Matiu 7:26 - DAWAN BÎLA AISKA

²⁶ Sakuna ya yang bîli wali baman, dîa wisna ba kat daukras ba lika, upla sinskas kum ai watla auhya purara mâkan ba baku sa.

Matiu 7:26 ပူးပေါင်းရင်းမြစ်များ

Job 22:16

Witin nani pat pali pruan, lî saura aubi brih wan ba baku.

Sins Lâka 14:1

Mairin sinskira ba ai watla mâkisa, kuna taniskira ba lika ai mihta pali ni slingbisa.

Jirimaya 8:9

Sakuna baha nani sinskira puli ba swira daukan kabia, daiwan nani alkaika ra alkan sinska lap tiwi ba baku. ¿Witin sins lâka brisa aisi ba anira sa, yang bîli nani lulki swin na?

Matiu 7:24

“Bamna ya ya yang bîli nani wali yang dîa wisna ba kat dauki kaka, upla sinskira kum ai watla walpa purara mâkan ba baku sa.

Matiu 7:25

Lî ba auhan, awala nani ra lisamra dingkan bara pâsa nani ba watla ra karna prukan, sakuna sip batakras kan, ai playa ba walpa purara bapan kan bamna.

Matiu 7:27

Lî ba auhan, awala nani ra lisamra dingkan, pâsa nani sin watla ra prukan; ¡bara aiska pali kauhi aisawan!”

Luk 6:49

Sakuna ya yang bîli wali, dîa wisna ba kat daukras ba lika waitna kumi ai watla paskan ba baku sa, witinka ba ai watla playa ba kasak bapras kan; bamna lisamra dingkan ba pupuhki, ai karnika aiska ni watla ra prukan ba ra, aiska pali kauhi slingwan.”

Jems 2:20

Sakuna, man upla sinskas kapara, bara kasak lukan lâka bri ba, daukanka yamni ba wal sa, kasak lukanka marikras kaka, baha ba diara kum pruan sa.

1 Samuil 2:30

Baku bamna, Dawan, Israel Gâdka ba, man bara tamya nani sin ban kaia ra ai dukia dauki kabia win ba, nanara wisa: ‘Yang aisari ba baku ban kabia apia, sakuna ya pain ai kulki ba baha uplika ra yang mita sin pain kulkamni, bara bahki ai kulki nani ba swira daukan kaia lâka ra mangkamni. Yang, Dawan, baha kasak aisisni.