Matiu 4:10 - DAWAN BÎLA AISKA

¹⁰ Bara Jisas bila: —Sitan, na wina taki was, kan Ulbanka ra wisa: ‘Man Dawan Gâdkam ra lulam kriki puram suni mayunma, bara witin dukia baman sin daukma.’

Matiu 4:10 ပူးပေါင်းရင်းမြစ်များ

1 Kronikas 21:1

Upla dahra kwakwahkra insalka ba Israel luhpia nani mapara taibi munan bara Debit ra munan upla nina ulbi kulkaia warkka kum daukan.

Job 1:12

Bara Dawan mita dahra kwakwahkra ra win: —Aitani, dîa brin mai dauki ba kat dauks Job dukia nani ba wal, sakuna witin pali wîna ra lika saura munpara. Bara dahra kwakwahkra ba, Dawan mawan wina mahka taki wan.

Job 1:6

Yu kumi, laih pura tasbaya uplika nani ba Dawan mawanra wih buaia wan, bara witin nani wal sin dahra kwakwahkra insalka ba wan.

Job 2:1

Laih pura tasbaya uplika nani Dawan kaikaia lamara wih buaia yua aimakan ba ra, dahra kwakwahkra insal ba sin baha nani tilara wan.

Lawana Nani 109:6

Ai wihtka baku upla watawikira kum mangki yas, bara ai lâka dadaukra ba bui ai lâka dauki pât ra lakbia;

Impakan Sturka 23:25

Dawan Gâdkam ra puram suni mayuni bas, bara witin mita patam nani ra lî nani ba pura ai yamnika yabi kabia. “Yang sin siknis nani ba, man nani wina laihura sakamni.

Aiseya 30:22

Bâra lika lilka nani daukram ba, silbar ni lalaubi paskram ba tâski kulkma, lilka nani karbi daukram prâka nani gul ni slilki daukram ba sin. Bara baha nani ba tnaya ra lakma kwala tâski wan âuya warbi ba baku; witin nani ra wima: latara taki was.

Matiu 16:23

Sakuna Jisas kir tawi, Pita ra win: —¡Sitan, yang wina taki was, kan yang maipara mini batakaika pali sma! Man ba upla nani baku lukisma, Gâd luki baku lika apia.

Mark 1:13

Bahara Jisas yu 40 takaskan, daiwan kraskira nani tilara, bahara Sitan mita ai traika kaikan; bara insal nani bal ai dukia dauki kan.

Luk 10:18

Jisas pana win: —Âu, yang kaikri Sitan kasbrika pura ba wina kauhan, sim imyula baku.

Luk 11:18

Baku sin, Sitan yakan dakwi takbia kaka, ¿nahki ai karnika ba ban kabia ki? Naha yang wisna, kan man nani ai wisma, yang pirit saura nani kangbi sakisna Bilsibub karnika ni.

Luk 13:16

Bara naha mairka na lika Ebraham kiamka, kuna Sitan mita naha sikniska wal priski bri kan 18 mani; ¿bara ris yua ra ai sikniska ba wina lanhkaia sip apia kan ki?

Luk 22:3

Bamna Sitan ba Judas kupia ra diman, witinka ba apastil 12 ba wina kumi kata, ai nina ba Iskariot mâki banhwi kata.

Luk 22:31

Bara Dawan naha sin aisin: —Saiman, Saiman, kaiks Sitan man nani ba makaban sa sim plawar mâ baku mai singbaia dukiara.

Luk 4:8

Sakuna Jisas pana win: —Ulbanka ba wisa: ‘Man Dawan Gâdkam ra puram suni mayuns, bara witin dukia baman dauks.’

Jan 13:27

Judas baha britka pîs ba brin wal baku, Sitan lika witin kupia ra diman. Baku bamna, Jisas bila: —Dîa daukaia sma ba, aihni dauks.

Apastil Nani Sturka 26:18

Man baha uplika nani nakra nani ba ilingkma, bara witin nani tihmia ra kau wapbia apia, sakuna ingni ra yarka wapbia. Bara sin Sitan mihta ra ban kabia apia, sakuna Gâd nina blîkbia; yang ra sin kasak lukbia, bara ai saurka nani sut ba swih tikan kabia, bara naika piua ra ai pliska bri kabia Gâd mita holikira sakan nani ba aikuki.’

Apastil Nani Sturka 5:3

Bara Pita bui Ananías ra win: —¿Dîa muni swiram Sitan mita man kupiam alkan Spirit Holikira ra kunin munaia, bara tasba atkram lalahka ba wina bakriki briaia?

1 Korint 5:5

baha waitnika ba Sitan mihta ra mangkan kaia sa, ai wîna tara ba sauhki tikaia dukiara, bara ai spiritka ba lika Dawan Jisas balbia yua ra, swaki sakan kabia.

1 Korint 7:5

Baha ba mita, pana pana wal prawaia apia wipara, ban kra pura sunra warkka daukaia dukiara wal lâ daukma piu wiria wal asla prawaia apia. Baha ningkara, kli asla prawi banhwaia sma, wînam tara nani sip alki takaskras sma ba mita, Sitan mita kra traikam kaikbiara sîa.

2 Korint 11:14

Naha na lika diara aihkakira apia sa, kan Sitan pali sin ingni insal baku takisa,

2 Korint 12:7

Diara nani param kaikri ba lika diara aihka pali kan, baha mita yang sip maiyunamna apia, wîni ra latwan kum aikan kata sin wîni tara ra kiaya kum ai diman ba baku, bara baha lika Sitan warkka baku balan kan wîni tara ra rausauhkaia.

2 Korint 2:11

bara baku mika Sitan yawan wina diara sâkbia apia; kan witin ai daukanka saura ba yawan kaikisa bamna.

Kli Smalkanka 10:20

“Dawan Gâdkam bîla wali dauki bas, bara witin ra baman mayuni bas; man nani kasak bas, witin ai nina ra baman swer taki bas.

Jems 4:7

Baku bamna, Gâd ra bawi banhs. Sitan mapara dutki bus, bara witin ba man nani wina plapbia.

Jasua 24:14

—Naha sut ba mita, man nani bui Dawan ra pain kulks, bara ban kasak ai dukia dauks kupiam wina, bara ai lâka aiska kulks. Damikam nani gâd bahki nani ra Éufrates awalka un ra bara Idsip ra mayuni kata ba wina dakwi taks, bara Dawan dukia dauki banhs.

1 Pita 5:9

Kasakkam lukan lâka kat bapi, witin mapara bûi bas, kan man nani kaikisma muihkam nani sut tasba aiska ra sim pâtka nani wahwisa.

1 Samuil 7:3

Bahamna, Samuil Israel luhpia nani sut ra win: “Man nani kupiam aiska kira kli Dawan ra tawma kaka, tringsar nani gâdka Astarté ba kli tilam wina saki lulkma, rayakam nani Dawan ra yama bara Dawan ra baman mayuni kama kaka, baku lika filisteo nani karnika wina dakbi mai sâkbia.”