Matiu 6:10 - DAWAN BÎLA AISKA

¹⁰ Man king aimakaia ba yarka balbia. Man kupiam lâka tasba ra daukan kabia, kasbrika purara dauki ba baku.

Matiu 6:10 ပူးပေါင်းရင်းမြစ်များ

Nihimaya 9:6

Bara Esdras aisin: “Man lika Dawan sma, bara kau wala âpu. Man kasbrika pura ba daukram, bara kasbrika nani kau purkara ba sin, slilma nani ba, tasba ba, baha bilara dîa dîa bâra ba sin man daukram, bara kabu nani ba, kabu bilara dîa dîa bri ba sin man daukram. Baha mita sika, slilma nani ba kasbrika pura wina mamyuni ba.

Lawana Nani 2:6

“Saion, yang ilki bâk sakri ba ra, yang kingki ba pat mangkri sa.”

Lawana Nani 40:8

Yang Dawanki, man kupiam lâka daukaia ba yang liliaki sa, ¡lâmka bîla smalkanka nani ba, yang lukanki ra mangki brih taukisni!

Aiseya 2:2

Mani nani kau lui wabia ba ningkara, Dawan ra pura sunaia watla ilka ba lika, tara pali kabia. Il wala nani sut wal kau purara kabia, bara upla sâtka nani sut bahara aidrubi banhwi kabia;

Jirimaya 23:5

Dawan kasak aisisa: “Piua kum balbia bara baha yua yang daukamna witin pali ai kiamka bribia, king kum sins bri lâka ni kasakka lâka ba dauki, wapni lâka ba dauki king aimakbia naha kuntrika ra.

Daniel 2:44

Baha kingka nani dauki yua nani ra kasbrika purara Gâdka ba king lâka kum bukbia bara ban kaia ra sauhki tikan kabia apia, nisan wala kumi mita sin pura lubia apia, ban sakuna, king lâka wala nani sut ra pura lubia, bâra ban kabia ban kaia ra.

Daniel 4:35

Witin ai mawanra upla nani sut tasba purara iwi ba lika bahki pali sa. Witin diara daukisa, ai kupia lâka ba kat, kasbrika purara ba wina naha tasba aiska ra sin. Upla âpu sa ai karnika ba mapara buaia, sip makabi walras sa dîa muni baku daukisa.’

Daniel 7:13

“Tihmia ra yang naha diara aihka na ban kaiki kapri, bara tisku kan: “Kaikri, kasbrika nani tilara upla kum aula kan, upla luhpia waitna talia kan. Witin lika Almuk bâra kan ba kat wan, bara yan witin ai lamara wan.

Daniel 7:27

King lâka, karnika bara prana lâka naha tasba aiska kingka lâka ba sut Gâd Laih Purara iwi ba uplika nani ra yan kabia, ai king lâka ba ban kaia ra ban kabia sa, naha tasba uplika nani sut bui ai dukia dauki kabia, bîla sin wali kabia.’

Sakaraya 9:9

¡Liliam pali bas, Saion tawanka! ¡Âmyapah kira aiwans, Jerusalem tawanka! Kingkam man nani ra aula; kasakkira, pura lalura, sakuna bawikira, biriku kum ra uli aula, biriku kum, biriku luhpia ra uli aula.

Matiu 12:50

Kan ya ya Aisiki kasbrika purara ba kupia lâka daukisa kaka, baha lika muihki, laikra bara yaptiki sa.

Matiu 16:28

Kasak pali man nani ra mai wisna, nahara upla kum kum na lika prubia apia, Upla Luhpia Waitna ai prana wal balbia ba witin nani kaiki banhbia kat.

Matiu 26:42

Kli aima wala wan, bara naku ai pura sunan: “Aisiki, naha pâtka wahwaia sna na wina sip swaki ai sakras sma kaka, man kupiam lâka kat takbia.”

