Miqueas 1:11 - DAWAN BÎLA AISKA

¹¹ ¡Safir tawanka uplika nani, man nani kwala âpu, swira lâka ba wal, kangbi mai sakan tasbaya ra taki was! ¡Zaanán tawanka ra iwi uplika nani ba, baha wina bal takaia lukbiara! ¡Bet-ésel uplika nani sari ini banhwisa, bamna man nani ra sip tâm baikbia apia!

Miqueas 1:11 ပူးပေါင်းရင်းမြစ်များ

Aiseya 16:2

Tnawira sirang iwi ai watla wina taki pâli ba baku, Moab luhpia mairin nani sin taki plapbia Arnón tingnika luaika ra.

Aiseya 20:4

Asiria mita, Idsip uplika nani ba priski brih wabia, baku sin Etiopía wina kangbi sakan nani ba; wahma nani, almuk nani, kwala luha, ai mina man, tnata pura bikras, Idsip uplika nani ba swira daukaia dukiara.

Jirimaya 13:22

Bara man makabi walma kaka, tânka briaia sma kau diara saura pali daukram ba tâka mita sika; ¡baha mita witin nani susu mai dauki bara saura mai munan!

Jirimaya 48:6

¡Man nani plaps! ¡Ya swakwaia sip sma ba swakwi taks! ¡Upla iwras tasbaya ra kiaya pâwi ba baku takbia!

Jirimaya 48:9

Moab ba sauhki tikaisa bara baha luki walpaya swis, sauhki tikan kabia bamna; tawanka tara nani ba slingban kabia bara upla bâra takaski kabia apia.”

Isikiel 16:37

Baha mita, yang lilam nani sut asla daukamna, kupia lâka daukram ba, latwan kaikram nani sut ba bara misbara kaikram nani sut ba; man lamam kir asla kukamni, bara witin nani mawanra, kwala luha mai sakamna, bara baku susu mai kaikbia.

Isikiel 23:29

Witin nani mita misbara mai kaikbia, wark taki briram ba witin nani sut pali bribia, bara susu mai swibia; wînam tara kwala âpu mai swibia, baha ni rug lâka daukram bamna. Uba pri kaia lâka ba man briram, rug lâka sin,

Miqueas 1:8

Baha mita kupi wirha bara sarikira ini kamna; sûs sin âpu, kwala sin dimras watauki kamna; yul wail talia daiwra ba baku ini kamna, daiwan tnawira yahpa tara luhpia baku sin ini tauki kamna.

Nahum 3:5

Dawan karnika sut bri ba, naku aisisa: “Kaiks, yang Dawan, nahara man mampara bui nâra sni, prâmka ba buki lamla purara kat sunamna, bara nisan nani sut mai kaikbia man kwala luha takram ba; mamwan swira ba, king tasbaya nani sut kaikbia.

Sakaraya 14:5

Bara man nani baha ilka nani langnika bîla taki plapma tnaya wala ba kat, langnika ba Asal kat auya bamna. Ozías king aimaki kan piua ra, tasba nikban bara damikam nani plapata ba baku plapma. Bara Dawan Gâdki ba witin ai uplika kasakkira nani ba wal aikuki balbia.

Jasua 15:37

Tawanka tara nani Senán wina ba, Hadasá, Migdal-gad,