Matiu 5:18 - DAWAN BÎLA AISKA

¹⁸ Kan kasak man nani ra mai wisna, kasbrika purara bara tasba na kau ban kabia piua ra, mark lupia kumi, bîla sainka lupia kumi sin lâ ba wina sâkbia apia, dîa dîa takaia ba takbia kat.

Matiu 5:18 ပူးပေါင်းရင်းမြစ်များ

Lawana Nani 102:26

Baha nani sut ba yu kum âpu takbia, sakuna man lika bâra ban kama. Baha nani sut ba kwala aisawi lui baku lubia; ¡man bui lakma, bara lakan kabia, prâk kum daiki wala dimi ba baku!

Lawana Nani 111:8

Kan ban bapi buisa ban kaia ra, kasak lâka kat daukan sa, bara wapni lâka kat sa.

Lawana Nani 119:152

Mani ailal luan ba wina, lâmka nani ba kakaira sni, man bui baha bapram ban kaia ra.

Aiseya 40:8

Twi ba lâwisa, tangni ba srawisa, sakuna yawan wan Gâdka bîla ba ban bâra sa ban kaia ra.”

Aiseya 44:26

Sakuna yang duki dadaukra aisan ba, yabri daukisa bara bâk saki briri uplika ba lukanka nani ba pain baman takbia. Yang param sakisna, Jerusalem ba kli upla iwan kabia, bara Juda tawanka nani ra sin. Yang daukamni, kli bukan kabia slingwanka nani ba wina.

Aiseya 51:6

“Man nani namkra ba kasbrika purara kaiks, bara man nani tasba mâyara sin kaiks; kasbrika pura ba lap tiwan kabia, kiasma baku, bara tasba ba almuk takbia dimaia kwalka almuk taki ba baku, bara baku natka ra upla nani ba sin tanis tiwbia, kukas baku prui tiwbia. Sakuna yang swaki mai sakri lâka ba, bâra ban kabia lui waras, kasakki lâka bara pura luanka ba wal tiwbia apia.

Matiu 10:15

Kasak pali mai wisna: Lâ daukanka tara yua ra, Sodoma bara Gomora tawanka wal baha uplika nani kau pât tara bribia.,

Matiu 10:23

Tawan kum ra man nani ra ninam bliki rau mai sauhkbia kaka, wala ra plaps; kan kasak pali mai wisna, Upla Luhpia Waitna ba balbia kau man nani Israel tawanka aiska ra waras ba ra.

Matiu 10:42

Bara ya ya baha sirpika nani kum ra, nini bliki ba dukiara lî kauhla kâp kum pan yabia kaka, ai prisantka briaia kabia.”

Matiu 11:11

Kasak pali mai wisna, upla ailal naha tasba ra iwan ba tilara Jan ba kau tara sa; sakuna kasbrika purara Kingka lâka ra kau mâyara ba Jan purkara sa.

Matiu 13:17

Kasak pali man nani ra mai wisna, man nani naha kaikisma na prapit ailal bara upla kasakkira sin ailal kaikan daukan, sakuna kaikras kata; naha walisma nani na walan daukan, sakuna walras kata.

Matiu 16:28

Kasak pali man nani ra mai wisna, nahara upla kum kum na lika prubia apia, Upla Luhpia Waitna ai prana wal balbia ba witin nani kaiki banhbia kat.

Matiu 17:20

Jisas bila: —Baha ba man nani kasak lukan lâka uya âpu sma ba mita. Kasak pali mai wisna, mostard mâ praiska lupia baku pan kasak lukan lâka ba bri banhma kaka, sip sma naha ilka ra wiaia: ‘Naha wina taki, plis wala ra was’; bara ilka ba wabia. Kasak pali man nani kasak lukisma kaka, diara sut daukaia sip sma.

Matiu 18:18

“Kasak pali man nani ra mai wisni: Dîa dîa naha tasba ra wilkma ba, kasbrika purara ba sin wilkan kabia; bara dîa dîa naha tasba ra lanhkma ba, kasbrika purara ba sin lanhkan kabia.

Matiu 18:3

win: —Kasak pali man nani ra mai wisni, man nani kupiam laki, tuktan lupia nani baku takras sma kaka, Gâd king aimaki lâka ra dimma apia.

Matiu 19:23

Bara Jisas bui ai disaipilka nani ra win: —Kasak pali man nani ra mai wisna, lalahkira kum mapa ra karna sa kasbrika purara ba kingka lâka ra dimaia.

