Matiu 7:15 - DAWAN BÎLA AISKA

¹⁵ “Aman kaiks, witinka nani Gâd prapitka wisi kuninkira nani ba. Witin nani sîp baku man nani ra aula, sakuna ai kupia bîla lika yul wail nani baku sa.

Matiu 7:15 ပူးပေါင်းရင်းမြစ်များ

1 King Nani 13:18

Bara almuk ba kli kli aisi kan: —Yang na sin man wal baku prapit kum sna, bara insal kum Dawan blikan, yang ra ai win: ‘Man bui witin ba wamtla ra bri bal, baku mika plun pibia, lî sin dibia.’ Baku prapit ba kunin munan.

Jirimaya 29:21

“Dawan, karnika sut bri ba, Israel Gâdka ba, Ahab, Colaías luhpia waitna ba, dahra aisisa; Sedequías, Maaseías luhpia waitna ba, dahra aisisa; witin nani bui yang nani ra, Dawan nina ra kunin aisi mai wisa: ‘Yang daukaisna witin nani ba Nabucodonosor munhtara kauhaia, bara witin baha nani ba ikbia bara man nani kaiki kama.

Jirimaya 29:32

yang Dawan sna ba, wisni Semaías ba klala yabamna, ai kiamka nani ba sin. Witin ai kiamka nani wina upliki tilara âpu kabia, upliki nani ra lilia lâka yabaisna ba tilara sin lilia bribia apia, witin ai bîla nani aisi kan ba mita upliki nani ba yang maipara buan bamna. Yang, Dawan, kasak aisisna.”

Isikiel 13:16

Israel prapitka nani Jerusalem dukiara kunin smalki nani ba, bara diara tânka kaiki nani ba kupia kumi lâka ra aisi kan, sakuna kasak pali ba lika baku apia kan.’ Yang, Dawan, kasak aisisna.

Isikiel 13:22

Man nani, kuninkam lâka ni, upla yamni nani ba sasibrira daukram, yang baha daukaia lukras katna ba, bara kli tawan taim watawikira nani ra tâ baikisma ai daukanka saura nani ba ban dauki kaia. Baku yang bui witin nani ra rayaka yabamna apia dukiara.

Isikiel 22:25

Kuntri kum tâ wihta nani ba layan baku, diara alkan ba bisbi tikisa; ai tasbaya ra upla nani ba pîsa, ai kukanka ba bara diara apahkan ba implikisa, bara mairin ailal pali piarka swisa.

Isikiel 22:27

Naha tawanka tâ brabrira nani ba yul wail baku sa; diara alkan ba bisbi tikisa, ridi pali sa upla ikaia, ai dukia kukan ba ailal dauki kaia baman lukisa.

Daniel 11:34

Rausauhkan piua ba aimakbia yua ra, hilp wiria bribia, dîa dîa yamnika briaia dukiara aikuki asla taki banhwan kabia sakuna.

Miqueas 3:11

Lâ wihtka nani ra, lalah aibapi ai lâka pliki ba baman ra raitka yabisa, tawan wihtka nani ba, prîs nani ba sin, ai mana briaia dukiara baman smalkisa, bara prapit nani ba lalah mana baman dahra aisisa, ai raitka briaia dukiara blahwi aisisa, Dawan bui witin ra ai tâ baikisa, bara naku wisa: “Diara saura yawan ra balbia apia, kan Dawan yawan wal sa.”

Sakaraya 13:4

Baha piua ra, prapit nani, witin nani diara kaikan wisi aisaia ai swira bri kabia. Upla kumi sin upla ra kunin munbia apia, prapit nani daiwan taya prâka dimi ba prâka ba dimbia apia;

Matiu 10:17

Aman kaiki bas, kan upla nani mita mai alki wihta nani mihta ra mai mangkbia, bara prias watla nani ra mai wipbia.

Matiu 16:11

¿Nahki kan man nani tânka briras kapram, yang bui man nani ra brit dukiara lika mai aisaras kapri ba? Parisi nani bara sadiusi nani îska ba dukiara pain damra wali bas.

Matiu 16:6

Bara Jisas mita witin nani ra win: —Aman kaiks, parisi nani bara sadiusi nani îska ba dukiara pain damra wali bas.

Matiu 24:11

Kuninkira ailal bubia, bara wibia witin nani ba Gâd prapitka sa, bara upla ailal ra kunin munbia.

Matiu 7:14

sakuna raya kaia ra auya durka ba yabalka ba bîla sirpi bara karna pali sa bahara waia, bara upla tila nani baman baha sakisa.

Luk 12:15

Jisas naha sin wisata: —Upla diara bri ba tumisma ba aman kaiki damra wali bas man nani, kan upla rayaka ba lika diara ailal bri ba mita raya apia.

Luk 6:26

“¡Alai kabia man nani ra, tasba aiska mita mamyunbia ba ra, kan ai damika nani mita baku sika daukan ba prapit kuninkira nani ra!

