Matiu 8:12 - DAWAN BÎLA AISKA

¹² sakuna Gâd king aimaki ba lâka ra kaia nani ba lata tihmuka ra lulkan kabia; bara bahara sika ini banhbia, ai napa nani sin arkbi kabia.

Matiu 8:12 ပူးပေါင်းရင်းမြစ်များ

Lawana Nani 112:10

Upla watawikira nani, baha kaiki ai kupia sauhkisa; witin ai karnika âpu ba mita ai napa ba arkbisa. Watawikira nani brin dauki ba, bahki ra tawbia.

Aiseya 65:14

Witin nani lika lilia mita aiwanan kabia, ai kupia lilika mita, sakuna man nani lika, wini bara ini kama sari bara kupia sarkira ini kama.

Matiu 13:38

nasla ba lika naha tasbaya. Saumuk yamni ba king tasbaya uplika nani sa; inma saura ba dibil uplika nani,

Matiu 13:42

Baha nani pauta klauhi watla ra lulkbia, bara baha ra sika inan man kabia, ai napa nani sin arkbi kabia.

Matiu 13:50

bara saura nani ba pauta klauhi watla ra lulkbia, bara bahara sika inan kabia, ai napa nani sin arkbi kabia.”

Matiu 21:43

Baha mita, man nani ra mai wisna, Gâd king aimaki lâka ba man nani mihtam wina dakbi, upla nani king tasbaya mâ saki nani ra yaban kabia.

Matiu 24:51

bara kau pât saura pali ba yabia, bamna kuninkira nani pâtka ba aikuki wauhbia. Bâra mika witin inbia, ai napa nani sin arkbia.

Matiu 25:30

Bara naha alba bahki saura na, lata tihmuka ra lulki swis; bahara sika witin inbia, ai napa nani sin arkbia.’,

Luk 13:28

Baha piua ra Ebraham, Aisak, Jekob bara prapit nani sut Gâd king aimaki tasbaya ra kabia ba kaikma ba ra, sakuna man nani lika latara mai lulkan kabia, bara bahara ini ban man kama, nampa nani sin arkbi kama.

Apastil Nani Sturka 3:25

Gâd ai pramiska nani ai prapitka nani bâk aisin ba man nani dukiam sika aisin; Gâd wan damika wal lâ daukan lâka prapatika ba man nani sin dawanka sma. Gâd bui Ebraham ra win: ‘Tasba ra nisan nani sut ba man kiamkam nani bâk yamni munan kabia.’

Roman 9:4

Ju nani sut ba lika Israel kiamka sa, bara Gâd mita baha nani ba ai luhpia nani baku saki brin. Bamna Gâd ai mawan pranakira ba wal witin nani tilara kan, bara wal lâ daukan lâka nani ba yan, Moses lâka ba, tempel priaska bara pramiska nani sin.

2 Pita 2:17

Naha smasmalkrika nani lika, sim tingni kumi lâwan ba baku sa, kasbrika nani pâsa mita aki brih wi ba wal baku sa; bamna baha nani dukia wisi, Gâd mita plis tihmu tara pali kum ridi dauki swin sa.

2 Pita 2:4

Gâd mita insal nani saura daukan ba saurka swih tikras, kuna baha nani ba sut hil pauta ra lulki tihmu pali ra swin sa, sîn ni priski lâ tara yua ba kat lâka daukaia.

Judas 1:13

Kabu ripka prautkira nani baku, ai daukanka saura nani ba wina swira lâka nani ukatka ba sakisa; slilma nani ai yabalka tikan nani sa, pât ban kaia ra lulkan sa, tihmu tara tilara kaia.

Param Marikanka 22:15

Sakuna tawanka latara takaskbia nani ba naha nani sika: kasak lukras nani ba, sukia warkka dauki nani ba, tâski lâka dauki nani ba, upla âikra nani ba, aidul nani ra ai pura suni mayuni bara baha ra latwan kaiki nani ba sut, kunin lâka dauki nani ba sin.

1 Samuil 2:9

Ai uplika kasakkira nani mina taibanka ba witin bui main kaikisa, sakuna saurakira nani ba tihmia tilara prubia, kan upla kumi sin ai karnika ba mita pura lubia apia bamna.