Matiu 6:6 - DAWAN BÎLA AISKA

⁶ Sakuna man puram sunma ba ra, rumkam bilara dimi, durkam praks bara puram suns, witinka bahara man wal sa. Baku, yukuwi daukisma ba kaiki, prisantkam maikbia.

Matiu 6:6 ပူးပေါင်းရင်းမြစ်များ

2 King Nani 4:33

Bara witin utla ra dimi dur ba praki, Dawan ra ai pura sunan. Witin bara tukta ba wal baman bilara kan.

Lawana Nani 34:15

Dawan ba upla kasakkira nani ba kaina sunisa, bara Dawan ai kiama pri tniki walisa ai inanka ba.

Sins Lâka 25:22

baku daukma bâra mika waihlam mawan ba swira lâka ni angkma, bara Dawan mita aibapbia.

Aiseya 26:20

Impaks, yang upliki nani, wamtla rumka ra dims, durkam nani ba ninamra praks. Wirâ yukuwi bas, piua wiria lupia baman, Dawan kupia baiwanka ba lui wabia ba kat.

Aiseya 65:24

Witin nani mita kau ai winras ba ra, yang mita pat witin nani ra pana aisamna; witin nani kau ai aisaras ba ra, yang pat witin nani ra pana walri kabia.

Matiu 14:23

Upla sut mahka blikan wan ba ra, il purara uli wan yakan ai pura sunaia. Saiwi iwan ba ra, Jisas bahara yakan kan,

Matiu 6:18

man plun piras sma ba upla mai kaikaia apia dukiara. Bamna witinka bahara man wal yakan ba mai kaikbia ba ra, witin prisantkam maikbia.

Matiu 6:4

Man yukuwi pali dauks, bamna diara yukuwi daukisma ba kaiki ba, prisantkam maikbia.

Jan 1:48

Natanael makabi walan: —¿Nahki ai kaikisma ki? Pana Jisas bila: —Pilip kau mai winras kan ba ra, yang pat mai kaikri kan, kwah damni dusa mununhtara katma ba ra.

Jan 20:17

Jisas win: —Ai alkpara, kan yang Aisa bâra ba pliska ra kau uli wih asla takras sni. Sakuna muihki nani ra wih wis, uli auna Aisiki ra bara man nani Aisikam ra, yang Gâdki ra bara man nani Gâdkam ra.

Apastil Nani Sturka 10:30

Bara Cornelio bila: —Pat yu walhwal sa, sim naha awarka baku kan, yang waitla na ra tutni 3 aklak pura sunra dauki kapri, waitna kumi kwala ingnikira dimi yang ra latan takan.

Apastil Nani Sturka 10:9

Yu wala witin nani impaki pat Jope lamara balan ba ra, yu ba 12 aklak baku kan, Pita mita utla bahna ra uli wan ai pura sunaia.

Apastil Nani Sturka 9:40

Ningkara, Pita win baha nani sut ba latara takbia, bara witin ai lula kriki ai pura sunan. Mairka pruan ba kat kaiki, naku win: —¡Tabitá, man mahka bus! Bamna mairka ba ai nakra ilingki Pita ra tawi kaikan, bara mahka bûi iwan.

Roman 8:5

Bamna wîna tara brinka kat baman iwi uplika nani ba, wîna tara brinka ba baman dukiara trabil taki lukisa; sakuna Spirit brinka kat iwi uplika nani ba, Spirit brinka dukiara trabil taki lukisa.

Epesus 3:14

Baha tâwan Aisa mawanra luli krikisna,