Matiu 6:4 - DAWAN BÎLA AISKA

⁴ Man yukuwi pali dauks, bamna diara yukuwi daukisma ba kaiki ba, prisantkam maikbia.

Matiu 6:4 ပူးပေါင်းရင်းမြစ်များ

Lawana Nani 139:12

tihmia ba man wina ai yukukaia apia kan, tihmia ba ingni pali kaia kan kakna baku. ¡Tihmia tara bara ingni ba sim man wal kumi sa!

Lawana Nani 17:3

Man bui yang lukanki nani ra dimram, tihmia ra bal aihwaki ai kaikatma; tâinka aihwa sapa plikatma, bara diara saura nani yang ra sakras katma; sturi aisaia apia nani ba, yang aisaras.

Lawana Nani 44:21

Man pat baha ba damra walaia katma, kan man sika diara yukuwan ra bâra ba, sut pali kaikisma.

Sins Lâka 25:22

baku daukma bâra mika waihlam mawan ba swira lâka ni angkma, bara Dawan mita aibapbia.

Jirimaya 17:10

Yang, Dawan, upla kupia tânka pliki kaikisna, bara lukanka nani ba tihuka ra kaikisna; witin nani dîa briaia aitani ba kat kumi bani ra mana yabisna.”

Jirimaya 23:24

¿Ya sip sa yang kaikisna ba wina yukuwaia? Kasbrika purara tasba ani anira ra sin yang bâra sna. Yang, Dawan, kasak aisisna.

Matiu 10:42

Bara ya ya baha sirpika nani kum ra, nini bliki ba dukiara lî kauhla kâp kum pan yabia kaka, ai prisantka briaia kabia.”

Matiu 6:18

man plun piras sma ba upla mai kaikaia apia dukiara. Bamna witinka bahara man wal yakan ba mai kaikbia ba ra, witin prisantkam maikbia.

Matiu 6:3

Sakuna man upla umpira nani ra hilp kum yabisma kaka, yukuwan ra dauks, bara uplikam wal kau pain sma ba sin yarka upla kaikbiara.

Matiu 6:6

Sakuna man puram sunma ba ra, rumkam bilara dimi, durkam praks bara puram suns, witinka bahara man wal sa. Baku, yukuwi daukisma ba kaiki, prisantkam maikbia.

Luk 14:14

baku bamna yamni pali kama, kan witin nani sip mamna maikbia apia; bamna upla kasakkira nani pruan wina bubia ba ra, mamna bri kama.

Luk 8:17

Bamna diara yukuwan ra ba param sakan kabia, diara dahra sin param aisan kabia.

1 Korint 4:5

Baku bamna, piu kau kan ba ra diara nani ba lâka aisi dauki kapara. Dawan bal, tihmu ra yukukan dukia nani ba ingni ra brih sâkbia ba, bîla kaiki bas. Dawan mita upla nani ai kupia ra dîa daukaia luki ba sut latan sâkbia. Bâra mika, upla bani mayunra briaia ba kat, Gâd wina bribia.

Hibru Nani 4:13

Gâd wina yukuwaia dukia kumi sin âpu sa. Diara paskan ba sut param sa bara witin ai nakra ra kwâkan sa; witinka ra sika yawan wan dahra nani saki aisaia ba.

Judas 1:24

Gâd kumi baman bara swaki wan Sasakra ba, karnika brisa main mai kaikaia kauhmara sîa, witin ai mawan pranakira ra maikka buma tâski âpu liliakira. Gâd ra mayunan kabia, tara kulkan lâka karnika bri ba lâka, bara lâ wihtka kaia aitani kulkan lâka ba sin, wan Dawan Jisas Kraist bâk patitara piua ba wina, nanara bara ban kaia ra. Baku kabia.

Param Marikanka 2:23

pât tara witin nani wahwaia blikamna. Baku serts nani sut ba ai dara walbia, yang lika upla lukanka bara kupia munhta ba sut kaikisna; bara man nani kumi bani ra dîa daukram ba kat maikamna.

1 Samuil 2:30

Baku bamna, Dawan, Israel Gâdka ba, man bara tamya nani sin ban kaia ra ai dukia dauki kabia win ba, nanara wisa: ‘Yang aisari ba baku ban kabia apia, sakuna ya pain ai kulki ba baha uplika ra yang mita sin pain kulkamni, bara bahki ai kulki nani ba swira daukan kaia lâka ra mangkamni. Yang, Dawan, baha kasak aisisni.