Jan 10:12

Sakuna wark taki uplika ba lika ai mana briaia dukiara baman wark takisa; bamna ani piua yul wail kaikan aula ba ra, sîpka nani ba swi si plapisa, kan witin ba sepad apia sa, bara sîp nani ba sin ai dukia apia bamna. Baku bamna, yul wail ba mita sîp nani ba alkuya, bara yakabrira baman daukuya.

Apastil Nani Sturka 13:40

Bamna aman kaiks, prapit nani dîa ulban ba sut man nani puramra kauhbiara. Witin nani naku aisin:

Apastil Nani Sturka 13:6

Baha kî dakura aiska ba impaki, witin nani ban Pafos ra balan. Bahara Ju waitna kum wal prawan ai nina Bar-Jisas, witin sukia warkka dauki kan. Witin lika kunin aisi win, dîa witin aisi ba lika Gâd wina sa.

Galesha 2:4

Kasak pali, wan muihni kuninkira tila nani yukuwi, yang nani tilira dimi banhwan ba bui lika want kan, Taitus ba Aisa sainka bribia. Naha nani lika biki kakaira nani baku diman, yang nani Jisas Kraist wal asla takri mita pri lâka brisna ba kaikaia, bara kli alba wan daukaia wisi.

Epesus 4:14

Bara yawan na tuktan ban kaia apia sa, witin nani ai natka isi sât wala takisa, ya ya smalkanka raya smalki nani ba payaska ba mita raski brih auya, âuya mâira nani aimawahkan yabalka ra tauki nani ba mita sin kunin munisa.

Epesus 5:6

Upla mita yarka bîla bahki aisi kunin mai munbiara, kan bahmuna dukia saura nani wina sika, Gâd klalka tara ba aula, bîla wali daukras nani ba klala yaia dukiara.

Pilipai 3:2

Aman kaiki banhwi bas baha upla saura nani ba mapara, witinka nani diara saura dadaukra nani bara wan wîna tara ra klaki banhwi ba.

Kolosi 2:8

Man nani aman kaiki bas: Upla nani kunin baman diara bahki aisi ba mita yarka kunin mai muni mai brih wabiara; kan baha nani ba Kraist ra ai tâ baikras sa, sakuna upla iwanka lâka kat bara naha tasba lâka karnika baman ra wataukisa.

2 Timoti 3:13

sakuna upla saura nani bara upla ra kunin mamunra nani ba, ban kau saura taki kabia, bara upla ra kunin muni nani kabia, bara panaura sin upla nani mita kunin muni kabia.

2 Timoti 4:3

Kan piu kum balbia ba ra upla nani ba smalkanka yamni ba kau lika walan daukbia apia, sakuna ai brinka karna nani nina blîkbia, bara smasmalkra ailal pliki bribia, witin nani dîa walaia want ba baman baha nani mita smalkbia dukiara.

2 Pita 3:17

Baha mita, muihki laitwankira nani, man nani naha diara nani na tânka kaina piua wina pat kaikisma, bamna aman kaiks, upla saurakira nani mita yarka kunin mai muni pain buisma ba wina mai batakbiara.

1 Jan 4:1

Muihki laitwankira nani, Spirit brisa wisi aisi nani ba sut ra kasak lukpara, sakuna tânka nani ba pliki kaiks, Spirit brih aisi ba sut Gâd wina sa sapa. Kan tasba na prapit kuninkira nani ni aibanhwan sa, bamna wisa dîa witin nani aisi ba lika Gâd wina baman sa.

Judas 1:4

Bamna upla tila nani, kunin lâka ni tilara diman sa. Baha nani ulbanka ra pat maisa pakan sa, pât ban kaia ba ai dukia bribia. Baha nani lika upla saura nani sa, witin nani lika Gâd umpira kaikanka lâka ba brih, kunin lâka ra laki wan Dawanka kumi ba, Jisas Kraist ra kulkaia apia wisa.

Param Marikanka 16:13

Bara yang kaikri dragun, daiwan dahra aisasara kuninkira nani ba bîla wina, pirit saura yumhpa pikpik baku taki kan.

Param Marikanka 17:6

Bara kaikri mairka ba, Gâd uplika nani tâlia bara Jisas witniska taki kan tâwan ikan nani ba tâlia dih, witin bla takan. Yang baha kaikri ba ra, aihka pali tâ iwri.

Param Marikanka 19:20

Bara daiwan saura ba alkan kan, bara witin ba wal prapit kuninkira ai mawanra sain aihka nani daukan kan ba sin. Baha sainka nani bâk, prapit kuninkira ba baha nani dragun markka bri nani kan ba ra kunin munan kan, bara dragun lilka ra ai pura suni mayuni kan ba ra sin. Daiwan saura bara prapit kuninkira ba wâlsut raya pali pauta lakunka sulpa wal ami kan kat lulkan.

Param Marikanka 20:10

Bara dibil ba, witin nani ra kunin munan kan ba, pauta klauhan sulpa wal klauhi kan lakunka ba ra lulkan kata; bahara sika daiwan saura ba prapit kuninkira ba wal lulkan kan ba. Bahara witin nani rausauhkan kabia kakna bara tihmia, ban kaia ra ban.