Matiu 27:32 - DAWAN BÎLA AISKA

³² Witin nani taki auya kan ba ra, Cirene wina waitnika kum wal prawan, nina ba Saiman; bara witin ra taibi munan Jisas dusa prihni ba twilkaia.

Matiu 27:32 ပူးပေါင်းရင်းမြစ်များ

1 King Nani 21:10

Ningkara witin mawanra kuninkira wâl yas bubia, bara witin nani Nabot mapara kunin aisi wibia witin ba Gâd mapara bara king mapara sin saura aisan. Bara ningkara sâks, bara walpa ni sabi iki banhs.’’

1 King Nani 21:13

Bara kunin aisasara wâl balan, bara witin mawanra iwan, bara baha waitna kuninkira wâl ba, Nabot mapara kunin aisi upla nani ra win Nabot lika Gâd mapara bara king mapara sin saura aisin. Bamna tawan ba wina latara saki bri si walpa ni sabi ikan.

Libait Lâka 4:12

wibia kaka bîpka aiska ba, tint watla lata tani ra saki, tâski âpu pliska ra yamhpus yakabaika ba ra pauta paski baha sut angkbia.

Libait Lâka 4:21

Baha ningkara, bîpka wîna ba sut saki, tint watla lata tani ra angkbia, baha ba tawan saura daukan ba saurka mana sakripaiska bamna.

Libait Lâka 4:3

“Prîs ba bahmuna saurka daukan kaka, bara baha wal tawan uplika nani baku pâtkira takan sa kaka, witin bîp kum watawan âpu pali ba iki, saura daukan ba mana sakripais daukbia.

Matiu 16:24

Bara Jisas ai disaipilka nani ra win: —Ya yang nini blikan dauki kaka, witin ai wîna ba kulkaia apia sa, bara ai dusa prihni ba brih, nini blîkbia.

Matiu 5:41

Ya mita taibi mai muni mail kumi brih wama mai wibia kaka, mail wâl ban brih was.

Mark 15:21

Cirene wina waitna kum nina Saiman, Alejandro bara Rufo wal aisika, insla wina aula kan; bara bâk luan, taibi munan Jisas dusa prihni ba twilkaia.

Luk 23:26

Jisas ba dus ra sabaia brih auya kan ba ra, Cirene wina waitnika kum wal prawan nina Saiman bara baha ba alki banhwan; witinka ba tawan sirpi kum wina aula kan, bara dus prihni ba witin ra yan twilkaia Jisas nina tani ra.

Jan 19:17

Bamna Jisas dus prihni ba twilki taki wan, Wan Lalkamhka wi ba pliska ra (baha pliska ba Hibru bîla ra Golgota mâkisa).

Apastil Nani Sturka 11:20

Sakuna lalukra nani tila Chipre bara Cirene wina kan ba mita Antíoco tawanka ra wan, bahara Dawan Jisas swaki wan saki sturka ba Ju apia nani ra smalkan.

Apastil Nani Sturka 13:1

Antíoco ra serts bâra kan ba ra, prapit nani bara smasmalkra nani sin bâra kan. Baha nani sika Bernabé, Simian, nina wala Taya Siksa mâki kan ba, Lucio Cirene wina ba, Manahem, witinka Galili kuntrika wihtka, Herod wal pâwan ba, bara Saulo sin.

Apastil Nani Sturka 2:10

Frigia, Panfilia, Idsip, Cirene kuntrika tasbaya lama wina, baha purkara Rom wina sin upla nani nâra sa;

Apastil Nani Sturka 6:9

Prias watla uplika nani tila, nina alba kan pri takan nani mâki ba, Cirene wina nani ba sin, Alejandría wina bara Cilicia tasbaya wina bara Asia kuntrika wina nani ba sin, witin nani mahka Stiben wal blahwi kan.

Apastil Nani Sturka 7:58

Bara tawan ba wina saki, walpa ni sabi kan. Bamna witnis nani naha diara daukan ba ai kwalka nani ba waitna wahma kumi nina Saulo, bahara yan main kaikaia.