Matiu 3:2

ai smalkanka ra aisi kan: “¡Man nani kupiam laks, kan Gâd king aimaki lâka ba pat baila sa bamna!”

Matiu 4:17

Baha piua wina Jisas mahka aisi smalkan, naku aisi: “Man nani saurkam nani wina kupiam laks, Gâd Kingka aimaki ba lâka pat baila sa bamna.”

Matiu 7:21

“Baha nani yang ra ‘Dawan, Dawan’, ai wi nani ba baman lika kasbrika purara kingka tasbaya ra dimbia apia, sakuna ya ya Aisiki kasbrika purara ba kupia lâka dauki ba, baha nani lika.

Mark 11:10

¡Yamni pali sa king aimaki lâka aula ba, wan aisika Debit king aimaki lâka ba! ¡Mayunra Gâd laih purara ba!

Mark 3:35

Ya ya Gâd brinka ba kat dauki ba, baha sika yang muihki, laikra bara yaptiki.

Luk 19:11

Jisas naha diara nani aisi kan ba ra upla nani ba kau wali kan, witin naha maprika lilka na aisin pat Jerusalem ba baila kan bamna, witin nani ba luki kan baha sim piua ra Gâd king aimaki lâka ba balbia.

Luk 19:38

Naku aisi banhwi kan: —¡Yamni kabia Dawan nina ra aula kingka ba! ¡Kasbrika purara kupia kumi lâka bara prana ba laih purara sa!

Luk 22:42

Witin bila: “Aisa, man wilin sma kaka, pât wahwaia sna ba wina swaki ai sâks, sakuna yang kupi lâka kat lika kabiara, kuna man kupiam lâka kat mika.” [

Jan 4:34

Sakuna Jisas mita win: —Yang pati sika witinka ai blikan ba kupia lâka daukaia, bara ai warkka sin sut pali daukaia.

Jan 6:40

Naha sika witinka ai blikan kupia lâka ba: Upla sut mita Gâd Luhpia ra kaiki kasak lukbia, bara baku mika raya ban kaia ba bribia; bara tnata piua ra, yang mita pruan wina kli bukamna.

Jan 7:17

Upla kum Gâd want ba dukia daukaia lukisa kaka, witin kaikbia smalkanki nani ba, Gâd wina apia kaka, yang yakan kupi wina saki smalkisna sapa.

Apastil Nani Sturka 13:22

Ningkara Gâd, Saúl ba saki si, witin ai watlika ra Debit ba king mangkan. Gâd mita Debit tâwan naku aisin: ‘Jesé luhpia waitna Debit sakri ba yang pain kaikisna, bara sin ridi sa yang dîa want sna ba sut daukbia.’

Apastil Nani Sturka 21:14

Witin sip wan bîla walras kan bamna, yang nani ban swi si, naku wisatna: —Dawan ai kupia lâka ba kat man wal daukbia.

Apastil Nani Sturka 22:14

Bara witin ai win: ‘Wan damika nani Gâdka ba mita kan piua wina man ba bâk saki mai brin ai kupia lâka tânka kaikaia, bara sin kaikma baha kasakkira ba, ai bîla pali wina sin diara walaia.

Roman 12:2

Bamna kli naha tasba lâka tânka ba kat iwi kapara; sakuna lukankam pali ba lakma, bara baku mika rayakam aiska ba tâwan kabia. Baha mita sip kama Gâd kupia lâka pali ba tânka briaia, baha tânka ba lika dîa pain ba, Gâd yamni kaiki ba, bara witin wapni kaiki ba lukma.

Epesus 6:6

Bamna dawankam nani dukia pain dauki bas, witin nani wal pain kaia wisi mai kaiki ba ra baman lika apia, sakuna Kraist napakanka nani baku, bara kupiam aiska kira dauki bas Gâd kupia lâka ba kat.

