Matiu 9:33 - DAWAN BÎLA AISKA

³³ Jisas mita pirit saura ba latara kangbi sakan wal baku, bîlas ba mahka sturi aisin. Bamna upla nani ba tâ iwi, naku aisan: —¡Yawan Israel tasbaya ra nahmuna dukia kau kaikras!

Matiu 9:33 ပူးပေါင်းရင်းမြစ်များ

2 King Nani 5:8

Prapit Ilaidsa ba sturi walan Israel kingka ba ai prâka kalkan ba dukiara, bara king ra ai bîla bliki win: “¿Dîa muni man prâmka ba kalkram? Wis waitnika ba yang ra balbia, bara ai tânka bribia Israel ra prapit kum bâra ba.”

Lawana Nani 76:1

Dawan ba Juda ra kakaira sa witin ai nina ba kulkanka tara brisa, Israel luhpia nani ra.

Aiseya 35:6

bâra mika skahwa nani ba sula srutwi pâli baku srutwi kabia, bara baha nani sturi aisaras twisa nani ba sin ai pura winbia. Upla iwras tasbaya, tasba lâwan wina lî kârma nani sin takbia.

Jirimaya 32:20

Man Idsip ra diara aihkakira nani bara sain nani daukram, Israel luhpia nani tilara sin kau naiwa daukisma upla wala nani tilara sin kau ban, bamna baku man ninam ba tasba aiska ra param sa.

Matiu 8:10

Jisas naha walan ba ra, tâ iwan, bara ai nina bliki nani ra win: —Kasak pali man nani ra mai wisna, Israel luhpia nani tilara naha waitnika kasak lukanka uya bri na sât kau yang sakras.

Matiu 9:32

Blain nani taki auya kan ba ra, upla kum kum mita sturi aisaras kum brih balan; witin ba pirit saura sin bri kan.

Mark 2:12

Baha siknis kata ba mahka buan, ai krikrika ba brih, baha wina mahka taki wan upla sut mawanku. Naha mita upla sut tâ iwi, Gâd ra mayunan, naku wisi: —Yang nani kau naku pali diara kum kaikras.

Luk 11:14

Jisas mita pirit saura kum, waitna kum ra sturi aisaras bîlas dauki bri kan ba wina kangbi saki kan, bara pirit saura ba takan ba ra, bîlas kata ba mahka sturi aisin. Naha dukiara upla nani tâ iwan takan.

Luk 7:9

Jisas naha diara walan ba ra, waitna ba dukiara tâ iwan, bamna witin ai nina bliki kan uplika nani ra tawi kaiki, naku win: —Kasak pali mai wisna, naha waitna kasak lukan lâka manis bri na sât yang kau Israel ra sakras.