Matiu 3:12 - DAWAN BÎLA AISKA

¹² Witin ai mihta ra singbaia dukia pat ridi brisa, bamna plawar mâ ba klin dauki, taya ba sait ra sâkbia. Plawar mâ ba ai pata watla ra auhbia, sakuna taya ba pauta kum ban kaia ra dasras ba ra angkan kabia.”

Matiu 3:12 ပူးပေါင်းရင်းမြစ်များ

Job 21:18

¿Ahkia twi baku yakabrira daukata, pâsa ai karnika raski brih tauki ba baku?

Lawana Nani 1:4

Upla watawi nani ba, baha baku apia sa; sakuna rais kapan taya nani pâsa mita yakabi ba baku sa.

Lawana Nani 35:5

witin nani ba dus taya yuya pâsa ra pâli ba baku kabia. ¡Dawan insalka bui witin nani ra baku munbia!

Aiseya 1:31

Karnakira ba, twi lâwan baku takbia, ai daukanka nani ba sin biulwaia dukia kabia, bara wâlsut ambia, baha daskaia sin upla âpu kabia.”

Aiseya 17:13

Sakuna Gâd mita witin nani ra lawi daukbia, bara witin nani laihura plapbia, munka plapbia, kapan taya nani pâsa ra pâli ba baku, pukpuka nani prari bri pâli ba baku sin.

Aiseya 27:4

Kupi baiwanka witin mapara âpu sna. Sakuna kiaya, rahra maipara bâra sa kaka, taki wih war dauki, angki âpu daukamna.

Aiseya 28:28

Plawar ba taya sakisa, sakuna takaskras taya saki kabia apia; ai karitika wilwaika ba ni mâ ba akbras, taya sakaika napa ba ni sin mâ ba krikras.

Aiseya 30:24

Warkkam daukaia bîpka wainhka nani ba, birikukam nani ba sin, tasba baiki ba, insla wina plun nani singbaika ra mangki singban kau auhni ba wina plun pibia.

Aiseya 41:16

Witin nani ba pâsa ra bukma, bara pâsa mita witin nani ba brih wabia, prari mita tanis yakabia. Bara man Dawan ra lilia kama, Israel Gâdka Holikira ba dukiara tara damra wali kama.

Aiseya 5:24

Baha ba mita, dipasta lâwan pauta mita angki ba baku, pauta klauhan mita wahia lâwan nani angki ba baku, man nani sin baku tanis tiwma, dus wakia nani sukwi ba baku tangnika yamhpus taki ba baku. Kan witin karnika sut bri Dawanka lâka ba lulkram bamna, Israel Gâdka holikira ba.

Aiseya 66:24

“Witin nani balbia bara kaikbia upla pruan nani ba baha nani maipara buan ba. Liwa nani baha nani ra pi ba sip pruras ban kabia, pauta klauhan witin nani ra angki ba sin daskbia apia. ¡Baha ba diara saura pali kabia upla sut mapara!”

Jirimaya 15:7

Kuntrikam ra tawankam tara nani ba wina uplikam nani ba saki rais taya pâsa ra yakabi baku yakabamni; upliki nani ba sauhkri bara luhpia nani ba âpu daukri witin nani ai rayaka lâka saura ba swiras ban ba tâwan.

Jirimaya 17:27

Sakuna man nani lika yang lâ aisari ba wali daukras, baku yua ba yang yui aikras, ris yua ra Jerusalem getka ra diara twilki dimaia apia wisna ba sin walras sma kaka, bâra lika yang tawan getka nani ba ra pauta mukamna, pauta klauhan kum king watla Jerusalem ra bara upla kumi sin sip daskbia apia.’ ”

Jirimaya 4:11

Baha yua aimakbia ba ra, naha uplika nani Jerusalem uplika nani ra wibia: “Upla iwras tasbaya wina pâsa lapta krawi yang upliki nani purara aula, plawar mâ taya puhbi sakaia payaska krawi ba baku apia;

Jirimaya 51:2

Yang daukaisna waihla nani bal Babilon ba plawar taya pâsa ra buki baku bukaia; daukaisna tasbaya ra upla kumi sin swiaia apia. Diara saura takaia yua balbia ba ra, tnaya bani wina witin mapara bal aiklabia.

Jirimaya 7:20

Bahamna, yang Dawan ba kasak mai wisni yang lawanki ba naha tawanka nani purara, uplika nani ba purara, daiwan nani ba purara, dus nani pâwi ba purara bara insla mâ nani dâki ba baha nani sut purara blikamna. Impiara ami ba baku ami ban dasras kabia.”

Oseas 13:3

Baha mita, witin nani titan mukuska baku kabia, lalma kahbi diwaska laya baku sin, titan pali pat lap tiwi ba, rais kapan taya pâsa brih pâli ba baku, kiasma kubus wina taki ba baku sin.

Emus 9:9

Yang bui daukamna, Israel luhpia nani ba singbi kaikaia, plawar mâ singbaika ra auhbi singbi ba baku, mâ kumi sin tasba ra batakan kabia apia ba.

Malaquía 4:1

Karnika sut bri Dawanka ba aisisa: “Yua ba aula sa, kubus lapta takan ba baku, prautkira watawikira nani ba sut twi lâwan baku pauta klauhan kum ra ambia. Baha yua aula ba mita angki witin nani sut âpu daukbia.

Matiu 13:30

Swis wâlsut pâwbia dâkaia piua kat; bara baha piua ra, wark uplika nani blikrika inma saura ba pas daiki, karban nani dauki, angkbia, bara baha ningkara, plawar mâ ba lika pati watla ra sunbia.’ ”

Matiu 13:41

Upla Luhpia Waitna mita insal nani blîkbia bara witin nani mita Gâd king aimaki tasbaya ba wina, upla wala nani ra saura lâka ra bataki nani ba, bara saura dadaukra nani ba sut asla wahbia.

Matiu 13:42

Baha nani pauta klauhi watla ra lulkbia, bara baha ra sika inan man kabia, ai napa nani sin arkbi kabia.

Matiu 13:43

Bara Gâd bîla wali dauki nani ba, ai Aisa king aimaki tasbaya ra lapta baku ingwan kabia. Man nani kiamam brisma kaka, wali banhs.

Luk 3:16

Sakuna Jan baha nani sut ra wisata: “Kasak pali, yang lika upla ra lî ni baman tahbi daukisna; sakuna kum aula, witin lika upla ra tahbi daukbia Spirit Holikira ni, pauta ni sin. Yang wal witinka ba kau karnika brisa bamna, ai sûska awa pan lanhkaia aitani apia sna.

Luk 3:17

Mâ singbi sakaika ba witin ai mihta ra brisa, plawar mâ ba klin daukaia, bara taya nani ba sin sait ra sakaia. Plawar mâ nani ba ai pata watla ra auhbia, sakuna taya nani ba lika pauta ra angkbia, baha pautika ban kaia ra sip dasras ba ra.”

Jan 15:2

Witin mita ani tnawa sip ai mâ sakras ba klaki sakisa, sakuna ani tnawa ai mâ saki ba lika dauhbi klin daukisa, ai mâ kau sâkbia dukiara.