Matiu 8:29 - DAWAN BÎLA AISKA

²⁹ Bara ai bîla baikra tara wini banhwan: —Jisas, Gâd Luhpia, ¿dîa kan yang nani tilira dimisma ki? ¿Kau piua aimakras kan, yang nani ra rau ai sauhkaia balram ki?

Matiu 8:29 ပူးပေါင်းရင်းမြစ်များ

2 Samuil 16:10

Sakuna king ba pana win: —Seruiá luhpia nani, naha lâka na man nani mita daukaia apia sma. Witin bui yang ra laihtubisa kaka, Dawan bui baku witin ra adar yan ba mita sika. Bara baku sa kaka, ¿ya sip sa ki witin ra diara tânka makabi walaia witin dauki ba?

2 Samuil 19:22

Sakuna Debit pana win: —¡Seruiá luhpia nani, naha na man nani daukaia lâka apia sa! ¿Dîa kan maipara buisma? Aman daira walisna yang na Israel kingka sna, bamna naiwa yua ra Israel kumi sin prubia apia.

1 King Nani 17:18

Bamna piarka ba Ilayas ra win: —¿Man wal yang dîa daukaia sna, Gâd waitnika sma ba? ¿Balram sa saurki nani dukiara kupi kraukaia, bara luhpi ba sin yarka pruaia?

2 King Nani 3:13

sakuna Ilaidsa bui Israel kingka ra win: —¿Yang na man wal dîa daukaia brisna ki? Man aisikam nani piua ra prapit nani kan nani ba ra wih wals. Bara Israel kingka ba baku aisin witin ra: —Apia, kan Dawan bui sika naha kingka nani yumhpa ra asla daukan, Moab uplika nani mihta ra mangkaia dukiara.

2 Kronikas 35:21

sakuna Necao ai bîla bliki win: “Juda kingka, man kupia kumi ai swis. Nanara yang lika man mampara balras, nisan wala wal aiklabaia aulna maipara ba. Dawan bui ai blikan isti munamna; baku bamna, yamnikam dukiara, Dawan mapara bupara, kan witin ba yang wal sa, baku ba ra mai sauhki tikbia apia.”

Joel 3:4

“Tiro, Sidón bara Filistea, ¿man nani ba yang wina dîa brin mai daukisa ki? ¿Man nani pana diara ai munaia lukisma ki? ¿Diara kum mana, yang wina sakaia lukisma ki? Man nani pana ai munaia lukisma kaka, ¡man nani dîa daukram ba nanara pali lamla purara blikamna!

Matiu 4:3

Bara dibil balan Jisas traika kaikaia, bamna naku win: —Man ba Gâd Luhpia kaka, naha walpaya nani ra adar yas brit takbia.

Matiu 8:30

Baha lamara kwirku ailal pi tauki kan;

Mark 1:24

—Jisas Nasaret wina, ¿dîa muni yang nani tilira dimisma? ¿Yang nani ra rau ai sauhkaia balram ki? Yang lika man ra pain mai kaikisna. Man sika Gâd Holikira pali sma.

Mark 3:11

Bara pirit saura bri kan uplika nani, Jisas ra kaiki ba ra, witin mawanra ai lula kriki, naku ai bîla baikra tara wini kan: —Man sika Gâd Luhpia ba.

Mark 5:7

Bara ai bîla baikra tara ni wini, aisin: —¡Yang tilira dimpara, Jisas, Gâd Laih Purara iwi ba Luhpia sma ba! ¡Gâd nina mâki mai wisni, yang ra rau ai sauhkpara!

Luk 4:34

¡Jisas Nasaret wina, ban wan swis! ¿Dîa kan wan tilara dimisma? ¿Man ba wan sauhkaia aulma ki? Yang mai kakaira pali sna. Man ba Holikira Gâd wina ba sika.

Luk 4:41

Siknis uplika manis wina pirit saura nani sin takan, bara bîla baikra wini, naku aisi kan: —¡Man ba Gâd Luhpia sma! Sakuna Jisas mita pirit saura nani ra lawi daukan, yan sin aisaras kan, witin nani kaikan witin ba Misaya kan.

Luk 8:28

Witin Jisas kaikan piua ra, mawan kat wih ai lula ra kauhi, ai pura winan: —Jisas, Gâd Laih Purara iwi ba Luhpia, ¿dîa kan tili dimisma ki? ¡Yang mamkabisni, rau ai sauhkpara!

Jan 2:4

Jisas pana win: —Mairin, ¿dîa kan man bui yang ra baha ai wisma ki? Yang awarki ba kau balras sa.

Apastil Nani Sturka 16:17

Naha tuktan mairin na mahka Pal bara yang nani ninira wapi wini, ban aisi, win: —¡Naha waitna nani na lika Gâd Laih Purara iwi ba dukia dadaukra nani sa, man nani ra sin maisam pakisa swaki sakan yabalka ba dukiara!

Jems 2:19

Man kasak lukisma Gâd kumi baman bâra sa, bara baha ba aitani daukisma; sakuna lasa nani ba sin kasak lukisa, bara sibri tatatwisa.

2 Pita 2:4

Gâd mita insal nani saura daukan ba saurka swih tikras, kuna baha nani ba sut hil pauta ra lulki tihmu pali ra swin sa, sîn ni priski lâ tara yua ba kat lâka daukaia.

Judas 1:6

Bara insal nani, ai pliska bri kan ba main kaiki briras, sakuna ai watla pali ba sin swin nani ba, baha nani ra Gâd mita ban kaia ra priski, silak watla tihmu ra brisa, lâ tara yua balbia ba kat.

Wihta Nani 11:12

Baha ningkara Jefté, tila wina upla nani saki ai bîla smalki blikan wan, Amón uplika nani kingka ra wih wiaia. Witin nani bui witin ra makabi walan: “¿Man dîa tâwan yang maipara buisma, bara bal kuntriki mapara aiklabaisma ba?”