Matiu 9:23 - DAWAN BÎLA AISKA

²³ Ju nani wihtka watla ra Jisas wan ba ra, kaikan miusik uplika nani ba pat bikaia ridi kan, bara upla nani sin bin dauki kan.

Matiu 9:23 ပူးပေါင်းရင်းမြစ်များ

2 Kronikas 35:25

Jirimaya lawana kum paskan witin pruanka ba dukiara kulkanka yabi, bara aiwawanra nani ra yan aiwanaia Josías raitika ra, bara naiwa kat lâwanka ba upla pruan lâwanka kulkisa, bara Israel ra kulkanka tara brisa, lawana wahbi sakan wauhkataya ra sa.

Jirimaya 16:6

Naha kuntrika ra almuk nani ba tuktan nani ba prubia, upla kumi bal baha nani bikbia apia, pura mata sin inbia apia, sarka brisa wisi ai taya ra klaki ai tâwa sin irbi banhbia apia.

Isikiel 24:17

Yukuwan ra sari taks, kwala siksa dimpara. Upla pruan nani pura mata dauki ba baku daukpara. Lamla srukras bara sûs sin âpu taukpara; mamwan sin bikpara sari sma wisi, plun sin pipara baha piua ra pi pata ba.”

Matiu 11:17

‘Yang nani bra puhbi maikri, kuna man nani lilia pulras; yang nani sari lawana aiwani maikri, sakuna man nani inras.’

Luk 7:32

Sim tuktan nani wal baku sa, witin nani pulaia pliska ra pulaia iwisa, ai pânika nani ra naku wini ba: ‘Yang nani plut puhbri, sakuna man nani lilia pulras; yang nani sin sari lawana nani aiwanri, sakuna man nani lika inras.’

Apastil Nani Sturka 20:10

Bamna Pal mâyara bal iwi wih waitna wahma ba purara bawi, kiaubi alkan. Bara wan muihni nani ra win: —Man nani si bripara, witin raya sa.

Apastil Nani Sturka 9:39

Bara Pita witin nani aikuki wan. Witin balan ba ra, brih wan wîna tara tnikan ba rumka kat. Piarka nani sut witin ra bal ai tnaya ra kir bûi, ini mariki kan prâk nani, kwala wala nani sin Dorcas mita kau raya kan piua ra sipan nani ba.

Param Marikanka 18:22

Bara yabalkam nani bilara arp nani binka, plut nani binka, trumpit nani binka sin kli walbia apia; wark tatakra sât sât sin man ra kli âpu kabia, akbaia walpaya binka ba sin man ra kli walbia apia.