Matiu 4:4 - DAWAN BÎLA AISKA

⁴ Sakuna Jisas bila: —Ulbanka ra wisa: ‘Upla ba brit mita man raya kabia apia, sakuna Gâd aisi bîla ba wal sin.’

Matiu 4:4 ပူးပေါင်းရင်းမြစ်များ

Impakan Sturka 16:15

Israel luhpia nani ba baha dîa dukia sapa tânka briras kan, bamna kaikan ba ra kumi bani ai walka ra aisi makabi wali kan: “¿Bara naha na dîa dukia?” Moses bui witin nani ra win: —Naha sika plun, Dawan bui man nani ra piaia maiki ba.

Impakan Sturka 16:35

Israel luhpia nani ba upla iwras ba tasbaya ra 40 mani manâ baman pi kan, Kenan tasbaya piarkika upla iwi kan ba tasbaya lamara balan ba kat.

Impakan Sturka 16:8

Moses sin ban kau pura praki aisin: —Tutni ra Dawan bui man nani ra wîna piaia maikbia, bara titan ra sin plun wala ailal piaia maikbia, man nani bui witin ai mapara rangbi aisaram ba witin walan bamna. ¿Man nani aisaram dîa muni yang nani na ya? Man nani lika yang nani maipara rangbi aisaras kapram, sakuna Dawan mapara aisaram.

Impakan Sturka 23:15

Brit îs âpu dauki yua ba, lilia dauki kaia sma, dîa daukaia yang mai wîri ba kat, baha yua nani ba wik kum ba brit îs âpu pi kaia sma. Baha yua tara ba sika Abib katka ba, baha katka ra sika man nani Idsip tasbaya wina takram ba, bara upla kumi sin ai mihta bîla baman yang ra bal ai kaikaia apia sa, sut diara kum bri balaia sa.

Matiu 15:11

Upla bîlak dimi dukia ba lika witin ra tâski daukras. Sakuna, upla bîla wina taki ba baha sika witin ra tâski dauki ba.

Matiu 4:10

Bara Jisas bila: —Sitan, na wina taki was, kan Ulbanka ra wisa: ‘Man Dawan Gâdkam ra lulam kriki puram suni mayunma, bara witin dukia baman sin daukma.’

Matiu 4:7

Jisas bila witin ra: —Ulbanka ra sin wisa: ‘Man bui Dawan Gâdkam ra traika kaikpara.’

Mark 7:20

Bara ban sin win: —Dîa dîa upla wina takuya ba lika, upla ra tâski daukisa.

Luk 4:12

Jisas pana win: —Ulbanka ba sin wisa: ‘Dawan Gâdkam ra traika kaikpara.’

Luk 4:4

Jisas pana win: —Ulbanka ba wisa: ‘Upla brit mita baman raya kaia apia sa.’

Luk 4:8

Sakuna Jisas pana win: —Ulbanka ba wisa: ‘Man Dawan Gâdkam ra puram suni mayuns, bara witin dukia baman dauks.’

Jan 15:26

“Sakuna witinka hilp mai munaia bara maisam nihkaia wisi balbia ba, kasak tânka Spiritka yang mita Aisa wina blikamna ba, witin lika yang dukira witnis aisabia.

Jan 6:63

Spirit ba sika raya kaia yabi ba; wan wîna tara ba lika bahki pali sa. Bara diara nani yang mai wîri ba lika kasak pali spirit tânka nani sa, bara raya kaia sin yabisa.

Roman 15:4

Bamna patitara piua wina dîa dîa Ulbanka ra aisin ba, baha lika yang nani ra ai smalkaia dukiara ulban, wihka bîla kaikaia lâka bri ba mita bara Ulbanka nani mita wan maisa nihki ba mita, wan kainara diara briaia ba luki kabia.

Epesus 6:17

Swaki sakan lâka ba sin lal pura bikaia baku lamla ra baps, Spirit Holikira mita wanki sord ba sin bris, baha sika Gâd bîla.

Kli Smalkanka 8:3

Pât maikan plun wauhram, sakuna ningkara manâ maikan, man nani kaikras sma ba damikam nani sin kaikras kan ba. Mamrikaia want sa upla ba plun wina baman raya apia ba, sakuna bîla bani Dawan bîla wina taki ba mita raya sa.