria mâkan.

2 Kronikas 34:3

Josías mani 8 king aimaki kan, witin ba kau wahma kan ba ra, witin ai almukka Debit Gâdka ba plikan. Bara mani 12 king aimakan ba ra, mahka idan nani ai pura suni pliska nani ba, Aserá lilka nani, aidul nani slilki paskan gâdka nani lilka ba sut slingban.

2 Kronikas 34:4

Josías kaiki kan witin nani Baal altarka nani lilka nani sât sât daukan ba sut sauhkan. Baha purkara, Josías sin blikan wan pura pliska nani ra kîa yamni angki kan altarka nani ba sin slingbaia. Bara Aserá lilka nani ba sin kriki yuya sirpi baman daukaia blikan, aidul nani ba, lilka paskan dukia nani ba baha nani sut ba yuya baman daukan.

Aiseya 7:9

sakuna mani 65 bilara Efraín ba kuntri apia kabia; man nani kasak lukan lâka ra bapi buras sma, man nani minam ba sin bapi bûi kama apia.’ ”

Jirimaya 2:17

Naha diara nani man nani puramra balan man nani ai lulki ai swiram ba tâka, yang sika Dawan, man nani Gâdkam yabal ra tampahki katna ba.

Jirimaya 2:19

Watawikam daukram ba mita klala maikbia, kasak lukras sma lâka ba mita pât ra mai lakan kabia. Luki kaiks diara saura tahpla daukram ba ai lulki ai swiram ba tâka kaikma. Bara man bui yang ra yamni ai kulkras sma ba, yang sika dawan Gâdkam. Yang, Dawan, karnika sut brisna, kasak aisisna.

Jirimaya 23:13

“Sameria ra prapit nani bâra ba yang kaikri yang maipara diara saura daukisa: Baal dahra yamni aisisa bara upliki nani Israel ba munisa witin nani yaka aimawahkaia.

Jirimaya 23:14

Yang kaikri prapit nani Jerusalem ra bâra ba, diara saura pali daukisa: upla maya lâka krikisa bara upla ra taibisa, baha dauki ba mita watawikira nani ba kau tâ baikisa, upla kumi watawika lâka ba swi si tnaya ra tawras. Witin nani ba bara tawan uplika nani ba Sodoma bara Gomora uplika nani baku sa.

Jirimaya 4:18

“Juda, man tânkam daukankam saura nani ba tâka mita sika naha diara sut man ra taki ba; watawikam lâka daukram ba tâka wina naha mâ tahpla nani na bal takan, bara kupiam ra mai sabisa.”

Jirimaya 5:25

Sakuna man nani saurkam tâka ba mita baha piua nani sut aihka man lakan, bara baha yamnika ba man nani sip briras sma.

Jirimaya 6:19

Tasba, wals: Naha uplika nani ra sauhkaia ba bri balaisna watawika nani daukaia luki daukan ba mana; yang bîli nani aisin ba witin nani baha walras, yang smalkanki nani ba witin kau saura ni kulkan.

Inanka Nani 5:16

Yang nani laila wina kraun kata ba kauhan sa; ¡saura pali sa, yang nani saura yâri ba tâwan!

Isikiel 16:46

Yahbra tani ra muihkam almuk iwi kan, Sameria tasbaya ra, bara ai tawan sirpi nani wal; bara waupasa tani ra muihkam sirpi, Sodoma tawanka ra, baha sin ai tawanka sirpi nani wal.

Oseas 7:1

upliki nani sikniska ba sîka yuki rakaia lukuna ba ra, Efraín bara Sameria ra, witin nani saura dauki watawika nani ba, baiwi param takisa. Kan witin nani sut kunin aisaia lan takisa; âimplikra nani baku, utla nani ra dimisa, yabalka kat upla nani ra implikisa.

Emus 6:1

¡Saura pali kabia baha nani, Saion ra wark daukras bahki man bâra iwi nani ba! ¡Baha nani Sameria ra lukras kira iwi nani ba, saura pali kabia, tawan tara nani lalka, kau tara kulkan nani bri ba, baha nani ra Israel luhpia nani ba wih pliki ba!

Emus 7:9

Dawan ra mayunaia watla Aisak dukia nani ba sut slingban kabia, bara Israel tempelka nani ba sin sauhki tikan kabia. ¡Jeroboam taika nani mapara war aiklabaia sordka ba bukamna!

Emus 8:14

Baha nani, Sameria uplika gâdka bahki nani ra luki tniwi swer taki aisi nani ba, witin nani wisa: ‘Dan gâdka ba kau raya sa’, bara: ‘Beerseba gâdka nani sin kau raya sa’. Baku aisi nani ba sut kauhbia, bara kli sin bubia apia.”

Miqueas 1:13

Laquis ra iwi uplika nani, man nani sika Israel luhpia nani nina bliki maipara buram, Saion uplika nani ra munram saura daukan; bamna araskam karnakira nani ba, war aiklabaia waginka nani ra wilks.