Matiu 8:3 - DAWAN BÎLA AISKA

³ Bamna Jisas ai mihta ni kangbi, win: —Yang wilin sna, bamna mai rakisna. Naha aisin wal baku, waitnika ba ai lipar sikniska wina rawan.

Matiu 8:3 ပူးပေါင်းရင်းမြစ်များ

Blasi Sturka 1:3

Bamna Gâd bila: “¡Ingni ba takbia!”, Bara ingni ba takan.

2 King Nani 5:11

Bara Naamán naha walan ba ra, ai kupia sauhki, naku win: —Yang luki kapri witin ba taki bal ai aisabia, ai Dawanka Gâd nina mâki, ai mihta purara buki, bara liparka ba ra kangbi ai rakbia.

2 King Nani 5:14

Baku ba ra Naamán wan bara aima 7 Jordan awala ra buswi takan, baha kat Gâd prapitka win ba baku takan, sikniska ba rawan wahma lupia baku takan bara klin sin takan.

Lawana Nani 33:9

Kan witin aisin bara diara sut daukan kan; witin adar yan bara diara bal takan.

Impakan Sturka 4:7

Bara Dawan kli witin ra win: —Mihtam ba kli lamam bilara dingks. Moses kli baku daukan, bara kli sakan ra kaikan, ai mihta ba sut yamni takan kan ai wîna tara aiska ba sim baku.

Matiu 12:13

Bara Jisas mita siknis waitna ba ra win: —Mihtam sakbi bris. Bamna sakban bara rawan, sim ai mihta wala kata ba baku.

Mark 1:41

Bara Jisas kupia swapni takan, ai mihta ni kangbi, naku win: —¡Yang wilin sna, bamna mai rakisna!

Mark 4:39

Bara Jisas bui pâsa ra lawi dauki, kabu ra sin win: —¡Sâp bas! ¡Mahka lamni taks! Bara pâsa ba sâp takan, witin nani sin âuyapah takan.

Mark 5:41

Witin mihta ra alki, naku win: —Talitá, cum (baha tânka ba lika: “Tukta mairin, man ra mai wisna, buram”).

Mark 7:34

Bara kasbrika purara kaiki, ai wingka puhbi bara win waitnika ra: “¡Efatá!” (baha tânka lika: “¡Ilingwi bas!”)

Mark 9:25

Bara Jisas, upla ailal tutukwi kan kaiki, pirit saura ra lawi dauki win: —Man pirit bîlas, kiama prawra, yang adar maikisna man mahka taki was, tuktika na swis, bara kli sin witin ra bal dimpara.

Luk 4:27

Baku sin, prapit Ilaidsa piua nani ra, Israel ra lipar sikniska bri uplika nani manis bâra kan, sakuna baha nani kumi sin rakras kan, Naamán Siria kuntrika wina kata ba baman lika.

Luk 5:13

Baku bamna, Jisas ai mihta ni kangbi, win: —Yang want sna, bamna mai rakuna. Naha aisin ba ra, lipar sikniska ba witin wina takan.

Luk 7:14

Ba ningkara krikrika lamara wih ai mihta ni kangban, bara twilki kan uplika nani ba takaskan. Bamna Jisas pruan uplika ra naku win: —Wahma, yang mai wisna: ¡Bus!

Jan 11:43

Naha aisin ba ningkara, ai bîla baikra tara ni winan: —¡Lasarus, baha wina bal taks!

Jan 15:24

Naha tasba uplika nani ba pâtkas kaia kan, upla wala nani mita sip daukras dukia nani ba witin nani tilara daukras katna kaka; sakuna naha diara sut pali kaiki banhwan sakuna, ban misbara ai kaikisa bara Aisiki ra sin misbara kaikisa.

Jan 5:21

Bamna Aisa mita pruan nani ba buki kli rayaka yabi ba baku, Luhpia mita sin witin yaura raya kaia lâka yan dauki ba yabisa.