Matiu 9:8 - DAWAN BÎLA AISKA

⁸ Upla nani naha kaikan ba ra, sirang iwi banhwan, bara Gâd ra mayunan upla nani ra baku karnika yaban ba dukiara.

Matiu 9:8 ပူးပေါင်းရင်းမြစ်များ

Matiu 12:23

Upla sut tâ iwi, naku aisan: “¿Naha na Debit Luhpia ba apia?”

Matiu 15:31

Upla sut tâ iwan, kan bîlas nani sturi aisi kan, mihtas nani bara klahklas nani ba rawan kan, mina skahwa nani ba wapi kan, bara blain nani diara kaiki kan. Upla sut mita Israel Gâdka ra mahka mayunan.

Matiu 28:18

Bara Jisas witin nani lamara bal, naku win: —Karnika sut yang ra aikan sa, kasbrika purara bara tasba ra.

Matiu 5:16

Baku sin, man nani yarka ingnikam upla sut mawanra ingbia, bara diara yamni dauki banhwisma ba kaiki, witin nani mita kasbrika purara bâra ba mayunbia.

Matiu 9:7

Wakia lâwan waitnika ba mahka ai watla ra wan.

Mark 2:12

Baha siknis kata ba mahka buan, ai krikrika ba brih, baha wina mahka taki wan upla sut mawanku. Naha mita upla sut tâ iwi, Gâd ra mayunan, naku wisi: —Yang nani kau naku pali diara kum kaikras.

Mark 7:37

Bara witin nani tâ iwi, naku aisin: “Diara sut pain daukisa: ¡kiama prawan nani yan walisa, bîla skalwi aisi nani yan sturi aisisa!”

Luk 13:13

Bara ai mihta nani mairka ba purara kahban, bara baha sim piua ra mairin ba wapni buan, mahka sin Gâd ra mayunan.

Luk 17:15

Sakuna baha nani wina kumi ba kaikan ai sikniska wina rawan kan, bamna witin kli tawi, ai bîla baikra tara ni Gâd ra mayuni balan.

Luk 17:18

¿Naha tringsar waitna na baman Gâd ra tingki wiaia balan ki?

Luk 18:43

Baha sim piua ra, blain kata ba sip kan diara kaikaia, bara mahka Jisas nina blikan, Gâd nina mayuni. Bara upla nani naha kaikan ba sin sut Gâd ra mayunan.

Luk 2:20

Sepad nani kli mahka tawi wan, Gâd ra mayunan kan, dîa dîa witin nani kaikan bara walan ba dukiara, kan dîa dîa witin nani ra aisin ba kat takan bamna.

Luk 23:47

Rom kiaptinka baha kaikan, Gâd ra mayuni, win: —Kasak pali naha waitnika na pâtkas pali kata.

Luk 7:16

Upla sut naha diara kaikan ba ra, sibrin taki, mahka Gâd ra mayuni, win: —Prapit kum bal takan. Baku sin aisi kan: —Gâd balan ai uplika nani ra hilp munaia.

Jan 15:8

Bamna man nani mâ manis sakuma ba ra, Aisiki ba mayunra brisa, bara baha ba mita marikisma man nani ba kasak disaipilki nani sma.

Apastil Nani Sturka 11:18

Bara wan muihni nani Jerusalem ra nani ba naha sturka walan ba ra, mapara aisi kata ba sâp takan, Gâd ra ni mayuni, naku win: —Baku sa kaka, Gâd mita Ju apia nani ra sin sans yaban ai kupia lakaia, bara raya ban kaia lâka briaia.

Apastil Nani Sturka 21:20

Baha nani ba naha diara nani na walan ba ra, Gâd ra mayunan. Ningkara, witin nani Pal ra win: —Muihki, man sin kaikisma nahki Ju nani tausin ailal kasak lukan sa, witin nani sut wisa, Moses lâka ba kulkaia sa.

Apastil Nani Sturka 4:21

Bara aidrubanka wihtka nani ba mita karna pali smalki mahka pri swin, witin nani mita nahki pât dingkaia sapa tânka sip sakras kan bamna, kan upla nani sut Gâd ra mayuni kata diara takan ba dukiara.

2 Korint 9:13

Naha hilpka yabi banhma ba mita witin nani kaikbia man nani lika Kraist smalkanka bîla kat wali daukisma, bara baha mita witin nani bui Gâd nina mayunbia, kan man nani lika witin nani ra bara upla wala nani ra sin kupiam wilinkira hilp munram bamna.

Galesha 1:24

Bara yang dukira Gâd ra mayuni banhwi kan.

1 Pita 2:12

Gâd ra kakaira apia nani tilara pain watauki bas. Baku, witin nani bui mampara man nani ba lâ sasauhkra nani baku damhra sâkbia ba ra, daukankam pain nani ba kaiki, Gâd ra mayuni kabia, witin bal tânkam dukiara mamkabi walbia yua ra.