Matiu 4:18 - DAWAN BÎLA AISKA

¹⁸ Jisas Galili lakunka unku wapi kan bara waitna wâl kaikan baha nani ai muihni kan; kum nina ba Saiman, ai nina wala Pita, bara wala ba lika Andru. Witin nani inska âialkra kan, bara ai iliska ba liura lulki kan.

Matiu 4:18 ပူးပေါင်းရင်းမြစ်များ

Impakan Sturka 3:1

Moses ai dapna Jetró, Madián prîska ba sîpka nani ba main kaiki kan. Yu kum upla iwras tasbaya bâk lui, witin ban Gâd ilka Horeb kat wan.

Impakan Sturka 3:10

Baha mita nanara man yabal ra aimaks, yang mai blikisni Idsip kingka fero mawanra waia, bara yang upliki Israel luhpia nani ba tâ brih baha tasbaya wina sakaia.

Isikiel 47:10

En-gadi ba wina En-eglaim kat inska âialkra nani bâra kabia, bara bahara sip kabia ai iliska nani lâkaia. Bara inska ailal pali bara sât sât bâra kabia Mediterráneo kabuka ra baku.

Kulki Kaikanka 34:11

bara Sefam wina Riblá kat, Ain lalmika tani ra; baha wina piarkika ban lui auya Quinéret lakunka lalmika kat,

Matiu 10:2

Naha sika apastil 12 ba nina: Pas ba Saiman, ai nina wala Pita, bara ai muihni Andru; Jems ai muihnika Jan wal, witinka nani Sebedi luhpia;

Matiu 15:29

Baha wina taki, Jisas Galili lakunka unku wan. Ningkara il kum purara uli, tasba ra pahrak iwan.

Matiu 16:18

Bara yang mai wisna: Man ba Pita, baha tânka lika “walpa”, bara naha walpaya purara sertski mâkamna, bara prura karnika pali mita sin pura lubia apia.

Matiu 4:19

Bara Jisas bila: —Man nani nini blîks, bara yang mita upla âialkra nani mai daukamna.

Mark 7:31

Jisas kli Tiro tasbaya wina taki, Sidón bara 10 tawan (Decápolis) bâk wan, bara Galili lakunka ra balan.

Luk 6:14

Baha nani sika: Saiman, nina wala Pita mâki ba; Saiman muihnika Andru ba; Jems bara Jan, Pilip bara Bartolomiu;

Jan 21:1

Bamna naha diara nani ningkara, Jisas kli ai disaipilka nani ra latan takan Tiberias lakunka un ra. Baku bamna witin naku daukan:

Jan 6:1

Naha ningkara Jisas Galili lakunka baila wala ra wan, baha sika sim Tiberias lakunka ba.

Jan 6:8

Bamna disaipil wala kumi nina Andru, Saiman Pita muihnika ba bila:

Kli Smalkanka 3:17

Baha tasbaya bilara, Arabá sin witin nani ra yabri, Jordan awala tasbaya piarkika baha wina, lalma tani ra Arabá kabuka kat, baha sika Kabu Pruan ba. Kli baha wina lalma tani ra, Pisgá ilka witnika ba kat.