Matiu 5:28 - DAWAN BÎLA AISKA

²⁸ Sakuna nanara yang mai wisna: Ya ya mairin kum kaiki, brin pali daukbia kaka, pat witin wal ai kupia ra marit lâka sauhkan sa.

Matiu 5:28 ပူးပေါင်းရင်းမြစ်များ

Blasi Sturka 34:2

Siquem, Hamor luhpia waitna ba, baha tasbaya wihtka aimaki kan, witin heveo ba, bara Dina bahara tauki kan ba kaikan, bara alki taibi munan lâka ra, witin wal yapan bara swira daukan.

2 Samuil 11:2

Tutni kum, Debit ai krikrika ra yapi si buan ba ra, king watla bahna purara wapi taukaia pliska ba ra wapi tauki kan, baha wina mairin painkira kum kaikan, ai katka siknis wina klin taki si bal aihtabi kan. Debit upla saki blikan, wih mairka ba tânka pliki kaikaia. Tânka pliki kaikan ba ra witin ra win baha sika Betsabé, Eliam luhpia mairin, Urías hitita ba maya. Debit bîla twatwilkra nani saki blikan mairka ba bri balaia, bara witin wal krikri ra aitnikan, baha ningkara kli ai watla ra wan.

Job 31:1

Yang kupi wal lâ daukri, tiara nani ba kaiki brin ai daukras kaia, mairin tiara yakan nani ba ra brinka gridi lâka ra briaia.

Job 31:9

Mairin kum ra lihkisna kaka, apia kaka waitla lamara iwi ba mairka ra biki kaikri kaka,

Lawana Nani 119:96

Yang kaikri diara nani sut ba âpu takan piua brisa, sakuna man lâmka bîla nani ba lika, sip âpu takras ban bâra sa.

Impakan Sturka 20:17

“Man uplikam watla tumpara, maya mairin, ai albika waitna bara mairin, ai bîpka wainhka, ai birikuka, diara wala sut witin ai dukia ba sin tumpara.”

Sins Lâka 6:25

Witin wîna tara painka ba kaiki kupiam ra brin mai daukbiara; ¡ai nakra mai kaiki ba wal, yabrika kupiam alkbiara!

Isikiel 23:16

Naha Babilon wina nani kaikan ba ra, ai lilia takan witin nani dukiara; bara bîla twatwilkra Babilon ra blikan;

Libait Lâka 18:20

“Uplikam maya ba yappara, baha tawan tâski mai kulkbiara.

Matiu 15:19

Kan wan kupia wina aula ba lika naha nani: lukanka saura nani, upla ikaia lâka, marit lâka sauhkaia, tâski lâka nani, implikan lâka nani, kunin lâka nani, upla nina ra kunin aisaia lâka nani sin.

Matiu 5:22

Sakuna yang bui man nani ra mai wisna: Ya ya ai muihni mapara ai kupia baikbia kaka, lâ pâtka dimbia. Ya ai muihni ra bîla saura wibia ba, lâ wihta nani mita ai lâka daukbia; bara ya ai muihni ra kunin lâka daukbia ba, hil pauta pâtka briaia pat baila sa.

Matiu 5:39

Sakuna yang mai wisna: Upla saura mapara bupara; sakuna, ya mita mamwan tani kum ra prukbia kaka, tani wala ba sin laki yas.

Roman 7:14

Bamna yawan kaikisa lâ ba lika spirit tani dukia, sakuna yang na upla wîna tara pali brisna ba mita, saurka lâka albika kaia wisi ai atkan sa.

Kli Smalkanka 22:22

“Waitna kum mairin kum ai maya bri kaka wal prawbia kaka, wâlsut pruaia pâtka ra tawbia. Baku lika man nani saurka lâka Israel ra sâkma ba âpu daukaia sip kama.

2 Pita 2:14

Mairin nani kaikbia ba sut want sa; saura dauki sin swapras. Sulka swapan takan nani ba maisa kapisa; witin nani baman sin diara manis bri kaia want sa; bamna baha nani ba upla saura pali kulkan sa.

1 Jan 2:16

kan tasba na mita wanki dukia ba kumi sin Aisa wina apia sa, tasba witin ai dukia sa. Wan wîna tara brinka saura nani ba, wan nakra diara kaiki bani brin dauki ba, naha tasba dukia nani ba wal aimayunaia lâka ba sut, naha tasba wina baman sa.