Matiu 5:48 - DAWAN BÎLA AISKA

⁴⁸ Man nani upla kasakkira banhwi bas, kasbrika purara ba kasakkira sa baku.

Matiu 5:48 ပူးပေါင်းရင်းမြစ်များ

Blasi Sturka 17:1

Ebram 99 mani bri kan, Dawan ba witin ra bal taki, sturi aisin: —Yang sika Dawan, karnika sut brisna ba; rayakam ba yang maiwanra sunu iwi bas.

2 Samuil 22:31

“Gâd yabalka ba wapni pali sa; Dawan pramiska nani ba kat wan kupia mangki briaia ba aitani pali sa; ¡Gâd ba witin ra luki uplika nani sut ba kan kahbisa!

Lawana Nani 37:37

Upla ai tânka aihwa bara tânka yamni man bri ba, man laki kaiks; baha uplika sika kupia kumi lâka bribia.

Libait Lâka 11:44

kan yang sika man nani Dawan Gâdkam sna. Man nani klin pali takaia sma holi pali sin, kan yang holi sna ba baku. Daiwan ai lamara raswi tauki nani ba aikuki tâski takpara.

Libait Lâka 19:2

“Israel luhpia nani ra naku wis: “Man nani holi kama, kan yang, Dawan Gâdkam, holi sna baku.

Libait Lâka 20:26

Man nani holi kama, kan yang, Dawan, holi sna bamna, baku kama tawan upla sâtka wala nani tila wina aihka mai sakri.

Matiu 5:16

Baku sin, man nani yarka ingnikam upla sut mawanra ingbia, bara diara yamni dauki banhwisma ba kaiki, witin nani mita kasbrika purara bâra ba mayunbia.

Matiu 5:45

Baku mika kasbrika purara ba luhpia nani kama. Kan witin bui yu lapta ba yan ingwisa, saura nani bara pain nani purara; lî sin yan auhisa, kasakkira nani ra bara watawikira nani dukiara sin.

Matiu 5:47

Bara muihkam nani ra baman lakula wisma kaka, ¿dîa pain daukisma? Kan Gâd ra kakaira apia nani ba sin baku daukisa.

Luk 6:36

Man nani kupiam swapnikira bas, man nani Aisikam kupia swapni ba baku.

Luk 6:40

Disaipil kumi sin ai smasmalkra ba wal kau purara apia sa. Sakuna witin diara sut lan takbia ba ra lika, ai smasmalkra wal baku kabia.

2 Korint 13:11

Bamna nanara, muihki nani, rayakam aihwa takaia lâka pliks, maisa nihkan lâka bri bas, aikuki asla pain bara kupiam kumi bas. Bara kupia kumi lâka bara latwan lâka Gâdka ba man nani wal kabia.

2 Korint 13:9

Baha mita, yang nani ani piua swapni takisna bara man nani karna sma ba ra, uya lilia banhwisna; man nani karna takma dukiara yang nani ban puri suni kamna.

2 Korint 7:1

Baku bamna, muihki laitwankira nani, naha sika pramiska nani yang nani brisna ba. Bamna wan wîna bara wan spiritka sut ba tâski âpu klin bri kap; bara Gâd sibrinka ra, yawan na aiska holikira takaia sa.

Epesus 3:1

Naha tâwan, yang Pal, Kraist Jisas tâwan silak ra sna, man nani Ju apia nani mampa ra pain kaia ba dukiara.

Kli Smalkanka 18:13

Man nani Gâdkam wal asla wapni kaia sma.

Kli Smalkanka 27:10

Nanara Dawan Gâdkam bîla baikra wali, ai lâka adarka nani naiwa yang maikri ba kat dauks.”

Kolosi 1:28

Yang nani Kraist dukiara smalkisna, upla nani sut ra kupia krauki smalki banhwisna sins tânka manis ra baku dauki Kraist ra kasak wapni brih waia dukiara.

Kolosi 4:12

Epafras, Jisas Kraist napakanka kum man nani tilam wina ba, ai lakula blikisa. Witin ai pura sunra bâk upla sut dukiara uya makabisa, man nani ba pain bapi bûi kama, bara Gâd kupia lâka daukaia wilin pali nani kama.

Jems 1:4

Trai kaiks baha bapi buram ba kat kauhras ban kaia, baku mika man nani upla aiska bara aitani kat kama, diara sut sin bri kama.

1 Jan 3:3

Bara upla bani naha bîla kaikanka Kraist ra bri ba, witin ai wîna ba holikira sakisa, sim Kraist holikira ba baku.