Matiu 6:33 - DAWAN BÎLA AISKA

³³ Bahamna man nani, lukankam aiska ba Gâd King aimaki ba lâka ra dîa daukaia mai aisi ba ra luks, bara baha diara nani ba sin sut brima.

Matiu 6:33 ပူးပေါင်းရင်းမြစ်များ

1 King Nani 17:13

Ilayas pana win: —Si bripara, was bara aisaram baku dauks, sakuna tâura yang duki turtiya luhpia kum dauki sal aik; ba ningkara man bara luhpiam dukia dauks.

Lawana Nani 112:3

Ai watla ra diara manis yuyaka sin bribia, ai kasakka lâka ba sin ban kaia ra bâra kabia.

Lawana Nani 37:25

Yang wahma kapri, nanara sin almuk takri, sakuna yang kau kaikras upla kasakkira nani ba; Dawan mita lulki swin ba ra, ai luhpia nani ba upla ra diara makabi tauki kan.

Lawana Nani 37:3

Dawan kat luki tniwi, yamni ba sin dauki bas; tasba ra iwi ai lâka ba wal sin kasak bas.

Sins Lâka 10:3

Dawan ba upla kasakkira ra sanglang wahwaia yaras, sakuna watawikira nani ra alki takaskisa, brinka nani ba daskaia.

Sins Lâka 28:10

Ya upla wapnikira nani ra yabal saura brih auya, witin mita unta pakni salhkan ba ra kauhbia, sakuna aihwa man dauki uplika nani ba ai dukia diara yamni tara bribia.

Sins Lâka 8:18

Yang yabisna diara kukan manis briaia bara mayunra ba sin, mayunra tara bara pâwanka sin.

Smasmalkra 10:2

Sinskira lukanka ba pain lâka ra tniwisa, sakuna sinskas nani lukra ba saura ra man tniwisa.

Aiseya 26:9

Sulki tihmia ra mai brin daukisa, spiritki yang wîni ra ba mai plikisa, man lâmka tasba ra daukisma bara tasba ra iwi uplika nani ba, kasakka lâka daukaia lan takisa.

Aiseya 33:6

witin mita kaina kaiki ban kabia. Sins lâka ba bara diara tânka kaikaia tânka ba sin diara kukanka bara swaki wan sakisa; Dawan sibrinka lâka ba wan dukia kukanka kum sa.

Aiseya 45:24

Bara witin nani aisabia: ‘Pura luanka ba Dawan ra baman bâra sa, karnika ba sin.’ Misbara sut ai kaiki nani ba sut witin nani swira takan kabia.

Jirimaya 23:6

Witin king aimaki kabia ba piua ra Juda ba pri sakan kabia, Israel sin pri sakan iwi kabia. Bara nina ba witin nani naku mâki kabia: ‘Dawan ba mita sika yawan ra pura lui wanki ba.’ ”

Matiu 19:28

Jisas witin nani ra win: —Man nani ra kasak pali mai wisna, Upla Luhpia Waitna ba ai king iwaika pranakira ra iwbia ba ra, diara nani sut raya daukan kabia piua ra, Upla Luhpia Waitna ai iwaika pranakira ra iwbia bara man nani nini blikram ba sin king iwaika 12 nani ra iwma, Israel kiamka 12 ba lâka daukaia dukiara.

Matiu 19:29

Bara ya ya ai watla nani, ai muihni nani, ai lakra nani, ai aisa, ai yapti, ai maya mairin, ai luhpia nani, ai tasbaya nani sut yang tâiwan swin nani ba, 100 prais kau bribia bara raya ban kaia ba sin witin nani dukia kabia.

Matiu 3:2

ai smalkanka ra aisi kan: “¡Man nani kupiam laks, kan Gâd king aimaki lâka ba pat baila sa bamna!”

Matiu 4:17

Baha piua wina Jisas mahka aisi smalkan, naku aisi: “Man nani saurkam nani wina kupiam laks, Gâd Kingka aimaki ba lâka pat baila sa bamna.”

Matiu 5:6

“Lilia pali sa baha nani plun dauki bara diran dauki baku ba kasakka lâka dukiara, kan witin nani ba âuyapah lâka bribia.

Luk 1:6

Witin nani wâlsut Gâd mawanra upla kasakkira kan, Dawan lâka nani bara ai adarka nani sut ba bîla wali dauki kan; baha mita upla kumi sin witin nani ra diara aihka kumi sin sip sakras kan.

