Matiu 27:54 - DAWAN BÎLA AISKA

⁵⁴ Bara suldiar kiaptinka bara wala nani Jisas ra aihwaki kan ba kira, tasba nikban bara diara wala nani takan ba kaiki, sibrin tara daukan, bara naku win: —¡Kasak pali naha waitnika na Gâd Luhpia kan!

Matiu 27:54 ပူးပေါင်းရင်းမြစ်များ

Matiu 26:63

Sakuna Jisas sâp kan. Bara prîs nani wihtka ba mita win: —Gâd rayakira ba nina ra, swer taki mamkabi walisna man ba kasak ba kat aisama. Wan wis man ba Misaya, Gâd Luhpia sma sapa.

Matiu 27:36

Ba ningkara, bahara iwan aihwakaia dukiara.

Matiu 27:40

naku aisan kan: —¡Man, tempel ba slingbi yu yumhpa ra kli paskisma ba, man wînam kat swaki taks! ¡Gâd Luhpia sma kaka, dus prihni ba wina bal iws!

Matiu 27:43

Witin lika Gâd ra kasak lukan: ¡bamna Gâd mita witin ra swaki sâkbia nanara, witin baku want sa kaka! ¿Witin wan win apia, witin ba Gâd Luhpia sa?

Matiu 27:51

Baha sim piua ra, tempel kwalka paman kan ba lilak kalwan, pura wina munhta kat. Bara tasba ba nikban, walpa nani ba tar baiwan,

Matiu 4:3

Bara dibil balan Jisas traika kaikaia, bamna naku win: —Man ba Gâd Luhpia kaka, naha walpaya nani ra adar yas brit takbia.

Matiu 8:5

Jisas Kapernaum tawanka ra diman ba ra, Rom suldiar kiaptinka kum ai lamara bal, makabanka kum daukan.

Mark 15:39

Rom kiaptinka kum Jisas mawan tani ra bûi kan ba kaikan bara walan, nahki Jisas ai bîla baikra tara wini si, pruan ba. Bamna witin bila: —Kasak pali, naha waitnika na Gâd Luhpia kan.

Luk 22:70

Bamna sut mita makabi walan: —Ban kaka, ¿man na Gâd Luhpia? Jisas pana wisata: —Âu, yang sna, man nani aisaram ba baku.

Jan 19:7

Sakuna Ju nani pana win: —Yang nani lâ kum brisna, baha lâka ba kat witin na pruaia sa, kan witin na Gâd Luhpia sa win.

Apastil Nani Sturka 10:1

Sesaria tawanka ra waitna kumi bâra kan nina ba Cornelio, witin lika Rom suldiar daknika kiaptinka kata, nina Italia wina ba.

Apastil Nani Sturka 2:37

Upla nani naha walan ba ra, sari pali takan, bara witin nani Pita ra bara apastil wala nani ra sin makabi walan: —Muihki nani, ¿yang nani dîa daukaia sna ki?

Apastil Nani Sturka 21:32

Kamandanti ba ai suldiar nani ba bara suldiar nani bara kiaptin nani ba sin asla kuki brih, upla nani bâra kan ba kat plapi wan. Witin nani kamandanti bara suldiar daknika ba kaikan ba ra, Pal ra pruki kan ba, mahka swin.

Apastil Nani Sturka 23:17

Bamna Pal mita kiaptin kum winan witin ra balan, bara win: —Naha tukta waitna wahma na kamandanti ra brih was; witin sturi brisa wiaia.

Apastil Nani Sturka 23:23

Kamandanti bui kiaptin wâl witin ra winan balan, bara adar yan suldiar nani ridi sâkbia Sesaria ra waia, tihmia 9 aklak, 200 suldiar ai mina ra wapaia, 70 ba lika aras ra uli, wala 200 ba lika langsa bri kan.

Apastil Nani Sturka 27:1

Italia ra wan blikaia wilin taki banhwan ba ra, Pal bara silak uplika wala nani sut ba kiaptin Julio mihta ra mangkan. Suldiarka nani nina ba mâki kan Rom ra king tara ba daknika.

Apastil Nani Sturka 27:43

Sakuna suldiar nani kiaptinka mita lika Pal ba swaki sakaia lukan, bamna baku daukaia adar yaras kan, sakuna win ya ya yawaia sip sa kaka, trai muni mahka dimwi yawbia sauhka ra ulaia,

Param Marikanka 11:13

Baha sim piua tasba nikban tara kum takan, bara tawan ba mânka matawalsip daukan wina kumi ba kauhan, bara tasbaya nikbanka ba mita upla 7,000 pruan. Uplika nani pruras swakwan ba sibrin tara alkan, bara kasbrika purara Gâdka ra mayunra yabi kan.