Matiu 9:2 - DAWAN BÎLA AISKA

² Bara wakia lâwi waitnika kum krikri ra tniki witin ra brih balan. Jisas baha uplika nani kasak lukanka ba kaiki, siknis waitnika ra win: —Luhpi, karnikam bris; saurkam nani ba ban swih tikan sa.

Matiu 9:2 ပူးပေါင်းရင်းမြစ်များ

Smasmalkra 9:7

¡Bamna, kaisa! Plun pisma ba piua ra, wain disma ba piua ra liliam bris; kan Gâd bui yamni kaikan man daukankam nani ba.

Aiseya 44:22

Maipara buanka nani man daukram ba sut yang slingbi tikri, mukus kum awi tiwi ba baku. Kli yang ra tawi bal, kan yang atki mai sakri bamna.”

Matiu 14:27

Sakuna Jisas aisi, naku win: —¡Kupiam karna bris; yang sna, si bripara!

Matiu 4:24

Siria tasbaya sut ra Jisas sturka walan, bara siknis sât sât bri nani, pirit saura bri nani, wîna tatatwi nani bara wakia lâwi pruan nani ba sin sut witin ra brih balan. Jisas mita sut rakan.

Matiu 6:12

Wan saurka ban swi tiks, yang nani maipara saura daukan kan ban swih tikisna ba baku.

Matiu 8:10

Jisas naha walan ba ra, tâ iwan, bara ai nina bliki nani ra win: —Kasak pali man nani ra mai wisna, Israel luhpia nani tilara naha waitnika kasak lukanka uya bri na sât kau yang sakras.

Matiu 8:16

Tihmia iwan kan, Jisas ra pirit saura bri uplika nani ailal brih balan; bara ai bîla kumi ni baman pirit saura nani ba kangbi sakan, sikniskira nani sut sin rakan.

Matiu 9:22

Sakuna Jisas ai ninara tawi, mairka ra kaiki, naku win: —Luhpi mairin, man karnikam bris; kasak lukram bamna, man rawram sa. Bara baha pali piua ra witin rawan.

Matiu 9:5

¿Bamna nahki aisaia ba kau isi sa: ‘Saurkam nani ba swih tikan sa’, apia kaka wiaia: ‘Bus, bara mahka waps’?

Matiu 9:6

Bamna, yang bui man nani ra mamrikamna Upla Luhpia Waitna naha tasba ra upla saurka nani swih tikaia karnika brisa. Baku ba ra, wakia lâwan waitnika ra win: —Bus, krikrikam bris, bara wamtla ra mahka was.

Mark 1:32

Lapta diman bara pat tihmia kan, upla sikniskira nani, pirit saura bri nani sut, Jisas ra brih balan,

Mark 10:49

Bara Jisas takaski, naku win: —Witin ba paiws. Bara witin nani blain waitna ba wini, naku win: —Tâm baiki bus, witin mai winisa bamna.

Mark 5:34

Bara Jisas mita win: —Luhpi mairin, kasak lukram bamna, rawram sa. Kupiam kumi was, bara sikniskam wina rawram sa.

Mark 6:50

kan sut kaiki sirang iwan. Sakuna witin aisi, naku win: —¡Kupiam karna bris, yang sna, si bripara!

Jan 16:33

Naha dukia sut na mai wisni, yang wal asla kama ba mita kupia kumi lâka ba bri kama. Naha tasba ra man nani ban pât wahwaia kama; kuna kupiam karna bri bas, kan yang mita tasba na pura luri sa.

Jan 2:25

Baha mita Jisas ra sip upla kum mita wiaia âpu kan, witin pali mita pat kaiki kan upla kupia ra dîa bâra ba sut.

Jan 21:5

Bamna Jisas bila: —Tuktan nani, ¿inska alkram ki? Pana disaipil nani bila: —Diara alkras.

Apastil Nani Sturka 14:9

Bara naha waitna lika Pal dîa aisi kan ba kat aman pali wali kan. Bara Pal waitnika ba kat tawi kaikan ba ra, ai dara walan nahki naha waitna kasak luki kan witin ba rawbia.

Apastil Nani Sturka 19:12

Ban angsar nani sin, apia kra kwala wala nani sin witin ra kangban ba, kwalka nani ba siknis uplika nani ra brih wan, bara baha ni siknis uplika nani ba rakan, pirit saura nani ba sin upla nani wina taki kan.

Apastil Nani Sturka 23:11

Tihmia wala ra, Dawan mita Pal ra bal win: “Pal, kupiam karna bri bas; Jerusalem ra, yang witniski aisaram ba baku, man Rom ra sin aisama.”

Roman 5:11

Bara naha baman lika apia, kuna wan Dawan Jisas Kraist ba mita yawan lika Gâd ra lilia pali sa, kan Kraist ba mita yawan na Gâd wal kupia kumi wan daukan sa bamna.

Jems 2:18

Sakuna ban kra upla kum mita wala ra naku wibia: “Man kasak lukan lâka brisma, bara yang lika yamni daukisna.” Bamna man kasak lukankam ba diara yamni daukras kira ai mariks, bara yang mita daukanki yamni ni kasak lukanki ba mamrikamna.