Luk 12:31

Kau yamni sa, man nani bui Gâd king aimaki lâka ba plikma, bamna naha diara nani sut na brima.

Jan 5:4

Kan insal kumi ai piua kat baha lî madakura ra bal iwi munan aiawi kan, bara ani uplika pas lî aiawanka ba ningkara dimuya kaka, dîa dîa sât sikniska bri kan ba sut wina rawi kan.]

Jan 6:27

Wark taki banhpara, baha pata isti aisawi ba dukiara; sakuna wark taki banhs, ban kaia ra pata ba dukiara, rayaka ban kaia lâka yabi ba dukiara sin. Naha pata ba sika Upla Luhpia Waitna bui maikbia, kan Gâd Aisa mita witin ra bâk sakan sa.

Apastil Nani Sturka 20:25

“Bamna yang naiwa kasak pali mai wisna, man nani tilamra Gâd King aimaki ba lâka smalki tauki kapri ba, kli maiwan kaikma apia.

Apastil Nani Sturka 28:31

Pri pali Pal Gâd kingka lâka ba smalki kan, Dawan Jisas Kraist sturka sin. Bara upla kumi sin witin ra trabil munras kata.

Roman 1:17

Naha smalkanka na wan marikisa, nahki natka ra mita Gâd wan pâtka ba wina pri wan sakisa, baha lika kasak lukan lâka bara kasak lukan lâka baman pali sa. Ulbanka ra aisi ba baku: “Kasakkira ba kasak luki ba mita raya kabia.”

Roman 10:3

Sakuna Gâd upla ra pâtka wina pri saki ba witin nani baha kaikras, baha mita witin nani ai natka bâk swak takaia plikisa, Gâd daukan ba ra bawras kira.

Roman 14:17

Bamna Gâd King aimaki ba lâka lika piaia, diaia wal tânka apia sa, sakuna baha lika wan rayaka wapni briaia lâka sa, bara kupia kumi lâka bara lilia lâka Spirit Holikira bâk yawan bri ba tânka sika.

Roman 8:31

¿Dîa kau yang nani wiaia sna ki? Gâd ba yawan wal sa kaka, ¿ya wan mapara buaia sip kabia ki?

1 Korint 1:30

Sakuna Gâd pali mita man nani ba Kraist Jisas wal asla mai prakan sa, bara baku sin daukan Kraist ba wan sinska lâka kabia, yawan na pâtkas wan kulkan kabia, sunu kaia bara swak takan lâka sin bri kaia.

1 Korint 3:22

Pal ba, Apolos ba, Pita ba, naha tasba na, raya kaia ba, prura ba, nanara piua na, naika piua ba sin; sut na man nani dukiam atia sa,

2 Korint 5:21

Kraist lika saurka kumi sin daukras pali kan, kuna yawan tâwan Gâd mita, witin ba saura dadaukra kum baku kulkan; baku mika yawan Kraist wal asla taki, wan rayaka ba Gâd want ba kat wapni bri kabia dukiara.

Pilipai 3:9

bara witin wal asla pali kamna ba dukiara; baha ba Moses lâka kat yang rayaki wapni brisna ba dukiara lika apia, sakuna Kraist ra kasak lukisna ba tâwan, Gâd pri ai saki ai brin ba mita lika; kan Gâd lika kasak luki uplika nani ba pain brisa.

2 Tesalonaika 1:5

Naha na marikisa, Gâd ba lâ kasak kat dauki ba tânka, kan man nani ba aitani mai kulki mai brisa, Gâd King aimaki ba lâka ra dimaia, bara baha tâwan sika pât wahwi banhwisma ba.

1 Timoti 4:8

Wan wîna tara wark taki ba pain sa, sakuna Gâd ra luki kaia ba lika diara sut mapa ra kau pain sa; kan baha diara wankaia pramis wan munisa, tasba ra raya iwi kaia ba, bara naika rayaka briaia ba sin.

2 Pita 1:1

Yang Saiman, Pita, Jisas Kraist dukia dadaukrika bara apastilka sna. Naha wauhkataya man nani ra mai ulbisna, man nani kasak lukan lâka manakira ba alki bri banhram sa, yang nani brisna baku, kan wan Gâdka bara wan Sasakra Jisas Kraist ba, kasakkira sa bamna.

2 Pita 1:11

Baku lika, wan Dawan Sasakra, Jisas Kraist ban kaia ra king aimaki ba pliska ra dimaia nani sut ba, man nani ra param sakan kabia.