Matiu 3:11 - DAWAN BÎLA AISKA

¹¹ Kasak pali mai wisna: yang lika lî ni baman tahbi mai daukisna, saurkam nani wina kupiam laki Gâd ra balaia; sakuna yang ninira wala kum aula ba lika Spirit Holikira ni bara pauta ni sin tahbi mai daukbia. Witin ba yang purkira kau karnika brisa, ban tara bamna, witin ai sûska nani twilkaia sin yang aitani apia sna.

Matiu 3:11 ပူးပေါင်းရင်းမြစ်များ

Aiseya 4:4

Dawan ba ai karnika ni lâka daukbia bara Saion luhpia nani tâski ra ba sut sikbi sâkbia. Jerusalem ba klin daukbia, witin nani kaiki lâ sahwan ba wina.

Aiseya 44:3

kan upla iwras tasbaya ra yarka lî plapbia, awala nani daukamni, tasba lâwan diara pâwras pliska nani ra. Kiamkam nani purara, yang rayaka raya yabamni, bara yang yamniki nani blikamni.

Matiu 3:6

bara ai saurka nani dahra saki banhwi kan nani ba, Jan mita Jordan awala ra tahbi dauki kan.

Mark 1:4

Diara nani takan ba sika, Jan ba balan upla nani ra tahbi dauki kan upla iwras tasbaya ra. Witin nani ra sin ban naku aisi kan: “Man nani kupiam laks, bara tahbi mai sâkbia, baku mika Gâd mita watawankam nani ban swih tikbia.”

Luk 1:17

Witin lika Dawan kainara wabia, bara witin ai spiritka ra, ai karnika ra sin Ilayas kata ba baku kabia. Aisa nani ai luhpia nani wal yaka kupia kumi takbia, bara kiama karnira nani ba yaka bîla wali dadaukra takbia. Baku mika, witin mita upla nani ridi daukbia Dawan briaia dukiara.

Luk 3:16

Sakuna Jan baha nani sut ra wisata: “Kasak pali, yang lika upla ra lî ni baman tahbi daukisna; sakuna kum aula, witin lika upla ra tahbi daukbia Spirit Holikira ni, pauta ni sin. Yang wal witinka ba kau karnika brisa bamna, ai sûska awa pan lanhkaia aitani apia sna.

Luk 3:3

Jan lika Jordan awala lamara plis nani sut bâk impaki, upla nani ra naku win: “Man nani kupiam laks, tahbi mai daukan kaia sa. Baku mika Gâd bui saurkam nani ba swih tikbia.”

Jan 1:15

Jan, witinka dukiara witnis aisi, naku win: “Naha sika baha witin dukiara yang aisi katna ba, naku aisi: witinka ninira aula ba lika, yang wal kau tara sa, kan yang âpu kapri ba ra, witin pat bâra kan.”

Jan 1:30

Yang bui witin na dukiara sika aisi, naku wisatna ba: ‘Yang ninira upla kum aula ba sika, yang wal kau tara sa, kan witin lika yang âpu kapri wina ban bâra sa.’

Apastil Nani Sturka 1:5

Kasak mai wisni: Jan lika upla ra lî ni baman tahbi dauki kan, ban sakuna, kainamra kau yu kulki man sa, man nani lika Spirit Holikira ni tahbi mai daukan kabia.

Apastil Nani Sturka 19:4

Pal bila: —Jan lika upla tahbi dauki kan wan saurka nani wina wan kupia lakan tânka ba kat, bara Israel luhpia nani ra sin win, witin ai ninara kum aula ba ra kasak lukbia, bara baha ba sika Jisas.

Apastil Nani Sturka 8:36

Witin nani ban impaki lî bâra kan pliska kum ra balan, bara yunok ba bila: —Lî nahara sa, ¿bara aitani kabia apia ki tahbi ai daukaia?

Apastil Nani Sturka 8:38

Bamna Etiopía waitnika adar yan, kar ba takaskbia, bara wâlsut kar ba wina iwan. Bahara Pilip mita tahbi daukan.

1 Korint 12:13

Baku ba mita yawan sut na, Ju nani kabia, apia kaka Grik nani kabia kra, alba nani, alba apia nani, tahbi wan daukan ba ra, asla wîna tara kumi paskan sa, Spirit kumi baman bâk; bara sut ra sin Spiritka kumi bâk wankan din sa.

Epesus 3:8

Gâd uplika sirpi nani sut tilara, yang na kau sirpi pali sna; sakuna Gâd mita ban adar aikan, Kraist yuyaka sip kulki sakras ba, Ju apia uplika nani ra smalkaia.

Taitus 3:5

witin swaki wan sakan. Baha ba lika yawan mita diara pain nani kra daukan tâwan lika apia, sakuna umpira wan kaikan ba mita. Sikbi wan sakan bâk witin mita swaki wan sakan, bara baha tânka ba lika, yawan na kli aisubi takan, bara Spirit Holikira mita rayaka raya wankan ba bâk sin.

1 Pita 5:5

Baha sim natka ra, man nani wahma nani, almuk nani karnika munhtara bawi bas. Man nani sut kumi bani walkam munhtara bawaia sma; kan Ulbanka ra naku wisa: “Prautkira nani ba Gâd mita batakisa, sakuna bawikira nani ra lika ai yamnika ni buki hilp munisa.”