Miqueas 1:12 - DAWAN BÎLA AISKA

¹² Marot ra iwi uplika nani ba, latwan pali bri ba mita ai wîna warbisa, mahka pri takan daukisa, kan Dawan mita daukan, sauhki tikaia pâtka ba Jerusalem tawanka dimaika kat brih balan.

Miqueas 1:12 ပူးပေါင်းရင်းမြစ်များ

Job 30:26

Yang lilia bîla kaiki kapri bara sari ni maipara balan, ingni ba alki bri kapri bara tihmia ni balan.

Aiseya 45:7

Ingni ba daukisna bara tihmia tara nani ba sin, kupia kumi lâka daukisna bara mapara buanka ba sin. Yang Dawan, yang naha diara nani sut ba daukisna ba.

Jirimaya 14:19

Dawan, ¿Juda ba man aiska pali lulki swiram sa ki? ¿Saion tawanka ba dukiara man tayat pali takram ki? ¿Dîa kan yang nani sip kli rawaia apia kat ai insauhkram? Yang nani lika yamnikam wankma bîlam kaiki katna, sakuna yang nani maipara diara saura baman takan. Yang nani rawaia aihwaki katna, sakuna sirang tara ai iki ba baman bâra sa.

Jirimaya 8:15

Yawan sika aihwaki kan wan mapara yamni ba balaia, sakuna yamni kumi sin yawan ra balras kan. Yawan sika siknis wina rawaia bîla kaiki kan, sakuna sirang wan ikaia lâka bamna sa.

Emus 3:6

War aiklabaia trumpit ba tawan bilara puhbia kaka, upla nani ba tâ iwi sirang man sa. Tawan ra diara saura kum taki ba ra, baha ba Dawan mita blikan sa sika.

Miqueas 1:9

Sameria wîna ba rakaia piua pât luan sa, Juda ra sin baha sikniska pat alkan sa; Jerusalem kat prukan sa, baha tawanka ra yang upliki nani iwi ba.

Rut 1:20

Sakuna Noemí bui pana witin nani ra aisin: —Nini ba Noemí ai wipara, sakuna Mará ai wis, kan Gâd karnika sut pali bri ba mita kupi kriwan lâka tara ni ai banhkan.

1 Samuil 4:13

Witin wan ba ra, Elí bâra iwi kan iwaika tarka tara kum ra, dur lama kat; bara yabal ba kat aihwaki kaiki kan, witin ai kupia wal trabil taki luki kan Gâd lâka auhbaika watla ba sin dakbi brih wan ba dukiara. Baha waitnika swakwi balan ba bui sturi ba tawan ra upla sut ra aisin, bara upla sut ini yahwan.