Matiu 3:6 - DAWAN BÎLA AISKA

⁶ bara ai saurka nani dahra saki banhwi kan nani ba, Jan mita Jordan awala ra tahbi dauki kan.

Matiu 3:6 ပူးပေါင်းရင်းမြစ်များ

Esdras 10:1

Esdras Gâd tempelka ra dimi aisi ai pura suni ai dahra saki kan ba ra, ai lula kriki ai mawan ra kauhi ini, baha dauki kan ba ra Israel luhpia nani dakni kum taki, ai lamara wan: waitna, mairin bara tuktan nani, baha nani sin ai kupia wirha pali ini banhwi kata.

Lawana Nani 32:5

Saurki daukri dahra, yang bui man ra param mai wîri; watawi daukri ba, man ra yukukras kupi wal lâ daukri ba, lâ krikanka daukri daihra ba sut man ra sakri, bara Dawan, man, pâtki nani ba sut ban swih tikram.

Sins Lâka 28:13

Ani uplika ai saurka nani pura biki ba, ai bisniska ba sip yamni takbia apia; sakuna baha nani ai dahra saki si mahka swi ba, saurka swih tikbia.

Isikiel 36:25

Lî klin wal sikbamna, klin daukamna ai tâskika sut ba wina, sunu daukamna aidul nani wal asla kata lâka ba wina;

Daniel 9:4

Dawan Gâdki ra puri sunri, bara naha dahra na wîri: ‘Dawan, man lika Gâd karnakira pali sma ba, piua bani man dîa aisisma ba daukisma, bara man lamtwanka lâka tânka ba pliki kaikisma ya man ra latwan mai kaikisa, bara lâmka bîla nani kat sin dauki ba:

Libait Lâka 16:21

Eran ai mihta wal daiwra lal ba kat kahbi, Israel luhpia nani saura daukan dahra ba aisabia, witin nani Dawan mapara buan ba sin. Baku dauki natka ra guts ba lal purara baman, upla nani saurka ba sut kahbia. Ningkara upla kum ra wibia, bal gutska ba brih waia, upla ra iwras tasbaya ra bri si lanhkaia.

Libait Lâka 26:40

“Man nani saurkam daukram dukiara tânkam bri kama kuna, bara aisikam nani saura daukan ba sin, baku sin man nani lilia lâka âpu sma ba, yang maipara buram ba sin,

Kulki Kaikanka 5:7

Bamna baha uplika saura daukan ba ai dahra sâkbia, bara aibapaia sa. Bamna witin ya mapara saura daukan, diara sauhkan ba mana ba kulki saki, kau baha purara kli mânka matsip ba pura praki, bara yaka baha sut uplika ba ra aibapbia.

Matiu 3:11

Kasak pali mai wisna: yang lika lî ni baman tahbi mai daukisna, saurkam nani wina kupiam laki Gâd ra balaia; sakuna yang ninira wala kum aula ba lika Spirit Holikira ni bara pauta ni sin tahbi mai daukbia. Witin ba yang purkira kau karnika brisa, ban tara bamna, witin ai sûska nani twilkaia sin yang aitani apia sna.

Mark 1:5

Judia bara Jerusalem tawanka nani sut witin ra walaia balan kan, bara ai saurka nani dahra sakan, Jan mita tahbi dauki kan Jordan awala ra.

Luk 1:16

Witin mita Israel luhpia nani manis kli ai Dawan Gâdka ra laki bri balbia.

Luk 3:16

Sakuna Jan baha nani sut ra wisata: “Kasak pali, yang lika upla ra lî ni baman tahbi daukisna; sakuna kum aula, witin lika upla ra tahbi daukbia Spirit Holikira ni, pauta ni sin. Yang wal witinka ba kau karnika brisa bamna, ai sûska awa pan lanhkaia aitani apia sna.

Apastil Nani Sturka 1:5

Kasak mai wisni: Jan lika upla ra lî ni baman tahbi dauki kan, ban sakuna, kainamra kau yu kulki man sa, man nani lika Spirit Holikira ni tahbi mai daukan kabia.

Apastil Nani Sturka 11:16

Bara yang kupi krawan Dawan naku aisin ba dukiara: ‘Kasak pali Jan lika lî ni upla tahbi daukan, sakuna man nani lika Spirit Holikira ni mai tahbi mai daukan kabia.’

Apastil Nani Sturka 19:18

Baku sin kasak lukan nani ba ailal bal ai dahra sakan, saurka nani piua luan ra daukan ba sut pali.

Apastil Nani Sturka 22:16

Bara nanara, ¿man dîa bîla kaikisma ki? Mahka, yas tahbi mai daukbia, Dawan nina kat luki, saurkam nani sut sikbi sakaia dukiara.’

1 Korint 10:2

Kasbrika bara kabu ra sin, baha nani sut tahbi daukan kata, Moses nina blablikra nani baku.

Kolosi 2:12

Bara man nani sut tahbi mai daukan ba ra, Kraist wal raiti ra mai bikan kan, baku sin witin wal kli pruan wina mai bukan, kan man nani kasak lukram, Gâd karnika mita Kraist ba pruan nani tila wina kli bukan.

Hibru Nani 6:2

tahbi daukaia lâka smalkanka nani, lalukra nani purara upla ai mihta nani kahbi lâka ba, pruan nani kli buaia ba bara ban kaia lâka daukanka ba sin.

Hibru Nani 9:10

Witin nani daukaia sa plun nani wal baman, laya din nani bara ai wîna nani klin sakaia sât sât sin. Naha sut na lika pura tani lâka nani baman sa, bara tânka aihwa kumi sin âpu sa, Gâd diara nani sut kli aihka lakbia piua kat mika.

Jems 5:16

Baha mita, pana pana saurkam nani damhra sâks, bara pana pana dukiamra sin puram suni bas, bara baku lika rawma. Upla kasakkira pura sunra ba karnika tara brisa.

Jasua 7:19

Bara Jasua bui Acán ra makabi walan: —Luhpi, pain kulkan mayunan lâka ba Dawan Israel Gâdka ra yas, man dîa daukram ba damra ba yukukpara, ai wis.

1 Pita 3:21

Baha laya ba lika tahbi wan dauki laya ba lilka kan, naha mita sika nanara swaki wan saki ba. Tahbi daukaia lâka ba lika wan wîna ra tâski bri ba sikbi sakaia tânka apia sa, sakuna Gâd ra wan kupia dahra walra klin wankbia makabaia ba tânka sika. Bara swaki wan sakisa Jisas Kraist pruan wina kli buanka bâk.

1 Jan 1:9

Sakuna Gâd ra wan saurka nani dahra sâkbia kaka, yawan sip sa kasak luki kaia, diara kasak ba witin daukbia; wan saurka nani sut swih tikbia, bara wan watawanka lâka sut ba wina sikbi klin wan sâkbia.