Matiu 19:28

Jisas witin nani ra win: —Man nani ra kasak pali mai wisna, Upla Luhpia Waitna ba ai king iwaika pranakira ra iwbia ba ra, diara nani sut raya daukan kabia piua ra, Upla Luhpia Waitna ai iwaika pranakira ra iwbia bara man nani nini blikram ba sin king iwaika 12 nani ra iwma, Israel kiamka 12 ba lâka daukaia dukiara.

Matiu 21:21

Jisas witin nani ra win: —Kasak pali man nani ra mai wisna, kasak lukan lâka brih, namhpa namhpa lika lukras sma kaka, kwah damni dusa ra daukri na man nani daukma; bara naha baman apia, sakuna naha ilka ra sin wima: ‘Naha wina taki, kabu ra wih dims’, bara baku takbia.

Matiu 21:31

¿Wâl ba wina ani ba ai aisa want kan ba kat daukan? —Witin nani pana win: —Pas ba. Bara Jisas witin nani ra win: —Man nani ra kasak pali mai wisna, lal mana saki Rom ra yabi nani ba, bara rug mairin nani ba sin man nani kainamra Gâd king aimaki tasbaya ra dimbia.

Matiu 23:36

Kasak pali man nani ra mai wisna, naha pâtka sut na lika naha piua uplika nani ra balbia.

Matiu 24:2

Sakuna Jisas witin nani ra win: —¿Man nani naha sut kaikisma? Kasak pali mai wisna, walpa kum walpa wala purara sin swin kabia apia. Sut kat slingbi sauhkan kabia.

Matiu 24:47

Kasak pali man nani ra mai wisni, dawanka ba mita dîa dîa bri ba sut ai mihta ra mangkbia.

Matiu 25:12

Sakuna witin mita pana win: ‘¡Kasak pali, yang bui man nani ba mai kaikras!’

Matiu 25:40

Bara King ba wibia: ‘Kasak pali man nani ra mai wisni, dîa dîa naha muihki bawikira nani ra diara kumi dukiara daukram ba, yang pali ra sika man nani ai daukram ba.’

Matiu 25:45

Bara King ba mita pana wibia: ‘Kasak pali man nani ra mai wisna, dîa dîa naha uplika nani bawikira kumi ra daukras kapram kaka, yang dukiara sika man nani daukras.’

Matiu 5:26

Kasak pali mai wisna, man baha wina takma apia mamna ba sut aibapma kat lika.

Matiu 6:16

“Man nani plun piras sma ba ra, kuninkira nani ai mawan sari bri ba baku daukpara; kan witin nani baku daukisa plun piras ba upla nani kaikbia dukiara. Kasak pali mai wisna, baha wal pat ai prisantka brisa.

Matiu 6:2

“Baha mita, upla umpira nani ra hilp yabisma ba ra, upla sut ra wini wipara, kuninkira nani prias watla nani ra bara tawan bilara aisi nani ba baku. Witin nani lika baku daukisa upla mita witin nani ba pain sa wibia wisi; sakuna yang kasak mai wisna, baha dauki ba wal pat ai prisantka brisa.

Matiu 8:10

Jisas naha walan ba ra, tâ iwan, bara ai nina bliki nani ra win: —Kasak pali man nani ra mai wisna, Israel luhpia nani tilara naha waitnika kasak lukanka uya bri na sât kau yang sakras.

Mark 10:15

Kasak pali mai wisna, ani uplika tuktan baku Gâd king aimaki lâka ba briras kaka, witin sip bahara dimbia apia.

Mark 10:29

Jisas pana win: —Kasak mai wisni: Ya ya yang dukira bara sturi yamni ba dukiara sin ai watla, ai muihni nani, ai lakra nani, ai aisika, ai yaptika, ai luhpia nani, ai tasbaya swisa kaka,

Mark 11:23

Kasak man nani ra mai wisna: Ya ya naha ilka ra ‘Naha wina taki kabu ra dimi was’ wibia kaka, ai kupia ra namhpa namhpa lukras, bara diara aisin ba kat kasak lukbia kaka, baku takan kabia.

Mark 12:43

Bara Jisas ai disaipilka nani ra paiwi, naku win: —Kasak man nani ra mai wisni: Naha piarka mairin umpira na, wala nani lalah mangkaika watla ra lalah mangkan ba purkara kau yaban sa;

Mark 13:30

Kasak mai wisni man nani ra: Naha piua uplika nani kau pruras kaka, naha dukia nani sut takbia.