Kolosi 1:13

Gâd mita tihmia karnika wina dakbi wan saki, ai Luhpia latwankira king aimaki ba pliska ra wan mangkan,

Kolosi 1:9

Baha mita yang nani baha walri yua ba wina, man nani mamta takaskras puri suni banhwisna, bara Gâd ra yang nani makabisna, man nani ra ai kupia lâka yamnika ba mamrikbia, bara sins lâka sât sât nani sin maikbia, bara diara tânka kaikaia spiritka ba sin.

1 Tesalonaika 4:3

Man nani wina Gâd diara want ba naha sika: witin ai dukia nani kama, bara ya marit takras kaka, ai maya briaia apia sa.

1 Tesalonaika 5:18

Diara sut dukiara Gâd ra tingki wi bas, kan naha sika Gâd mita man nani wina want ba, Kraist Jisas ra kasak lukisma bamna.

Hibru Nani 1:14

Ban kaka, ¿insal nani ba dîa sa? Witin nani sut ba lika spirit sa, bara Gâd warkka daukisa, bara witin mita baha nani ba ani uplika nani swaki sakan lâka briaia ba ra, hilp munaia blikisa.

Hibru Nani 10:36

Man nani ba wihka bîla kaikaia lâka want sma, bara baku mika sip kama Gâd kupia lâka ba kat dauki, witin mita dîa pramis daukan ba briaia.

Hibru Nani 10:7

Bara yang bili: ‘Gâd, yang nâra sni, man kupiam lâka ba kat daukaia, yang dukira lâ wauhkataya ra ulban ba baku.’ ”

Hibru Nani 13:21

Kupia kumi lâka Gâdka ba mita kasakkira nani bara diara sut mapara yamni nani mai daukbia, ai kupia lâka kaia dukiara; bara Jisas Kraist bâk, yawan sut ra dîa daukaia luki ba witin daukbia. ¡Kraist ra mayunra yan kabia, ban kaia ban kaia ra! Baku kabia.

1 Pita 2:15

Kan Gâd lika want sa, man nani diara yamni ba daukma, diara lan âpu nani bara sins âpu nani bîla prakaia dukiara.

1 Pita 4:2

kau naha tasba ra kabia piua ra, upla wîna brinka nani kat kli daukaia apia, kuna Gâd kupia lâka kat lika iwi kaia.

Param Marikanka 11:15

Insal matlalkahbi pura kumika ba ai trumpitka puhban, bara kasbrika pura ba wina bîla baikra tara nani wali banhwan. Baha nani naku aisi kan: “Naha tasba kingka lâka ba nanara wan Dawan dukia sa, ai Kraistka dukia sin, bara witin ban kaia ra king aimaki kabia.”

Param Marikanka 12:10

Bara kasbrika purara bîla baikra tara kum walri, naku aisin: “Swaki sakan lâka ba pat balan. Yawan wan Gâd karnika ba kingka lâka ba, nanara Kraist karnika ba marikan sa. Kan wan muihni nani dahra kwakwahkra ba saki lulkan sa, witinka kakna bara tihmia wan Gâdka mawanra baha nani dahra kwahki kata ba.

Param Marikanka 19:6

Upla ailal bîla baikra baku sin walri, lî aubra binka baku, alwani nani karna binka baku sin. Baha nani naku aisi kan: “¡Dawan nina mayunan kabia! Kan Dawan ba wihta aimakaia lâka ba bukan sa, wan Gâdka karnika sut bri ba.

Param Marikanka 20:4

Bara yang lika king iwaika nani kaikri, baha nani purara iwi nani kan ba sin; witin nani ba lâ daukaia karnika brin kan. Bara yang kaikri baha nani Jisas witniska taki kan bara Gâd sturka yamni ba tâwan, lal dakban sulka nani ba sin. Witin nani lika daiwan saura nani lilka ra sin ai pura suni mayunras kan, baha markka sin ai lal purara bara ai mihta ra yan mangkras kata. Yang kaikri naha nani kli raya takan, bara Kraist wal mani 1,000 king aimakan.