Matiu 5:30 - DAWAN BÎLA AISKA

³⁰ Mihtam aihkika ba saura ra mai batakisa kaka, klaki laihura lulks; kan kau aitani sa wînam tara tâka kumi baman tiwbia, kuna wînam tara aiska hil pauta ra mai lulkan kaia lika apia.

Matiu 5:30 ပူးပေါင်းရင်းမြစ်များ

Matiu 11:6

¡Yamni pali sa ya yang dukira aihka lukras ba!”

Matiu 13:21

sakuna plamaika aitani tihu apia bamna, aihwa sip ban takaskras; bara sturi yamni ba tâwan trabil nani bara rausauhkan nani brisa piua ra, witin nani ba batakan sa.

Matiu 16:23

Sakuna Jisas kir tawi, Pita ra win: —¡Sitan, yang wina taki was, kan yang maipara mini batakaika pali sma! Man ba upla nani baku lukisma, Gâd luki baku lika apia.

Matiu 17:27

Sakuna yawan upla kumi ra sin kupia sauhkaia want apia, baku bamna, man lakun ra was, kiulh ba lulki, bara pas inska pibia ba bris. Baha inskika bîla ra lalah mâ kum sâkma, bara baha ba aitani kabia tempel lal mana yang aibapaia sna ba bara man mamna sin; bri si baha nani ra aibaps.

Matiu 18:8

“Baha mita mihtam, apia kaka minam kra mita maikan saura lâka ra kauhisma kaka, klaki dakbi bara laihura lulks; kan kau pain sa raya kaia ra mihtam âpu, apia kaka minam âpu wih dimma, sakuna ban kaia pata klauhan ra mihtam wâl bara minam wâl brih mai lulkka lika apia.

Matiu 22:13

Bamna king ba tibil mangki kan nani ra win: ‘Mina nani bara mihta nani ba priski, lata tihmu tara ra lulks; bahara sika witin inbia, bara ai napa nani sin arkbia.’

Matiu 25:20

Lalah 5,000 brin ba pas balan, bara 5,000 wala win takan ba ai dawanka ra yabi, win: ‘Dawan, man mita 5,000 aikram. Kaiks, nâra sa 5,000 wala sakri ba.’

Matiu 26:31

Bara Jisas witin nani ra win: —Man nani sut naha tihmia yang dukira aihka lukma; kan ulbanka ra wisa: ‘Sepad ba ikamna, bara sîpka nani ba aihka aihka yakaban kabia.’

Matiu 5:22

Sakuna yang bui man nani ra mai wisna: Ya ya ai muihni mapara ai kupia baikbia kaka, lâ pâtka dimbia. Ya ai muihni ra bîla saura wibia ba, lâ wihta nani mita ai lâka daukbia; bara ya ai muihni ra kunin lâka daukbia ba, hil pauta pâtka briaia pat baila sa.

Matiu 5:29

“Bamna, namkra aihkika ba bui saura ra mai batakisa kaka, daiki muni laihura lulks; kan kau aitani sa wînam tara tâka kum ban tiwbia, bara wînam aiska hil pauta ra mai lulkan kaia lika apia.

Mark 9:43

Bara mihtam ba mita saura ra mai batakisa kaka, kau yamni sa klaki dakma; kan kau aitani sa raya kaia ra mihtam kumi baman brih dimaia, bara mihtam wâl brih hil pauta ra waia apia. Bahara sika pauta ami ban kabia.

Luk 12:5

Sakuna yang mai wimna yaura lika sibrin briaia ba: Wînam tara ikan ba ningkara sulkam ba sin hil pauta ra lulkaia karnika bri ba ra lika, sibrin luks. Âu, witin ra sibrin luki bas.

Luk 17:2

Kau pain kabia, baha uplika nana ra walpa tara kum wilki kabu ra lulkan kabia, naha sirpika lupia nani kum ra yarka saura daukaia ba wal.

Roman 9:33

Ulbanka ba ra dîa aisi ba: “Yang bui walpa tara kum Saion ra mangkuna, walpa kum bahara witin nani ai mina prukaia; ya bahara kasak lukbia ba, ai lukanka ba kunin munbia apia.”

1 Korint 8:13

Baha mita, yang plun pisna ba mita muihki ra saura daukisa kaka, yang kli pali wîna pimna apia, muihki ba saura lâka ra batakaia apia dukiara.

Galesha 5:11

Bamna yang pali na, muihki nani, Aisa sainka daukaia dukiara smalki tauki katna kaka, Ju nani nini bliki rau ai sauhkaia apia kan; bara baha ba baku kata kaka, yang Kraist dusa prihni tâwan aisisna ba, witin nani kupia sauhkaia apia kan.

1 Pita 2:8

Bara naha wala na sin: “Walpa tara kum, walpa kum ra sika ai mina prukbia.” Kan witin nani ai mina prukisa, sturi yamni bîla wali daukras ba mita, Gâd kupia lâka kat witin nani ra baku takaia kan.