Mark 14:18

Bara tibil ra iwi pi kan ba ra, Jisas witin nani ra win: —Kasak pali mai wisna: Man nani tilam wina kum, yang wal plun pi ba mita waihli mihta ra ai mangkbia.

Mark 14:25

Kasak pali mai wisni: Yang kli naha wain dusa mâ wina dimna apia, wain raya Gâd kingka tasbaya ra dimna ba kat.

Mark 14:30

Sakuna Jisas Pita ra win: —Naha diara na âmya tikpara. Sim naha tihmika ra, kau kalila aima wâl aiwanras ba ra, man aima yumhpa yang ai kaikras wima.

Mark 14:9

Kasak pali mai wisni: Ani anira sturi yamni aisi smalkbia ba, tasba aiska ra naha mairka daukan na sin aisabia, witin dukiara ai kupia krauki kaia ba mata.

Mark 3:28

“Kasak pali man nani ra mai wisna: Upla nani saurka ba ban swih tikan kabia, ai bîla ni diara saura aisabia ba sin,

Mark 6:11

Bara ani pliska ra man nani mai briras, bîlam sin walras kaka, baha wina mahka taki was tasba yuya minam ra ba siauhbi saki, baha ba witin nani mapara witnis kum kaia ba dukiara.

Mark 8:12

Jisas ai wingka karna aubi puhbi, naku win: —¿Dîa kan naha uplika nani sain aihka kum makabisa? Kasak pali mai wisni: Sain kum sin naha uplika nani ra yan kabia apia.

Mark 9:1

Bara Jisas mita win: —Kasak pali mai wisna, naha uplika nani na wina, tila nani ba prubia apia, Gâd prana ba kaikbia ba kat ai karnika tara wal balbia ba.

Mark 9:41

Ya ya yang nini ra luki, man nani Kraist dukia sma wisi, lî kâp kum pan maikbia kaka, kasak pali witin ai prisantka bribia.

Luk 11:51

Abel tâlia ba wina Sakaraya tâlia ba kat. Sakaraya sika altar bara tempel wal lilapas kat ikan ba. Baku bamna mai wisna, Gâd baha traska dukiara sika naiwa piua uplika nani ra alkbia sa.

Luk 12:37

Lilia pali sa baha alba nani yapras raya ban ai dawanka mita bal sakuya ba; yang mai wisna, witin ba ai maisa pain wilki, yaka witin nani ba tibil ra iwbia plun piaia.

Luk 13:35

Bamna kaiki bas, wamtla ba bîla baman swin kabia; bara man nani ra mai wisni, kli ai kaikma apia, naku aisama piua ba kat: ‘¡Yamni pali sa witinka Dawan nina mâki aula ba!’

Luk 16:17

“Sakuna kau swapni sa kasbrika pura bara tasba ba lui waia, lâ wina ulban markka lupia kumi aimakras kabia ba wal.

Luk 18:17

Kasak pali mai wisna, ya Gâd king aimaki lâka ba tuktan sirpi nani baku briras kaka, bahara dimbia apia.

Luk 18:29

Pana Jisas baha nani ra win: —Kasak pali mai wisni, ani uplika kabia, ai watla, ai maya mairin, ai muihni nani, ai aisika, ai yaptika, ai luhpia nani sin baha Gâd king aimaki lâka ba tâwan swibia kaka,

Luk 23:43

Jisas pana wisata: —Kasak mai wisni, naiwa yang wal man Paradais ra kama.

Luk 4:24

Bara witin kau ban aisi, win: —Kasak pali mai wisna, prapit kumi sin âpu sa, ai tasbaya uplika nani mita yamni briaia.

Jan 1:51

Bara Jisas naha sin win: —Kasak mai wisni, man nani kasbrika pura ba kwawan kaikma, bara Gâd insalka nani bal iwi uli kabia, Upla Luhpia Waitna purara.

Jan 10:1

“Bamna yang kasak pali mai wisni, ani uplika sîp nani klarka ra dimaia durka ba swi si tnaya walak ni dimisa kaka, baha lika âimplikra bara upla ra rausauhki dukia dadakbra sa.

Jan 10:7

Bamna Jisas kli parisi nani ra win: “Kasak pali man nani ra mai wisni: Yang sika sîp nani dimaia durka ba.

Jan 12:24

Kasak pali yang mai wisni, plawar mâ kumi tasba ra mangkan ba pruras sa kaka, piua bani ban mâ kumi baman kabia; sakuna tasba ra mangkan ba prubia kaka lika, mâ ailal pali sakaia sip sa.

Jan 13:16

Kasak pali yang mai wisni, alba kumi sin kau tara apia sa ai dawanka ba wal, bara blikan uplika kumi sin kau tara apia sa witinka bui blikan ba wal.

Jan 13:38

Jisas mita pana win: —¿Man ba yang tâiwan rayakam yaia ridi sma ki? Kasak mai wisni, kalila wainhka kau aiwanras ba ra, man aima yumhpa ai kaikras wima.

Jan 14:12

Kasak pali mai wisni, yang ra kasak luki uplika ba, diara nani daukisna ba witin mita sin daukbia, kau diara tara nani sin daukbia, kan yang Aisa bâra ba pliska ra auna.

Jan 16:20

Yang kasak pali mai wisni, man nani ini kama bara sari sin banhwi kama, sakuna naha tasba uplika nani ba lika lilia kabia. Ban sakuna, man nani sari kama kra, kuna sarkam ba lilia ra ni tawbia.

Jan 16:23

“Baha piua ra man nani kli diara maikabi walma apia. Kasak pali mai wisni, Aisa ra dîa dîa yang nini mâki makama ba, sut pali maikbia.

Jan 21:18

Bamna yang kasak pali mai wisni, man kau wahma katma ba ra, kwalkam dimi anira waia want kapram ba ra taki wi katma, kuna man almuk takma ba ra, mihtam sakbi brima bara wala kum mita kwalkam mai dingki, bara anira waia want apia sma ba pliska ra mai brih wabia.

Jan 3:11

Kasak mai wisna, dîa yang nani kaikisna ba baha aisisna, bara dîa yang nani kaikri ba, witniska nani aimakisna; sakuna dîa yang nani mai wisna ba, man nani sip kasak lukras sma.

Jan 3:3

Jisas pana win: —Kasak pali mai wisna, ya kli aisubi takras sa kaka, witin sip Gâd king aimaki ba lâka kaikbia apia.

Jan 3:5

Jisas mita pana win: —Kasak pali mai wisna, ani uplika lî ni bara Spirit wina aisubi takras kaka, witin sip Gâd kingka tasbaya ra dimbia apia.

Jan 5:19

Bamna Jisas bila baha nani ra win: “Yang kasak pali man nani ra wisna, Gâd Luhpia ba witin yakan diara daukras sa, sakuna Aisa dîa daukan kaikan ba sika, witin daukisa. Diara sut Aisa mita dauki ba, Luhpia sin daukisa.

Jan 6:26

Jisas pana win: —Kasak pali mai wisna, man nani ai plikisma biamra banhkram ba mita bamna, sain aihka nani tânka briram ba mita lika apia.

Jan 6:32

Jisas pana win: —Kasak pali mai wisni: Moses apia sika baha britka kasbrika purara ba wina yan ba, sakuna yang Aisiki sika brit kasakkira kasbrika purara ba wina yabi ba.

Jan 6:47

Yang kasak pali mai wisni, ya yang ra kasak luki ba, raya ban kaia lâka ba brisa.

Jan 6:53

Jisas pana win: —Kasak, kasak pali mai wisna, man nani Upla Luhpia Waitna wîna tara na piras bara tâlia sin diras sma kaka, raya ban kaia ba briras sma.

Jan 8:34

Jisas baha nani ra win: —Kasak pali mai wisni, baha nani saura dauki ba lika saurka lâka albika sa.

Jan 8:51

Kasak pali mai wisni, ya yang aisisna ba alki bribia kaka, witin prubia apia ban kabia.

Jan 8:58

Jisas pana win: —Kasak pali mai wisni, Ebraham kau aisubi takras kan ba wina, yang pat bâra sni.

1 Pita 1:25

sakuna Dawan bîla ba lika ban kaia ban kaia ra sa.” Bara naha sika swaki sakan sturka yamni bîla man nani ra mai smalkan ba.

Param Marikanka 20:11

Bara yang lika king iwaika pihni kum kaikri, baha purara iwi kan ba sin. Ai mawan wina tasba bara kasbrika pura ba aiska lap tiwan, bara baha nani pliska kumi sin sip kaikras kan.